ملاحظة كدة لازم تاخد بالك منها.. إعادة شراء المشروع للعملة حاجة كويسة، لكن ليها شروط عشان تكون فعالة وليها فائدة حقيقية. اللي المشاريع بتعمله حاليا ده خداع واحتيال، وعمره ما هيأثر على العملة بالإيجاب، لأن اللي بيحصل: 1. شراء عملات غير متداولة (بيحصل فيها نصب كتير واتفاقات بين فرق المشاريع وصناديق الاستثمار وشركات صناعة السوق). 2. شراء عملات لرفع السعر وبعد كدة تصريف على الخبر (Pump & Dump). 3. شراء عملات بأموال من تصريف عملات سابق، مش من إيرادات المشروع (ودنك منين يا جحا). 4. بتشتري عملتك من السوق بدون ما تخلق استخدام ليها (كإنك يا أبو زيد ما غزيت). الكلام ده شرحته قبل كدة من شهرين بالظبط لما قالك مشروع LayerZero اشترى 50 مليون عملة ZRO أو 5% من سبلاي العملة، وازاي إن العملة هتطير وهتعمل مليون X.. وهي حاليا هابطة 40% بعد كل ده.

فيه واد عبيط كان بيقول لمتابعيه البتكوين مش هينزل تحت الـ 100 ألف تاني منزل الصورة اللي في البوست وبيقول إنها بيانات قديمة ههههه. هو راح جاب بيانات تحويلات Trend Research على المنصات وقالك دول باعوا خلاص. أنا قولتله قبل كدة إنه مش بيفهم بيانات الأون تشين ولا هيعرف يفهمها، ومع ذلك هو مصّر يهبد بدون علم. هبوط الإيثريوم أسفل 2,000$ أدى لحدوث تصفيات زي ما واضح في الصورة، وفي ناس كانت مقترضة غطت مراكزها خوفا من هبوط أكثر. لكن حتى الآن ما زالت مراكز التصفية عالية عند مستوى 1,500$~1,350$ زي ما واضح في الصورة. في النهاية هو مجرد مستوى أنا براقبه كمؤشر مع مجموعة كبيرة من المؤشرات الأخرى للإيثريوم. لا أكتر ولا أقل.

مونيرو عملة مغضوب عليها لأنها العملة رقم 1 المستخدمة في المدفوعات "غير القانونية"، وده طبعا كان كفيل بحذفها من أكبر منصات التداول. بعيدا عن السعر وتوقعاته.. تقنيًا خصوصية معاملات XMR أعلى من ZEC بمراحل.. خصوصا مع تقديم تحديث FCMP. بعد ما كانت قيم المعاملات بيتم إخفائها بنظام "Ring Signatures" بـ 15 توقيع وهمي، النظام الجديد هيعتمد على تقنيات ZK لإثبات انتماء المعاملة لسجل البلوكتشين بالكامل، والرقم ده هيرتفع من 15 توقيع إلى 150 مليون توقيع. عمليا XMR هتفضل متواجدة في السوق والطلب عليها لن ينخفض. حتى بعد حذفها من المنصات نجحت في الارتداد من 100$ إلى 700$ بدون سيولة المنصات، لأنها عملة بتقدم قيمة حقيقية وهي الخصوصية التامّة للمعاملات.