تصريحات رودري بعد التعادل مع الرأس الأخضر فيها كمية غطرسة وتعالي تخليك تكرهه وتكره منتخب إسبانيا كله الكبرياء الأوروبي مش قادر يستوعب إن قارة أفريقيا بقت بتلعب كورة حديثة ومبقتش لقمة سائغة. الراجل طالع يشتكي ويقول: "كنا عارفين إنها مباراة صبر، هما بيرجعوا يدافعوا بسرعة جداً ومقدرناش نسجل.. الصعب إنك تلعب ضد فريق بدني ومقفل كده، والإيجابي إنهم مخلقوش أي خطورة ضدنا، هما بيلعبوا كده وفي الآخر مبيعدوش نص الملعب!" يا راجل طب وأنت فين حلولك كـ بطل يورو وأفضل لاعب في العالم؟ لما منتخب بإمكانيات الرأس الأخضر يقفل مفاتيح لعبك، ويحجم "لاروخا" بنجومها، ويجبرك تطلع بنقطة.. المفروض تنزل من برجك العالي وتحترم تكتيك المنافس، مش تطلع تتباكى وتعايرهم إنهم بيلعبوا على النقطه الكورة مبقتش بالأسماء ولا بالـ تيكي تاكا العقيمة بتاعة الاستحواذ السلبي؛ الكورة بقت للي بيعرف يقفل صح ويلعب على إمكانياته.

كيميتش ومنتخب المانيا بقوا كيوت أوي دلوقتي جوشوا كيميش كشف إن لاعبي ألمانيا لقوا امبارح ثعبان سام من نوع Copperhead السام قريب من معسكر المنتخب في وينستون-سالم كيميش نفسه كان مستغرب من الموضوع وقال إنه مش متخيل إنه ممكن يمشي عادي وفجأة يدوس على ثعبان بالشكل ده عشان كده اللاعبين بقوا بيحاولوا يبعدوا عن أي حيوانات أو أماكن فيها نباتات كثيفة كيميش قال إنه بقى مقدر الناس اللي عايشة هناك أكتر، لأن في ألمانيا مش متعودين على وجود حيوانات خطيرة بالشكل ده

بضحك كل ما افتكر إن جاتوزو كان طالع فيها وعايز يزود عدد المنتخبات الأوروبية ومكانش عاجبه إن أفريقيا تاخد 10 مقاعد في المونديال الواقع صدمه وصدم معاه جيمي كاراغير، اللي كان بيلوي بوزه ويقول "Oh God" باستهزاء لما اتقال قدامه إن أمم أفريقيا بطولة كبرى زي اليورو، وطلع برر بغطرسة إن بطولات أفريقيا مابتشيلش نفس الوزن التكتيكي والجماهيري في العالم! الرد جاله سريع وصادم على أرض الملعب؛ المنتخبات الأوروبية لغاية دلوقتي محققتش الفوز غير في 3 مباريات بس من أصل 10، وضد مين؟ كوراساو، هايتي، وتونس! في المقابل لبسوا خسارتين و5 تعادلات، ووقّعوا نقط مع فرق بحجم إسبانيا، بلجيكا، وهولندا.

Abo Trika didn't even say a single word of that, lol

🇸🇳2-2🇫🇷 🇮🇶1-3🇳🇴 🇦🇷1-1🇩🇿 🇦🇹1-3🇯🇴

الاتحاد الكوري و لاعبي المنتخب واقفين في صف سون هيونج مين عدد من الصحفيين الكوريين اتسربلهم تسجيل اثناء تدريبات المنتخب فيه كلام ساخر عن إعفاء سون من الخدمة العسكرية ودي نقطة حساسة في كوريا الجنوبية لأن سون كان مطالب يقضي حوالي 21 شهر خدمة عسكرية زي أي مواطن كوري لكن بعد قيادته للمنتخب للفوز بذهبية الألعاب الآسيوية 2018 حصل على إعفاء قانوني من الخدمة الكاملة، واكتفى بفترة تدريب عسكري أساسية في 2020 سون رفض يتكلم مع الإعلام بعد الفوز على التشيك وبعدها تم إلغاء أنشطة إعلامية تانية خاصة باللاعيبة والاتحاد الكوري نفسه خرج ببيان رسمي وقال إن التعليقات دي سببت صدمة وخيبة أمل داخل المعسكر

مدرب إيران شايف أن المنتخب الإيراني هو أكتر منتخب مظلوم في كأس العالم بعد التعادل مع نيوزيلندا، خرج أمير قلعة نوي ومهدي طارمي ومحمد محبي ينتقدوا بشكل علني طريقة تنظيم تحركات المنتخب المشكلة إن المنتخب كان عايز يقضي يوم إضافي في لوس أنجلوس بعد المباراة عشان يعمل جلسات استشفاء واسترجاع بدني للاعبين لكن حسب كلامهم، تم إبلاغهم إنهم لازم يرجعوا فورا لمعسكرهم في المكسيك بعد المباراة بساعات وده معناه رحلة سفر إضافية وإرهاق أكبر للاعيبة بدل ما يركزوا على التعافي

