Happy 80th Birthday President Trump! We LOVE YOU!!! 🎈🎈🎈🎈🎈🎈🎈🎈🎈🎈 🎉🎉🎉🎉🎉🎉🎉🎉🎉🎉 🎂🎂🎂🎂🎂🎂🎂🎂🎂

صبرنا كتير عليكوا #كفاية 😡😡😡😡

لا ضرائب إلى الابد

اوقفوا بيع البلد أوقفوا سياسه الاقتراض أوقفوا دخول اللاجئين

Thx 🙏🌷

من يومين كان فيه قصة غريبة ونهايتها ورا القضبان بطلتها شابة ليبية اسمها هديل الهادي عندها 29 سنة، عاشت في مصر وقررت تفتح عيادة تجميل في الشيخ زايد وتعيش دور دكتورة التجميل لحد ما مباحث الأموال العامة وإدارة العلاج الحر طبوا عليها في العيادة وشمعوها. هديل في التحقيقات حكت تفاصيل اللحظة دي وقالت إنها مكملتش عشر دقايق في العيادة ولقيت القوة داخلة تصادر الأجهزة والأدوية وتقبض عليها، والغريب إنها وجهت اتهام مباشر لخطيبها القديم اللي هو دكتور تجميل مصري، وقالت إنه هو اللي بلغ عنها بدافع الانتقام بعد ما فركشوا الخطوبة من سنتين ونص عشان سرق منها حاجات، والدليل على كده إنها شافته واقف تحت المول بيصورها بالموبايل وهي نازلة مقبوض عليها. قدام جهات التحقيق هديل اعترفت بتفاصيل شغلها، وقالت إنها فعلا بتدير العيادة الموجودة في كارجو مول بالشيخ زايد، بس عشان هي لسه بتقنن وضعها في مصر لفت من ورا القانون واستعانت بمكتب تخليص ورق عشان تطلع رخصة العيادة باسم دكتورة جلدية تانية اسمها هناء من الزقازيق، وهي يادوب بتستخدم اسمها كستار قانوني عشان تعرف تفتح وتستقبل الزباين. وبررت ده بإنها مكنتش تقصد تعمل كل المخالفات دي وإنها بس بتحب مجال التجميل وبتحاول تمشي أمورها. ولما اتسألت عن دراستها الحقيقية وإزاي بتشتغل في التجميل، اعترفت إنها خريجة طب وجراحة أسنان من جامعة في ليبيا من تسع سنين، وممعاهاش تصريح مزاولة مهنة في مصر ولا متقيدة في نقابة الأطباء البشريين. ورغم كده أقرت بلسانها إنها بتشتغل بإيديها في العيادة وبتعمل للزباين جلسات بوتوكس وفيلر وسكين بوستر بناء على كورسات أونلاين أخدتها. ولما واجهوها بوجود جهاز لشفط الدهون في عيادتها، أنكرت إنها بتعمل عمليات جراحية وقالت إن الجهاز ده موجود عشان لو في دكتور تاني حابب يشتغل، بس هي اعترفت برضه إنها كانت بتروح زمان تساعد دكاترة تانيين في عمليات شفط دهون وشد جسم. أما بقى بخصوص الكارثة الأكبر وهي الشهادة الجامعية المضروبة، هديل أنكرت تماما إنها زورت شهادة تخرج منسوبة لكلية الطب جامعة القاهرة أو إنها قلدت أختام شعار الجمهورية، وقالت إنها أول مرة تشوف الشهادة دي ومتعرفش مين اللي جابها. لكن المحكمة كان ليها رأي تاني، وبناء على الأدلة والأوراق قفلت محكمة جنايات الجيزة القضية بحكم حاسم، وعاقبتها بالسجن المشدد تلات سنين في تهم التزوير وتقليد الأختام، في حين أخدت براءة من تهمة انتحال صفة طبيبة وإدارة منشأة بدون ترخيص، عشان تنتهي طموحات دكتورة التجميل المزيفة وتدفع تمن تلاعبها بالقانون.