🔵 شروط النشر : 1🔴 يكون الموضوع واضح ومباشر. 2🔴 الإبتعاد عن الدراما والتأليف. 3🔴 الإبتعاد عن قضايا السياسة والعنصرية. 4🔴 متابعة الحساب. 5🔴 التأكد من تعديل الأخطاء الإملائية قبل الإرسال. 🟠 نعتذر عن الحذف بعد النشر. 📩 الفضفضه يتم إرسالها لنا عبر صندوق الرسائل الخاصة.

#فضفضه انا تزوجت وانا انسانه هاديه جدا ماليي صوت أبداً لي شهر متزوجه وحتى وقت العلاقه يقول قاعد احرك دميه مافيه تفاعل منك وانا كلمات مثل الغزل وكذا صعب اقوله وحركات الرمنسيه صعبه لحد يقول لي تعودي عجزت اخاف يطفش ويقول لامه مابي البنت صرت من كثر التفكيير ابي يصير علي حادث وأموت.

#فضفضه مااحب اتمسك برأي لهذا السبب حبيت اشوف رأي الاغلبية هنا انا انسان خاطب وفي يوم خطيبتي خرجت مع عمها القريب لها من العمر الى الصباح هل هذا شيء طبيعي نظرتي للموضوع شفت انه شيء خارج عن المألوف افيدوني.

#فضفضه عندي صديق تعرفت عليه قبل سنتين تقريبا واعمارنا 24 سنه ودايم معاه وصرت اطلع معاه وندق على بعض ونسولف بالساعات يومي واخر فتره صاير كانه يشوف نفسه علي واذا كنا مع واحد يحسسني اني الغبي واللي ماافهم شىء وللاسف انا متعلق فيه كصديق لكن حركاته الاخيره جداً مستفزتني وش الحل.

#فضفضه اذا ابي اسوي صياني حلا اوزعها على المقاهي بحيث ياخذون نسبه ولي نسبه هل فيها ربحيه زينه؟ وهل تحتاج اطلع شي لمزاوله هالنشاط وكيف اتعامل مع المقاهي بالبدايه عشان يجربون؟

#فضفضه عندي قرار مصيري بيترتب عليه أشياء كثيرة، والموضوع صار مؤرقني ومأثر على حياتي الطبيعية استخرت، بس ما عندي أحد مقرب أو حكيم استشيره وش فيه أمور عملية وطرق تدلني على الصواب وتطمني غير الاستخارة، وكيف أتعامل مع الحيرة؟ وش تنصحوني اسوي.

مجرد تنفيس و #فضفضه اختكم في الله حافظة للقران ومجازه ولله الحمد ، متطوعة في تعليم القران لي قرابة ٢٠ عام (ماكملت دراستي الجامعية لظروف ومنها وفاة والدتي وإخوتي صغار ) عمري الان ٤٣ لكن قبل سنتين كتب الله لي وقُبلت في الجامعة ادرس برسوم وكان بتشجيع من احدى الزميلات وانها ستساعدني في السداد او انها تسلفني لكن وينها !! انا اكلت الهم لحالي كل مرة استلف من ناس صرت اعلن اني ادرس بمقابل مادي لكن ماحد جاني ولايدخل ع الخاص إلا حسابات قذرة والعياذ بالله الله يعافيهم ولا يبلينا مبلغ الرسوم السابقة ديون علي ماسددتها ، وباقي لي سنتين << الحمد لله أنا متفوقة صرت بين نارين ان توقفت وانسحبت حرام المبالغ اللي استلفتها ع الفاضي وان كملت ف شلون بطلب سلف زيادة ومن اللي بيسلف .. الناس عندها ظروف بعد لكن كل مافكرت بالديون يضيق صدري لاتقولون اهلك ، في هالوقت يادوب الواحد يمشي أمور يومه حالهم ضعيف لذلك نصيحة لأي وحده تبي تكمل دراستها انه يكون المبلغ عندها واذا احد طق الصدر خليه يقدم الفلوس قبل كل شي لاتطيحين في نفس الحفرة اللي طحت فيها.