A bit unfair for FIFA to put 2 Egypt games in the only stadium with a giant imposing triangle. It's home advantage surely

ماشاء الله على قوة حمزه عبدالكريم البدنيه لاعب عنده 18 سنه وتقريبا ده أول ماتش رسمي ليه مع المنتخب الأول وبيلعب ضد بلجيكا وبيخبط ويرزع وبيقاتل على كل كوره بالشكل ده حمزه عبدالكريم مشروع لاعب من اللاعيبة اللي بتيجي مره في العمر ..ربنا يحمييه

بزعل على الشباب والله لما تبص على إمكانيات إمام عاشور الكروية بس، هتلاقي لاعب عنده كل حاجة تخليه ينجح في أعلى المستويات من مراوغة و تقدم بالكورة وتغيير اتجاهات وتسديد ومجهود دفاعي كبير في أي مباراة قارية كبيرة أو ماتش مضغوط، تلاقي إمام حاضر وتحس إنه بيحاول يثبت نفسه للعالم كله عشان كده مش مستغرب لما تشوف جماهير أجنبية تتكلم عنه بإعجاب بعد أي مباراة قوية المشكلة دايما في دماغه لأنه بيلعب كورة بس وقت ما يعوز يلعب يعني لاعب مزاجي لأقصى درجة .

إيه يا شباب خير مش شايف بوستات إشادة كتير بصلاح قد حجم بوستات الانتقاد اللي بياخدها لما بيكون وحش ؟ مش المفروض انتو بنتقدوا صلاح عشان مصلحة المنتخب برضو مش كرها فيه ؟ طيب ما هو قدم ماتش عالمي ضد بلجيكا اهو و كان شايل المنتخب! ايه هي مصلحة المنتخب بتظهر وقت ما يكون وحش و نخسر ؟ و بعيداً عن الموضوع ده لأن هو كده كده صلاح مش مستني إشادة من حد .. بجد ماتش من ريحة صلاح اللي كتير من الشعب شايفه بطل شعبي و عاوز يشوفه كده ديما وكانوا شايلين عليه آمال في مونديال روسيا لولا الإصابة . هو ده صلاح اللي عاوزين نشوفه، صلاح اللي من أول الماتش مبطلش جري ولا ضغط، و بيدافع بكل قوته، وبيحافظ على الكرة كأنها بنته، صلاح اللي كان بيحارب ع الكرات العالية و بيدخل في التحامات هوائية مع مدافعين بلجيكا صلاح اللي بـ لمسة وحدة و رؤية مظبوطة في لحظة بـيصنع اسيست براحه خالص و على الهادي أوي وبيقدم واحدة من أفضل مبارياته مع منتخب مصر .. صلاح اللي اللاعيبة كلها واثقة فيه والفرق بان لما خرج تحس أنه الملعب فك منا و محدش فاهم ايه اللي بيحصل . أصلا هي مش كيمياء صلاح هو اللي عامل لمنتخب مصر اسم حالياً و سوا انت بتحبه أو لا هيفضل محمد صلاح . مباراة كبيرة يا اسطورة ، و إن شاء الله لسه فيها و فيها كتير و تكمل وتقودنا لإنجاز تاريخي في البطولة .

عار كبير علي امريكا فوزينيا حارس كاب فيردي خرج من ماتش إسبانيا وهو بيعيط من التأثر باللي قدمه وزعل لأن أمه مقدرتش تكون موجودة في المدرجات تشوف اللحظة اللي اشتغل طول عمره عشان يوصلها فوزينيا قال إنه اتربى مع أجداده اللي توفوا من سنين، وإن والدته هي كمان مقدرتش تسافر بسبب مشاكل التأشيرة والتكاليف المطلوبة والدته كانت المفروض تدفع 15 ألف دولار كضمان مالي للسفر وده كان عائق بالنسباله

فترات شرب المياه في كأس العالم معمولة للإعلانات أكتر ما هي معمولة للاعيبة تقارير أمريكية بتقول إن قناة فوكس هتحقق أكتر من 250 مليون دولار من إعلانات فترات شرب المياه فقط خلال كأس العالم التقديرات بتقول إن إعلان الـ30 ثانية بيتباع بحوالي 200 ألف دولار في مباريات الدور الأول وفي مباريات أمريكا الرقم ممكن يوصل لـ750 ألف دولار ومع وجود 104 مباراة في البطولة، و8 مساحات إعلانية تقريبا في كل مباراة، فوكس ممكن تجمع حوالي 250 مليون دولار كحد أدني يعني أكتر من نصف قيمة حقوق بث كأس العالم اللي دفعتها أصلا واللي كانت 485 مليون دولار

