إن غبت وغابت أخباري عنكم فالدعاء وصيّه بيننا فـ يارب اغفر لي عندما أموت وسخر لي من يدعو لي بعد موتي وتوفني وانت راضٍ عني

يحبه العجمي ولا يبغي ثمن حبه حصيل و اللي يحبونه عوال عجيم : محدٍ طايله عـتيـم

والحُب مثل الدين " لا إكراه فيه " إن ما توافقنا ؟ عفى الله عمّا سلّف . فهد المبخوت

ياوجودي وجد من لاعته شهب الظروف ! لين شافه من يعرفه .. " ولا عاد عرفه " _ مبارك بن رادعه

فوضى مشاعر وصدق وتضحيه والتزام بياعته فـ المساء .. ف الصبح شرايته جيتك مجي الكرام اللي تحب الكرام واخترت درب توقف عندك نهايته ان كان جيتي مجيك فوق صدري وسام وان كان رحتي . . فمان اللّٰه ورعايته .

الردي ؟.. ماياخذ الناموس لو بـ الاستعاره إن سعى خيره لـ نفسه وان حكى نقال نمه ـــ عتيم

عن هوى داري معك مانيب داري كل دارٍ نجتمع فيها ،، وطنا حدددي مستقبلي وأخذي قراري وطوقيني بالغلا ،، منا ومنا محمد جارالله وكفّى✨

الناس تقول: هلا وضيدان يقول:"مرحبا يا راس مالي وكنزي وذهبي"

تعبنا من أعذار الغلا .. والظروف أحكام متى تسمح الفرصه و أجي كلي مفادي؟ - تركي بن جويعد اعرف احبك فعل و اعرف احبك كلام الى متى احبك اسمعها .. ولا اشوفها - محمد بن ظافر

سرى الليل وش غير الحماسه وابو تمّام نديم الورق ، والحبر ، والقهوه السادة بصدري كلام وفي خيالي وصل واوهام لو اخير منهن " دمعةٍ فوق سجّادة " انا اكثر بشر تغريه الاحلام والاحلام يموت الولد من دونها ما ادرك مراده ! ما عاد ادري شلوني؟! من الفقد والالام قعدت .. آتجنب سطوة الوقت وعناده يالايام .. وش باقي تخبين يالايام ؟ عسى باقي من ديرة الوصل نشاده مضى عام .. عقبه عام .. واليوم ثالث عام ولازلت بقدام الطواريق وجداده ..! يا ما عذبك " وانت تهب حتى مع الانسام " ويا ما اقساك "وانت تغرب الشخص ببلاده تكلّم .. تحرّك .. سولي شي .. انا منضام غدى السهر مهنه والتملل غدى عاده ..! احبك بشر .. ماني بحبك من الاصنام علامك تضيم انسان تقدر على اسعاده ..؟ تشوف الغريب اللي عدى لك وطاح وقام سؤاله وش اللي ينفعك من توجاده ..؟ تحسب القصيد الهام ! والله مهو بالهام قصيدي شعورٍ ما عرف وش هي ابعاده كتبت ..، ومليت الارض شعر ووله وهيام ولا طعت فيك الناس .. والناس نقّاده ..! مثل من ملى الدنيا لحون وصدى وانغام لو انه تشتت بين ( ورده ومياده ) .. من الشعر ماخلد بشر واستمر ودام لولا " شعر ابن زيدون وش حجم ولاده " ..! لو اضيع بك من ضاع فيك انت ما ينلام وش اللوم ونفوس المحبين منقاده ؟ ياكم من صحيحٍ .. يقتله منك السلهام وياكم من مريضٌ .. منك والصبر مافاده لك قلاده .. ان حبيت صارت عليك حزام ولي الصبر .. لو نارك على الكبد وقاده .. يا " كثر الفتن " من غرّتك .. ل اسفل الاقدام وجهاد الفتى نفسه عليك " اعظم جهاده" ! ( اشوفك .. وطن وتشوفني رحلة استجمام واشوفك عمر وسنين ماهي بمنعاده ..! معي قلب واحد .. لو تقسمه خمس اقسام بحبك بكل اقسامه الخمس وزياده ..! ) - بندر الدويش

تقولون دام إنه ... سراب ولحقته ليه؟ ترى متعتي في شوفه وفي ملاحقته شعوري ورا حلمي وأنا أصايده وأخطيه أخاف إنه أحلى .. من شعوري لا حققته حبيبي يا ليت العمر منا إلين أنهيه مثل ضحكتك لا قلت شيء ما صدقته

تصبّر علي يومين واجي على الميعاد وان زادت اليومين ساعه .. تصدق لي ــ صالح النشيرا

عزتي للي سّواتي عشق مالاً يطال ويوم طاله ضيع الحلم بين امه وإبيه ياول احلام الطفوله على "حّد الخيال الرجا بالي حمى البيت من حمله بّرييه «ولا انا ياوجد حالي وجود ـــ مايقال وجد من ضحى بغاليه لرضى والدّييه» ــ ضيدان بن قضعان

صباح الخير اما بعد // حنا نعرف إن الحياه تلف بالناس وتدور خلك رغم دوراتها ثابت ومنكر للخطأ"

المجتمع يشكي من صغار العقول اعوذ بك يارب من سوء القضاء البعض مافيهم حياء في فضول وأنا ماعندي كِبر عندي كبرياء أقول لظروف الحياه اللي تحول بيني وبين ملامس عّنان السماء اللي عليّ الأجتهاد ، أما القبول سبحان من يعطي القبول لمن يشاء عبدالله السراهيد

لنّ ترى معادن الناس بالشكل الصحيح لين تبلغ — مُجريات الظروف آشدّها

وش يملك الأنسان غير انه يقول الله يعين ؟ ولا أكثر ( الأمال ) بين المقبله !.. و المقفيَه _ناصر بن مفلح

ما يكسب الراحه إلا : المؤمن الحالم فـ الجانب الليّن و فـ الجانب القاسي لو ضيّع القاضي المظلوم .. و الظالم ما تقدر الذكريات تذكّر ( الناسي الواقع " يعادي " إللي ودّه .. يسالم في كل ليله يدور و يجرح إحساسي حتى هموم الحياة و ضيقة العالم شلّيتها لين ما طاحت على راسي @tf_ajmi

مالت الافكار والشمس مالت للغروب وحتويت الحزن معاد لي فيه اخشرى بصدر تنهيده وضيق كون وضيق ثوب ودمعة تمسح على الرمش ماحي درى « انجحت كبدي وانا لا نجاح و لا رسوب ليت قلبي مثل راسي ـــ ليا رد البرى »

خلك محافظ على رزانه عقلك في وقت كثروا فيه خفاف العقول ختام الليله:)