يقول لنا الشعر ف زمن الكارثة دم،ودم،ودم ف بلادك،ف اسمي وف اسمك،ف زهرة اللوز،ف قشرة الموز,ف لبن الطفل،ف الضوء والظل,ف حبة القمح،ف علبة الملح قناصة بارعون يصيبون أهدافهم باميتاز هذه الأرض أَصغر من دم أبنائها الواقفين على عتبات القيامة مثل القرابين هل هذه الأرض حقا مباركة أم معمدة

يعني انا ك بنت بفتح النت اشوف واحدة بتضرب في الشارع و اخرى بتتقتل و تالتة بيتم التحرش بيها و الشارع يقف مع المتحرش و الاقي رجالة هنا بتتكلم عن الستات اللي مش بتصرف معاهم و شغل المرأه و لبسها و وقتها و حواجبها و نقاشات ادنى من الدناءة اكمل حياتي بشكل طبيعي ازاي في وسط المزبلة دي

RIP Marjane Satrapi (1969-2026)

شفت فيديو لشاب في شارع في حي شعبي بيقول للستات والبنات ازاي يمشوا، وازاي ياخدوا حاجة من على الأرض لو وقعت منهم. جنب فيديو شباب في العيد بيقولوا على الأب اللي خلى بنته تنزل الشارع إنه خروف. جنب عشرات الفيديوهات اليومية للتحرش والسفالة. جنب مداخلات شبه أسبوعية من الشيخ فلان والشيخ فلاني عن كل ما يخص الستات. وجنبهم خبر يومي عن إحالة فلانة للمحاكمة عشان فيديوهاتها. كل ده، وألف تفصيلة تانية، مش هيتحلوا بتغليظ العقوبة، ولا بسجن الناس، احنا محتاجين نقاش حقيقي حوالين إحنا كمجتمع شايفين الستات إزاي اصلا . ده السؤال الصعب اللي محتاج إجابة صادقة ونقاش جاد من كل الناس، من أول الشاب اللي بيعلمها تمشي إزاي، لحد وكيل النيابة وصولا للسيسي. احنا شايفين الستات ازاي؟

فى اعلان المتحدة بتاع العيد ملاقوش غير احمد عز هو ال يقول ان العيد لمتنا ، لمة الاهل !!!

مع احترامى لكل المحاولات بس بجد كم الناس ال بتروج لمشاريعهم الخاصة بعمل الدونتس دى والصعوبات والتحديات ال بيوجهوها ..بس هل فى ماس بتحب الدونتس اصلا !! اصل الدونتس من احسن مطاعم بيطلع طعمه عيش فينو مقلى ف مش عارفة من مشروع متواضع فى البيت حيبقى عامل ازاى..عموما بجد ربنا يوفقكوا

للمره السبعه و سبعين الف يحصل نفس الموقف مع ناس مختلفة . يا جدعان ارحمونا بقى ربنا مش محتاج كل التأليف ده و لا الناس محتاجاه عشان تؤمن ان ربنا بيرزقنا من حيث لا نحتسب ربنا مش محتاج حد يأكد انه رزاق و بيساعد عبيده بدعوه او من غيرها. بطلوا شغل الاعرابي ابو معجزات ده ربنا اكبر بكتير

في فيديوهين انتشروا النهارده، وردود الفعل عليهم كانت دالة على حاجات كتير. الأول: شاب شغال ديليفري، بيوصل أوردر ساندوتشات بـ٩٠٠ جنيه، وبيساءل في الفيديو الظروف وهو بيقول الحمد لله، وبيقول إن قيمة الأوردر ده شغل ١٠ أيام. وطبعاً الناس مسكت الفيديو تقطيع في الراجل وإزاي هو حاقد وإزاي الفقراء بيكرهوا الأغنياء. التاني: ست غلبانة بتعد رزمة فلوس كلها فئة خمسة جنيه، يعني الرزمة كلها مش هتكمل ٥٠٠ جنيه يمكن. واللي نشر الفيديو افترض إنها “شحاتة” وإن ده إيراد شغلها ، ومعظم التعليقات بتتكلم عن قد إيه الشحاتين بيكسبوا فلوس وبتساءل الشحاتة أصلاً، وفيه حد كاتب إن دي فلوس حرام. 😥😥 مفيش كلام كتير يتقال، كل حاجة شارحة نفسها، احنا عايشين في مجتمع اتعلم يكره الفقرا أكتر من الظلم. الراجل مش بيشتكي، بيقول الحمد لله، بس مجرد بيساءل العالم، الدنيا، كأن الفقير مسموحله بس يكون فقير، مش مسموله يشوف الفقر. ولا يساءله او يتكلم عنه. مش مسموله يحسب. والست، الناس محتاجة تقنع نفسها إنها “بتكسب كتير” عشان تريح ضميرها من غير ما تسأل إيه اللي وصّلها لهناك. الحزين، الناس اللي بتهاجم الاتنين، غالباً مش أغنياء. هم ناس من نفس الطبقة أو قريبين منها، بس اتعلموا يتمايزوا بالنظرة للأسفل بدل ما يتساءلوا لفوق. ده اللي بيخلي الغضب الطبقي في مصر ميتحولش لضغط على المسؤولين عنه