#فضفضه ابي حل مقهوره ام زوجي قالت كلام عن اهلي يجرح بعد زواجنا ٩ شهور قالت في الزواج اهلك فشلوني مع ضيوفي وأمّك بنفس يوم الزواج اتصلت وقالت ليه تأخذون قاعه هذي مو عاجبتنا مو من مستوانا طبعا كذب امي فقط سالتها قالت جبتي عود رجال غلطت على امي قالت الهي في ميكب حقك وقالت اهلك ضيوفهم م سلموا علينا وم استقبلونا كويس بوفيه ضيوف اهلك أكلو لحم وخلوا ضيوفنا وكذب سالت اللي حولي قالوا غير صحيح وقالت انتم مو من ثوبنا واحنا مو من ثوبكم وان اللي يعرفونها قالوا أهل العروس شايفين انفسهم كانهم مغصوبين يتزوجون ولدكم قالوا ليه تأخذون منهم تقول رديت عليهم وقلت ماكنت ادري إنهم كذا بعدها زوجي ينام بغرفه ثانيه وكنت باخذ منها غرض قام يهاوش ويسحبني من السرير وطحت يقول طيحتي نفسك قلت ماني مجنونه بعدها قال انتي مجادله وتطلعيني من طوري وطلق طلقه ثانيه طبعا علي حايض هل يقع وكيف التعامل مع هذي المشاكل ؟

#فضفضه عمري 25 جتني ضيقه بسبب رجال خطبني وكانت الأمور تمام وسوينا تحليل وطلعنا متوافقين لكن بعد فتره رفض وامي ارتفع ضغطها من هالحركة و أنا قلبي انكسر طيب لو أنهم من البداية مايبون ليش يطلبون تحليل اخخخ عجزت أتخطى دعواتكم.

#فضفضه انا احب واحد من الأقارب حب طفولة وتزوج من برا كيف انساه كنت أتخيله زوجي ؟ ما شاء الله تبارك الله الله يسعدهم مع بعض.

#فضفضه تقدم لخطبتي شخص مدحوا لي وظيفته انسان واضح وشغال على نفسه ولكن لما شفت صورته ماعرفت اقرر بسبب ان فيها عيب خلقي الله يعافيه وواضحة بمجرد النظر اليه هل نفوري سبب كافي للرفض احترت انا بعمر ٢٩ وهو ٣٤ كيف اقرر 🥲

#فضفضه تشوفون عادي اطلب الطلاق لسبب مثل كذا : يقلب الموضوع والمشكلة يحطها علي وانا مالي ذنب يتجاهلني كانثى ولا يعطيني مشاعر الحب يشوفني انجرح ولا يهمه دايم اذا صارت مشكلة وطبعاً السبب مو مني يقعد يقول انا ندمت على الزواج وان الامراض ماجاته الا لما تزوج وانا ما سويت شي حقيقي ابغى حياة سعيدة مطمئنه ابي زوج ينتبه للسانه لانه يجرح ويحسسني ان بس اداه انتاج وتنظيف والله خاطري مكسورررر .

#فضفضه كيف التقبل او التعايش مع زوجة الاب؟ والدتي متوفيه وابي مخبي عنا مجهز شقه في بيتنا واكيد بيقولنا قريب اذا تم كل شيء بس حازه بخاطري انه ماصارحنا من البداية قبل يخطط شقه وخطبة ومخبي الى الان ومتخوفين من قصص زوجة الاب لنا تجربة سابقه يوم امي عايشه كانت زوجة ابوي موذية وانفصلو طمنوني ودعواتكم ؟

