على تبسّامة الذكرى ودمع الحنين ذكرتك وطاحت الدمعة وانا مبتسم! ياما تذكّرت ضحكاتك وقلبي حزين وياما تمنّيت قربك بس ماالله قسم.! #جديدي جبار المعاوي

سواءاً آقبل ظلام الليل . . ولا آدبر ما للنجوم ثمره فـ غياب؛ قمراها البارح آحارب نعاسي عشان آسهر واليوم آدوِّر على الغفوه ولا القاها من سرع الأيَّام كن الناس ما تكبر يا كثر ما مرّها الوقت .. و تعدَّاها أعمارنا تنسرق من غير | لا نشعر | كم لحظة نعيشها لكن ما عشناها أشقى القلوب اللي ما تحتاج للمجهر كثر ما تدفع ثمن طيبة نواااياها واهل الوجيه الغبر فـ الواقع الآغبر ما طالت وجيهها لو طالت لحاها يبقون مهما اعتنوا فالشكل والمظهر مستنقعاتٍ يضرّ الشرب من ماها اليوم ؟ . . كلٍ يبي يصعد على المنبر يبحث عن أتفه رساله . . و يتبنّاها أبعدت عنها ابتعاد السامح المضطر لا آجامل أهل النفاق .. ولا اتحاشاها يازين شكل السما يوم السحاب امطر ذكرني . . بـ حاجةٍ كنت آتناساها الضحكه اللي لها عامين والا اكثر وانا على آحرّ من الجمر آتحراها تامر بمعروف وتحرّض على مُنكر هذا أجمل عيوبها وابسط مزاياها فيها من الذكر بين البيت والمَشعِر ومن الدعا الصادق اللي في زواياها يا « قلبي » اللي تحاول قد ما تقدر تلحق على اللي بقى — من بقاياها أعوذ بالله من؛ ( كآبة المنظر ) ! هذي سكاكينها ؟ والا هداياها ؟ يبدو لي ان مالنا مسلك ولا معبَر كل الطرق صارت تؤدي لـ ذكراها بنتٍ على كل ما يخفى وما يظهر ما شفت طلّة مثل طلة محيَّاها ما عاد باقي من الأحلام ما يُذكَر اللي ما كنّا نعرف نعيش لولاها أحلامنا اللي كتبناها على الدفتر تبكي على أحلامنا اللي ما كتبناها

قصيدة @AlnaderJ على تبسَّامة الذكرى .. و دمع الحنين ذكرتك و طاحت الدمعه و انا مبتسم

يموت في حبّك اللي عاش في ظلّك ويعيش في مجدك اللي مات من دونك

والعيد دايم جروح الفقد يفضحها ذكراه مع كل " عيد " تصير جبارة ..! كنا قبل نركز الشارة ونطرحها واليوم طرِِحِ الرفيق وطرحت الشارة

دفاعاً عن بلدي المملكة العربية السعودية🇸🇦🇸🇦

يا نجد مازال الرجا فيك معقود سليلة المجد و وريثة الأئمه من لاحفظ ودّك من البيض والسود جعله مراح مقيط وابوه وامه والله مايلحق عاصب الراي منقود دام العروق الخضر تنضح بدمّه من شاف ضلع طويق فالأرض موجود 🇸🇦 ماهوب شايف قمة ايڤرست قمه

RT @trkk_13: @Alrayapoet لـ السيف قصة عريقة ترتبط فينا مثل ارتباط السعودي بـ اصله وبـ ارضه هو نفسه اللي ردعنا به معادينا نلعب به اليوم في…

يعيش الزعيم اللي وقف لليمن والشام عطى الشرق الاوسط ثقله و عدّل اوضاعه " أمير السلام " اللي ليا ساقها قدّام ما يسفك دم الاعزل ولا يلوي ذراعه تشبّث به يدين العرب وامّة الاسلام وحنّا على يمناه بالسمع والطاعه قلبنا ملفات السياسه على الاعلام مثل ما قلبنا ساحة الحرب في ساعه #فارس_السميري

ندفع ثمن هقواتنا بعض الاحيان مافيه للغلطات تامين شامل مدري نحنْ فلان ونجامل فلان والا معاد نحنْ ولا نجامل ناصر بن جاري المعاوي