عمرو دياب محتاج حد يقوله في وشه وبدون إحراج وبإسم ناس كتير من جمهوره وأنا منهم إنه بقى كهل ناقص وملامحه عجوزة وصفاته وشخصيته الجلياطة مبقاش نافع معاها فيلر ولا بوتكس ولا زرع ولا نفخ ..وحتى رصيده بقى لا يسمح

I’ve never seen anything more accurate

طلعلي الاخوان من الفريزر عشان يلحقوا يفكوا يا كامل

أيام شبه كامل الوزير

ملخص الي حصل فينا: مانشيتات عريضة لاكتشافات حقول غاز بكام مليون متر مكعب قروض باليورو لبناء محطات كهربا جديدة تصريحات هانصدر كهربا وغاز… سنة عدت تخفيف احمال النور بيقطع المحطات اتباعت مصر تستورد غاز من اسرائيل حرب فى الخليج اسرائيل قطعت الغاز عن مصر البلد ضلمت

الأصعب من فكرة زيادة المواليد جرايم العنف المنزلي ضد الستات والأطفال في مصر واللي هي كدة كدة عالية هتبقى أكتر علشان ماحدش طايق نفسه والخناقات والضرب والشتيمة والأطفال اللي هاتتأذي والبيوت اللي هاتتخرب بسبب وقف الحال ده والقعدة من شغل إضافي كان ممشي الدنيا شوية قرارات بهيمية

حتى لو كان عايش وكمل او إبنه ورثها بعده زى ما كان بيحاول كنا حنوصل لنفس النقطة ممكن بإيقاع ابطأ زمنيا..بس طالت او قصرت القمع والقوانين المتفصلة وشلة رجال الاعمال والمحاسيب الفسدة والفشل الاقتصادى كان حيوصلنا لنفس الحتة..الحل حرية ودولة عايشة بقوانين زمنها بجد مش ف اسم ال بيحكم

كلمة الممثل روبرت دينيرو بعد مظاهرات ضد الرئيس ترامب تحت شعار "لا ملوك" #nokings

سعيد جدا ان العالم كله بيتفرج على تجربة ان يكون عندك رئيس اهطل بصلاحيات مطلقة

Never hopeless

طيب مايمكن قاصدين ان الفيلم يبقى soft porn واهو تصنيف موجود وله المشاهدين بتوعه ..ف نغير تصنيف الفيلم ونكون صرحاء مع نفسنا وال يناسبه بقى النوع ده يتفرج وال مايتناسبش معاه مايتفرجش وخلاص، العالم كده كده فاضله يومين ف نروق

عزيزه المواطن العربي من المحيط الي الخليج لو صحيت لقيت حكومتك بتتخانق مع دوله عربية أخري و صحفيين و حسابات من هنا و من هناك تتبادل الشتائم كبر دماغك و لا تهتم ممكن تاني يوم تلاقيهم اصطلحوا و واخدين بعض بالحضن و انت عمرك ما هتعرف هما اتخانقوا ليه اصلا و لا هم اصطلحوا لية؟

فى عيد الام ، روتانا كلاسيك جايبة "دعاء الكروان" فحبيت اقول ان اسوء شخصية فى الفيلم بالنسبة لى هى الام..كان ممكن الفيلم كله يمشى فى مسار تانى وهنادى تفضل عايشة بس سلبية الام واعتمادها على الخال ال مالوش لازمة اصلا