عارف لما دوكو واجه ارنولد عمل فيه ايه؟ ارنولد اتراوغ منه 11 مرة ومرة 10 مرات! لأجل كدة بعد اللي عمله هاني النهارده على مدار 90 دقيقة كاملة من الظلم ننساه بسبب لقطة واحدة الراجل ده لا خلاف على جودته ولعبه برجوله في معظم المبارايات الكبيره و ده اللي عمله هاني في اي مباراة كبيرة بيلعبها بدايةً من ماتش الاهلي ضد بايرن ميونخ، 4 تدخلات ناجحة وقتها من 5 قصاد ديفيز و جنابري لدرجة ان فليك اتخنق و دفع بـ ساني الراجل ده لما ظهر مع الاهلي ضد مونتيري في وقت بيعاني فيه من غيابات ضخمة ابدع دفاعياً و سجل .. اخد على المباريات دي بالمشاركات الافريقية لكل نسخة اذا كان دولياً او مع ناديه، وقت قرعة كاس العالم قالوله ده ماتش اعتزالك. لكنه النهارده قرر يفاجئنا زي كل مرة .. دوكو بسببه خسر الكورة 20 مرة و عمل 1/7 مراوغات ناجحة و ده لأن هاني عمل 5/6 تدخلات ناجحة مدرب بلجيكا نقل دوكو يمين لأنه يئس من محاولاته الفاشلة! هاني لا يخذلك في المباريات الكبرى.. 🇪🇬❤️

دي أحسن نتيجة ممكنة لمصر نيوزلاندا بتتعادل مع ايران عشان يعطلوا بعض في صراع المجموعة ويصبح ماتشنا مع نيوزلاندا هو ماتش التأهل بالنسبة للمنتخب النيوزيلاندي اللي هنقابله كل اعتماده فعليا على ثنائي أمامي متناغم جدا هما كريس وود وجاست.. جاست سجل هدفين الفريق بأسيستين من كريس وود بنفس الشكل تمام كريس وود هو محطة عملاقة لهجمات نيوزلاندا وبيستغل مرونة اللاعب جاست في اختراق الدفاع وعملوا جملتهم المكررة في المباراة حوالي 4 مرات وسجلوا منها هدفين بالكربون

خطير اوي اوي يا جدعان ،التعريف الحقيقي لكلمة مهاجم محطة لو حدفت عليه تلاجة بيستلمها جوه منطقة الجزاء و يسلمها اسيست خيالي ميضعش عملوها 4 مرات فالماتش بنفس الفكرة سجلوا هدفين مينفعش حمدي فتحي مينفعش حمدي فتحي عشان مش مكانه ، لازم تبدأ بـ ربيعة مدافع غتت و هيعرف يمنع الكورة توصله

المغرب عندهم بوعدّي، الجزائر عندهم مازا، وإحنا عندنا إمام عاشور.. ابن السنبلاوين اللي لغته رجعته من الاحتراف. الراجل نحس الإيجيبشن ليج طارده بإصابات غريبة؛ ارتجاج بأفريقيا، كورونا، وإصابة بمونديال الأندية قفلت السكة. دولياً موهبته اتهرست؛ كيروش لعبه باك يمين، فيتوريا ركنه دكة، وحسام حسن قعده بعد نص ساعة. النهاردة الكورة بتراضيه في المونديال الأكبر؛ مفيش إصابات، وثقة مدرب خلت موهبته تنفجر في الملعب. النتيجة اداء عالمي وهدف تاريخي في شباك كورتوا وجائزة افضل لاعب في المباراة، وحفر اسمه بقلم من ذهب كواحد من الهدافين التاريخين لمصر في كأس العالم .

Football for dreamers. Football for believers. Made for POOR, stolen by rich.

الحمد لله إن البداية مكنتش قدامهم، الفخ ده كان مرشح جداً نلبس فيه لو كنا مكان إيران الناس كانت داخلة البطولة ومستسهلة نيوزيلندا وفاكرين الماتش مضمون، بس النتيجة دي، حتى لو إيران رجعت في الماتش، جرس إنذار مثالي يخلي أي حد يحترم المنتخب ده. في وجود كريس وود، الهجوم بتاعهم بيتحول لمحطة خطر جداً وبيعرفوا يخلقوا مشاكل من أنصاف الفرص. الحمد لله إننا بدأنا ببلجيكا ودخلنا في المفرمة والأجواء الصعبة علطول والرجالة كانوا قد المسؤولية، بدل ما ندخل بماتش "مضمون" على الورق ونفوق منه على صدمة

اللقطات اللي بتحصل بعد المباريات دي جميلة أوي بعد مباراة مصر وبلجيكا، دار حوار جميل بين باستيان شفاينشتايجر وصلاح شفاينشتايجر أشاد بأداء محمد هاني، خصوصا بعد المباراة الكبيرة اللي قدمها دفاعيا قدام لاعب بسرعات وإمكانيات جيريمي دوكو اللقطة الأطرف كانت لما تيليمانس دخل عليهم أثناء الحوار وصلاح قاله إنه محظوظ إنه خرج بنقطة من المباراة