يالله انك لا تخيّب ظني الي قد بنيته كل يوم يردني وقتي واسوق النفس يمه هاقي وخايف تخالف هقوتي فـ الي هقيته الهقاوي بعضها كنه سلاح فيه زمه جعلني لا جيت ادور لي على طيب لقيته والردي زود على ثقل ااالحمل ياثقل دمه مابغاني هافي الذمه / وذمّـه ما بغيته كيف اخاطب حادر الوادي وانا في راس قمه القصيد اعرف بيته والكريم ادل بيته والمهم يبين لا جات المواقيف المهمه والله ان امدح طليق الوجه في وجهه لا جيته ما علي من ( مدحة الرجال في وجهه مذمه )

القصيده التي على أثرها تأهلت الى مرحلة الـ ٢٤ بقرار لجنة التحكيم #شاعر_المليون١٢

تسمية أحد الشوارع الرئيسة في #بيشة باسم الشاعر "سعد بن جدلان"، تخليدًا لمسيرته الشعرية وإسهاماته الأدبية. -

"ما يحتاج تصوير" غنّت على العرجون خمسة عصافير وعلى العسيب اللي وراهم حمامه بعد انفلات الشمس من قبضة عصير واول ما قام الليل يسدل ظلامه فيه القمر يوم ارتفع كنه " بعير " يمشي على هونه ويسحب خطامه المشهد الشعري ما يحتاج تصوير يحتاج له قلب(ن) يقدّر مقامه يسوق "لعيون المجامل" مخاسير ويحفْظ "لوجيه الهقاوي" كرامه كم راق من دم العرب سالم الزير لـ الدمعه اللي ذرّفتها ، اليمامه أذهب حمول معسكرات المسامير وبيّد عزوم مدلّهين الجهامه ضاعت ورا ثاره جموع وطوابير وجفّت مواريده وخارت عظامه ما ضيّق الخاطر ولا حسّني غير علوْ كعب "المسكنه" و الرخامه فاللي ما معهم لـ الثمينه معايير ويغلّفون الحقد بـ الابتسامه واليا برق برق(ن) مزونه مزابير محدن على الوادي يبنّي خيامه يا جارة الوادي ، سقى دارك الخير من رايح(ن) يتبع غمامه ، غمامه نفيض برقه فوق "روس المشاهير" عقد(ن) على جيدك يعيش الزعامه قلبي على لبّه مثل نقرة الطير اللي على التمره مخلّي علامه تمرّه الانسام مثل المعاصير متشبّث(ن) بـ أضعف حبال السلامه أبيض شعور من الوجيه المسافير وأشد من "ريب المنون" انهزامه كم له على رجوى " تزين التدابير" ما عاش بشعور الهوى وانسجامه يمسح جبين المخطيه بالمعاذير ويفرّش الزلّات ريش النعامه ان راحت ب روحي يدين المقادير يحيي على خطوات رجلك ، غرامه مرّي على قبري مرور المظاهير لعلّي أُبعث قبل يوم القيامه #فارس_السميري

و أحوّل الجوّال و أفتح سجلّه و أرتّب الاسماء و أصنّف الناس و أقرا الرسايل كنّي أقرا مجلّه ! فيها صور وأحداث وأفراح وأتعاس تطوي شريط الذكريات و تفلّه و تبعثر الأفكار حيره و هوجاس إلين أعيش أجواءي المستقلّه : قهوة و موسيقى و شمعة و كرّاس يا شين روتين الحياة المملّه لا خلّت الحسّاس ما عنده إحساس لغز الوجود أبسط من إنك تحلّه على حدود الروح و العقل ينقاس ! خِلافة الإنسان للأرض .. مِلّه لو هي تحت خطوات الإنسان تنداس والشمس ونجوم السماء والاهلّه تمر في عمر الزمن .. مثل الأنفاس لله علم الغيب .. محدٍ وصلّ له الا : بحكمه و بمشيئه و حرّاس روح البشر تلبس من الطين حِلّه والطين شي يروح والروح الآساس ثلّه يحضرون .. و يغيبون ثلّه ! متفاوته بين التعازي و الأعراس بس البشر صارت على الارض عِلّه تحوّلت "جنْسينها" لأربع أجناس ! الذنب يبقى ذنب .. لو نستحلّه للمعصيه لذه ، و لإبليس وسواس يا عزتي للّي مضيّع محلّه ! بين الخطا و الصح تايه و محتاس يمسي على براد شاهي و دلّه ويصبح على السيقار والثلج والكاس ربااااااه و رياض الأمل مضمحلّه لا لاحها بارق .. و لا هبْ نسناس في نبرتي عبره .. و فالصدر غِلّه وفي خاطري ضيقه وفي راسي عماس يا ليت باقي دمع عندي و أهلّه ما كانت أغصان الأحاسيس يبّاس " مُقدسات الشاعر " المستحلّه يا رب حرّرها من أفواه الأنجاس انت الوحيد اللي اخافه و أجلّه عن كل كلمه مالها عندي أقواس جعلي من اللي ظل عرشك يظلّه لابس من السندس و الإستبرق لباس واااا شِعري اللي ما رضيت أستغلّه الا معَ : منصف و واعي و حسّاس ألمح ملامحهم معه : مسفلّه و أتأكّد أنه شي مبني على ساس عشنا انا وياه .. نفس الجبلّه عشرة عمر على معزه و نوماس الشّر لو ينذلّ ! و الله لأذلّه و والله لأبوس الخير لوكان ينباس من عاش رافع راسه العمر كلّه يموت .. تارك سيرة ترفع الراس ما عاد عندي شك عندي أدلّه إن الجشع ظلما ، و الإيثار نبراس جامل و سامح و إعتبر كل زلّه طبع آدَمي موروث و العِرق دسّاس واللي يقول : إبعد عن الناس ، قلّه ما غيرهم في كوكب الأرض جلّاس حاول تحب الناس .. و يحبك الله و الله إذا حبك .. يحبونك الناس