#فضفضه انا طالب جامعي وعندي اجازة ودي اتعلم شيء جديد خلال فترة اجازة الشهرين ونص عادي لو اشتغل بدون مقابل بس اهم شيء اتعلم مهارة بمكان معين او شيء يفيد بزنس وزي كذا

#فضفضه هل الزواج من عائلة عندها تاريخ وراثي ممكن ينتقل للابناء يعني واحد خطبني واهله عندهم تاريخ وراثي امه وابوه واخته وانا ماعندي تاريخ وراثي هل ممكن ينتقل للأبناء مستقبلا ؟

#فضفضه ودي أحد يفيدني لاني ضايع ومدري وش اسوي بعت سيارتي وبسدد قرض باقي 39 الف وسداد مبكر 34 الف ومعي 30 الف وعندي قرض ثاني سدد مبكر 10 الاف وقرض ثاني باقي 5 الاف وعندي سيارة ودي ابيعها موديل قديم 2008 عرضته بحراج ماجاب شي وصلحت فيها قبل امس عضلات ومكيف وباقي اشياء وكيف ارتب الوضع وراتبي مايصفى شي 5 الاف راتبي.

#فضفضه شركه التامين طالبه نسخة سارية المفعول توضح تاريخ الإقامة ونشاط العامل، صادر من الجوازات كيف اطلعها من ابشر ؟ وهل قصدهم الاقامه ؟

#فضفضه متزوجة وعندي بنت وولد انا وزوجي كنا بحياة مستوره والان تغيز علي واصبح مريض يضربنيي بعدين يضمني بعدين يداريني بعدين يرفع صوته مايبغى ازعل واذا سوا موقف وزعلت يعصب ويضرب الابواب يقول لاتزعلين وصار يصرخ والعيال موجودين ولا يحشم احد تخيلوا اني أتعامل معه مثل الطفل واقول خلاص انا مو زعلانه بعدها على طول يهدأ ويسولف معي انا اعرف انه مريض هذا شي مافيه شك وانا اشوف رجل فيه خير لكن مريض وعديم مسؤوليه يبغى الجانب السعيد فقط مايبغى نكد وهم هل تسوى اخرب حياتي؟ ارجوكم أرشدوني بيت اهلي مفتوح لي بس انا عشان عيالي ابغى حلول وهل فيه امل في ذا العلاقة؟

#فضفضه انا بنت بالعشرينات ويدي ترجف بشكل فضيع خاصة اذا جيت اقدم قهوه للضيوف واحس تعبت قسم بالله مدري شسوي ؟ ابي احد ينصحني بشي يفيد بحثت بكل مكان ما استفدت ، ابي شي يفيد لحد يقول حاولي وروحي وتعالي لان رحت وجيت وحاولت وكل الناس عرفوا عن الرجفه ف احس حالتي زادت سوء تكفون احد ينصحني بشي يفيدني ومن الجانب الصحي ترا كل تحاليلي الجسديه سليمه وحتى فيتاميناتي

#فضفضه ابغى اعرف هل كل البيوت فيها مشاكل زي بيتنا ؟ لان احس محد يتهاوش لدرجة حتى الام والاب يدخلون بالموضوع ويسبون ويلعنون والاخوان يوصلون لمد اليد على بعض، ارجوكم فقط طمنوني انه طبيعي وكل شيء بيرجع طبيعي لان ماحس فيه شيء فبيتنا طبيعي ابد بذات اخر شهرين.

#فضفضه حصل معي موقف في كوفي كنت طالعه مع امي واختي وولدي لكوفي ومتقروشه بعربية الولد والشنطه حقته الا في واحد طفى دخانه علي من ورا وهج ماحسيت الا لما رجعت للبيت انا مقهوره وش الاجراءات اللي ممكن اسويها بحقه وايش العقوبه اللي ممكن تجيه اهلي رافضين ارفع قضيه لكن انا مو مرتاحه للحين احس جمرة بكبدي ماراح ارتاح الا لما ينحبس ويتوب.