جنابِ غالب نے تو کہا تھا کہ “سو پشت سے ہے پیشۂ آبا سپہ گری” جہاں تک مجھ خاکسار کا تعلق ہے اور جتنا کم مجھے علم ہے، اس کی دھندلی روشنی میں یہی کہہ سکتا ہُوں کہ میرے پُرلھوں کا پیشہ، سپہ گری، کاشت کاری ، یا تجارت کچھ بھی رہا ہو، شاعری ہرگز نہ تھا۔ گو بچپن ہی سے قلّتِ مال و متاع کے باوجود ، اپنے گھر میں مطالعہ اور علم دوستی کا وفُور پایا۔ اس لئے سکول سے قبل ہی مطالعہ سے آشنائی اور کتابوں سے اٹھتی بھینی بھینی خوشبو سے دلربائی ہوچکی تھی۔ پھر یہ محبت شاید عشق و جنون میں ڈھل گئی۔ سکول کی پہلی کتاب میری پہلی محبوبہ تھی۔ یُوں زندگی ان گنت محبتوں میں بسر اور بے شمار محبوباؤں کی نذر ہوتی چلی گئی۔ مطالعے کا سلسلہ تو جاری رہا البتہ چالیس سال تک ڈائری، خطوط، سکول و کالج کے نوٹس ، انواع و اقسام کے مُلکی و غیر ملکی درخواستی فارمز اور زوجۂِ محترمہ کی بتائی خریداری کی لسٹ کے علاوہ کچھ نہ لکھا۔ یکایک زندگی نے عجب کروٹ لی اور خاکسار نے لکھنا شروع کردیا۔ ابتداءً نثر اور پھر نثر چلتے چلتے شعر کا روپ دھار گئی۔ جیسے کوئی بتدریج بچپن سے شباب میں داخل ہوجائے۔ البتہ نعتیہ کلام کا خیال آتے ہیں وجود میں خوف کی تیز دھار لہر اٹھتی جیسے کسی آہُو نے شیر کی جھلک دیکھ لی ہو۔ اچانک ایک دن بوقتِ عصر کرم ہوگیا، خوف ، کیف و سرور میں بدل گیا اور الحمدللّٰہ اولین نعت عطا ہوئی۔ روایتی نعت کہتے کہتے ، رُخ نعتیہ رباعی کی طرف مُڑ گیا۔ یوں نعتیہ و منقبتیہ کلام و رباعیات کا ایک خزینہ جمع ہوگیا۔ اب دن رات اس خزینے کو بچپن کی محبت ، کتاب، کی صورت میں دیکھنے کی آرزو مچلنے لگی۔ البتہ اپنے نعتیہ کلام کی اشاعت سے پہلے ، انہی ﷺ کے قدمین مبارک میں شرفِ باریابی کے بعد، انہی کو ﷺ عرضِ احوال کی تمنا تھی، جن ﷺ کی شان کا بیان و عنوان تھا۔ تاکہ بارگاہِ رسالت مآب ﷺ سے سندِ قبولیت عطا ہوجائے۔ الحمدللّٰہ حال ہی میں اس گناہ گار امتی کو حاضری کا اذن ہوا اور مجھ سا سیاہ کار ، روضۂِ اطہر پہ حاضر ہوکر سارا نعتیہ کلام آقائے دوعالم ﷺ کی بارگاہِ اقدس میں پیش کر آیا ہے۔ میرا پہلا نعتیہ و منقبتیہ شعری مجموعہ #کُشتۂِ_خاکِ_حجاز بطفیلِ سرکارِ دوعالم ﷺ ، اشاعت کے آخری مراحل میں ہے۔ مزید تفصیلات جلد ان شاء اللہ #حرفِ_راشد

پرانے ٹوٹر کا ایک سروے، جس کا جواب اب بھی دیا جاسکتا ہے اگر آپ کا من چاہے تو👇🏽😀

سن اوۓ غافل ،جھلیا بندیا کیوں اکھیاں وچ پانی اے؟ رب دی سن ، او کی کہندا اے مشکل نال آسانی اے

اک دن میں نے حُسن سے پوچھا “کس نے تُجھ کو ناز سکھایا ؟” اُس نے عشق کی جانب دیکھا اور سرگوشی میں یہ بولا “راز نہ کوئی یہ بتلائے چاہنے والا ناز سکھائے “ #حرفِ_راشد

اتنا خوبصورت مفہوم ہے، کیا صرف ترجمے کو شیئر کیا جا سکتا ہے؟

وہ بالکل ۔۔۔۔ چاند کی طرح ہے نور بھی غرور بھی دور بھی

چاند اور مریخ کو چھونے والے، ابھی تک سمندر کی گہرائی کا راز نہ جان سکے۔ اور نہ زمین کا سینہ زخموں سے چھلنی کرنے والے اس کے مرکز تک گہرا چھید کرسکے۔ انسان اپنے وجود کے مرکز تک پہنچنے میں میں سدا ناکام، اور اپنے باطن کے سمندر میں اُترنے سے اکثر گریزاں کیوں رہتا ہے؟؟ یہ نزدیکی سے کیوں بھاگتا ہے؟ اسے دُوری اور دُور کی اشیاء کیوں بھاتی ہیں؟ #حرفِ_راشد

Me exactly a decade ago❤️❤️❤️❤️

چاند اور مریخ کو چھونے والے، ابھی تک سمندر کی گہرائی کا راز نہ جان سکے۔ اور نہ زمین کا سینہ زخموں سے چھلنی کرنے والے اس کے مرکز تک گہرا چھید کرسکے۔ انسان اپنے وجود کے مرکز تک پہنچنے میں میں سدا ناکام، اور اپنے باطن کے سمندر میں اُترنے سے اکثر گریزاں کیوں رہتا ہے؟؟ یہ نزدیکی سے کیوں بھاگتا ہے؟ اسے دُوری اور دُور کی اشیاء کیوں بھاتی ہیں؟ #حرفِ_راشد