على يانع اغصان المناوي هزيج البوح لحونه جداد وشعبه يجدد البيعه لا منه غدى لـ الهم ضوله ونشر سروح وغدى لـ الطواري بين الاضلاع تربيعه تخيرت لي دوحا عليها حمام الدوح يكوسر ترانيمه وتلعي ملاويعه معي ضيقة مخاوي وحيرة بعيد شبوح وسيرة غرام وضيعة قبلها ضيعه على ذكرياته صوت ونه ونزف جروح وقلب يتوق وموجز ما اقدر اذيعه امر المكان اللي له تروح قبل تروح وعود وانا ملهوف وظنوني مجيعه عسى الفرصه اللي سايفو بابها المفتوح يشرع لها باب التراجع مصاريعه دلال الرجاوي فوق جمر الوعود تفوح ولا ادري متى الواقع يراكي مفاريعه لا منه عزف وتر الوله صوتها المبحوح سهجت الحمى اللي وارفات طواليعه انا القانع إلى في تفاصيلها مشفوح وانا اللي يطيع الشوف والعفه تطيعه رعى الله ليال راسها بالوصل ممسوح وتفاصيل حب ٍ ما جنينا منافيعه ما زلت انتظر برق البشاير متى بـ يلوح واعد الشهر ليله ويومه واسابيعه نسيم الصباح الحدري الي يرد الروح يكفني انه من جهتها ذعاذيعه ):

اترك لي الحزن لين احل موضوعه لو ان دمه ثقيل وميسمه حامي . اقرب له الحبة اللي في طرف كوعه من انكسار الشموخ براس غنّامي . اطوّع الوقت ما قد جيت في طوعه ما ودي اموت قبل احقق احلامي . ايامي الفايته في منتهى الروعه من يقدر يرجّع الفايت من ايامي؟

Happy Saudi National Day to everyone in Saudi Arabia! 🇸🇦 Wishing you a day filled with pride, unity, and celebration with your loved ones.

يفرق البيت الموشح عن البيت الركيك مثل ما تفرق عروق العروبه و الغجر القصيد احيان يضحك لك ويضحك عليك و العرب ماتت ما بين التغزّل و الهجر عقلي يقول اترك الشعر كله .. ماعليك ودي اتبع راي عقلي و انا شوفي شجر يا رفيقي جعل يوم اتبدل فيك ؟ فيك والله ان بالي مشتت من اذان الفجر ضيقتي من فقدك اعبر من الموت الوشيك حر لكن كن وقتي .. مقيّد بالحجر بشتك الضافي معلّق و طيّاحه تبيك شايف دموع الموده على طرف مْحجر راودتني لومة النفس .. و الايام ذيك الله اللي جاعل الضيق من باب الاجر والله اللي جاعل يديك تجفل من يديك يوحي الطرقي قبل ديرتك صوت النجر كن في راسي صدى صوت جعله مايجيك العباد انواع و قلوبها .. طين و حجر فيه محزم لا ذخرته على الشدّه دريك و فيه محزم لا ذخرته مع الوقت انفجر

انا من واسى المجاريح وضلوعه حطام في كنفها من غواليه جمرٍ ما طفى كني اللي حار بين العفو والانتقام وارتجى ماعند ربي من الخير وعفا ! جبار المعاوي

لايمكن تشوف البحر وماتطري عليك