كيف الـEDR يقدر يكشف المالوير في الـruntime ؟ كتبت مقال أشرح فيه الفكرة بشكل مبسط، أتمنى يفيدكم medium.com/@0xTurki/how-edr-…

كل مرة بسجل حاجة بقيت أفكر مليون مرة قبل ما أنشر. التعرض للناس مبقاش سهل زي الأول، وبقيت أقل تحمل لقلة الأدب والتطاول، ومبقاش عندي طاقة أستقبل كومنت سطحي أو متعجرف. ورغم كده، بحاول على قد ما أقدر أشارك اللي اتعلمته واللي لسه بتعلمه. لأني فاكر كويس قوي إحساس إنك تبقى تايه ومش لاقي حد ياخد بإيدك. وبصراحة، بحاول أعمل لأخرتي… محدش ضامن عمره، ويمكن بعد ما نمشي من الدنيا يفضل في حاجة الناس تفتكرنا بيها. آه، بيحصل خلافات بيني وبين ناس، وده طبيعي. بس الناس المحترمة، اللي عندها أصل، عمرها ما تخلي الخلاف يوصل لتطاول أو عداوة. الوقت اللي بقضيه في التحضير لأي حلقة مش قليل، وده وسط شغل وحياة وضغط. فطبيعي جداً إن التركيز ميكونش دايماً في أحسن حالاته، ووارد أقول حاجة غلط. الموضوع مش أكل عيش، ولا فيه أي مقابل مادي، ولا حتى عندي شغل خاص بستفيد منه بسبب شعبيتي. الحلقة دي بالذات، كنت عايز أعملها خمس ساعات، ومش متأكد إنها كانت هتكفي كل اللي في دماغي. فالنصيحة الوحيدة: متدخلش على حاجة زي دي وانت متوقع تاخد كل الإجابات. أنا بحاول أفتح بيبان وأتكلم في كل جزء شوية عشان الصورة تبقى أوضح. وكل بودكاست له جمهور مختلف، ولكل مقام مقال. خليكوا خفاف… وزقوا معايا كام سنة هنعيشهم.