महाराष्ट्र प्रदेश काँग्रेस कमिटीचा अर्थशास्त्र विभाग व ऑल इंडिया प्रोफेशनल काँग्रेस यांच्या संयुक्त विद्यमाने ‘भारतात येणारी आर्थिक त्सुनामी?’ या विषयावर मुंबईतील टिळक भवन येथे एका विशेष चर्चासत्राचे आयोजन करण्यात आले होते. या कार्यक्रमात अध्यक्षस्थानी महाराष्ट्र प्रदेश काँग्रेस कमिटीचे अध्यक्ष श्री. हर्षवर्धन सपकाळ, प्रमुख वक्ते म्हणून माजी केंद्रीय अर्थमंत्री मा. श्री. यशवंत सिन्हा, ज्येष्ठ अर्थतज्ज्ञ प्रा. अरुणकुमार यांनी उपस्थितांना संबोधित केले. यावेळी राज्याचे माजी मुख्यमंत्री मा. श्री. पृथ्वीराज चव्हाण, माजी खासदार डॉ. भालचंद्र मुणगेकर, माजी खासदार मा. श्री. कुमार केतकर प्रामुख्याने उपस्थित होते. माजी केंद्रीय मंत्री यशवंत सिन्हा यांनी आपल्या भाषणात सरकारकडून मांडण्यात येत असलेल्या विकास दराच्या आकड्यांवर थेट शंका उपस्थित केली. भारताचा विकास दर ७.७ टक्के असल्याचा दावा चुकीचा असल्याचे सांगत त्यांनी स्पष्ट केले की, आंतरराष्ट्रीय नाणेनिधीने (IMF) देखील भारताच्या आर्थिक आकड्यांवर अविश्वास दाखवत देशाला 'सी' ग्रेडमध्ये टाकले आहे. गेल्या १२ वर्षांत गुंतवणूक जीडीपीच्या ३२ टक्क्यांच्या आसपासच स्थिरावली असून, या आधारे प्रत्यक्ष विकास दर केवळ ६ ते ६.५ टक्केच असू शकतो. त्यामुळे २०४७ पर्यंत विकसित भारताचे ध्येय गाठणे अत्यंत कठीण असल्याचे त्यांनी नमूद केले. ज्येष्ठ अर्थतज्ज्ञ प्रा. अरुणकुमार यांनी देशातील वाढत्या आर्थिक विषमतेवर प्रकाश टाकला. नोटाबंदी आणि जीएसटीच्या चुकीच्या अंमलबजावणीमुळे सूक्ष्म, लघु आणि मध्यम उद्योग (MSME) तसेच असंघटित क्षेत्र पूर्णपणे कोलमडले आहे. १० हजार रुपयांपेक्षा कमी कमावणाऱ्या कामगारांची संख्या मोठी असून, वाढत्या महागाईत त्यांचे जगणे कठीण झाले आहे. २५ कोटी जनता दारिद्र्यरेषेच्या वर आल्याचा सरकारचा दावा फोल ठरवून त्यांनी सांगितले की, देशात सुशिक्षित तरुणांना नोकऱ्या मिळत नसल्याने गंभीर सामाजिक समस्या निर्माण होत आहेत. काँग्रेस प्रदेशाध्यक्ष मा. श्री. हर्षवर्धन सपकाळ यांनी देशाची आर्थिक परिस्थिती चिंताजनक असल्याचे सांगत, आता जात आणि धर्माऐवजी आर्थिक विषयांवर राजकारण होण्याची गरज व्यक्त केली. राज्यातील बँक व्यवस्थेतील त्रुटी, पेपर लीक प्रकरणे, बेरोजगारी आणि शेतीमालाला भाव न मिळाल्यामुळे शेतकरी वर्गात मोठी खदखद असल्याचे त्यांनी स्पष्ट केले. या गंभीर संकटाचा सामना करण्यासाठी आणि लोकशाहीचे रक्षण करण्यासाठी आता सत्य आणि अहिंसेच्या मार्गाने रस्त्यावर उतरून स्वातंत्र्याची दुसरी लढाई लढावी लागेल, असे आवाहन त्यांनी केले.

INDIA आघाडीच्या महत्वपूर्ण बैठकीतील लोकसभेचे विरोधी पक्षनेते श्री. राहूलजी गांधी यांनी केलेल्या भाषणाचा मराठी अनुवाद.

काँग्रेसच्या विचारांचा सुपरस्टार मुख्यमंत्री : थलपती विजय काँग्रेसच्या अहिंसा, सत्य आणि करुणेच्या तत्त्वांवर निष्ठा असलेला थलपती विजय GenZ च्या गळ्यातला ताईत बनतो आणि तामिळनाडूमध्ये इतिहास घडवतो. वाचूया त्याचीच ही कहाणी. #ThalapathyVijay #GenZ #YouthPower #FutureFirst #YouthVoice #INCMaharashtra #Democracy #NewPolitics #YoungIndia #Politics #congress @INCHarshsapkal