UTAK TALANGKA? Tinawag ni Senador Migz Zubiri na “utak talangka” ang ilang kritiko matapos siyang makatanggap ng batikos kahit personal siyang nagtungo sa General Santos City at Sarangani upang maghatid ng tulong sa mga residenteng naapektuhan ng magnitude 7.8 na lindol sa Mindanao. Sa kanyang social media post, iginiit ni Zubiri na bahagi na ng public service ang pagtanggap ng puna—tumulong man o hindi. “Ganyan naman minsan ang buhay-public service: pumunta ka at tumulong, may banat; hindi ka pumunta at hindi ka tumulong, may banat pa rin. ‘Utak talangka’ ang tawag diyan.” Ang pahayag ay ginawa matapos ang kanyang pagbisita sa mga komunidad na sinalanta ng lindol, kung saan personal niyang kinumusta ang mga residente at naghatid ng tulong sa mga nangangailangan. Sa kabila ng mga batikos, sinabi ni Zubiri na magpapatuloy raw siya sa paggawa ng sa tingin niyang tama. “Kaya gagawin ko na lang ang tama. Regards na lang sa lahat, sa galit at sa masaya. Mahal ko kayong pareho.” aniya.

SENATE PAYROLL CHECKS, PIRMADO NA NI GATCHALIAN Bilang opisyal at authorized signatory para sa financial transactions ng Senado, nilagdaan na ni acting Senate President Sherwin Gatchalian ngayong Miyerkules, Hunyo 10, ang payroll checks at inaprubahan din ang paglalabas ng iba pang benepisyo para sa mga empleyado ng Upper Chamber. Matatandaang inalok ni Senator Alan Peter Cayetano si Gatchalian na pareho silang pumirma sa naturang mga dokumento ng Senado upang hindi makaapekto sa mga empleyado ang leadership crisis at maiwasan umano ang usapin sa usurpation of authority. (Courtesy: Sherwin Gatchalian/FB) #PilipinasToday #sherwingatchalian #AlanPeterCayetano #SenatePH