Өнгөрсөн шөнө биднийг унтаж байх зуур энэ оны хамгийн өндөр хүлээлттэй спортын тэмцээнүүдийн нэг хөлбөмбөгийн 2026 оны ДАШТ-ий нээлтийн тоглолтууд болж өнгөрлөө. Анх удаа 48 улсын шигшээ баг оролцож буй энэ ДАШТ-ий сонин сайхныг хамтдаа харцгаая. 🍋 💸 Том шагналын сан 2026 оны ДАШТ-ий нийт шагналын сан өмнөх Катарт болсон ДАШТ-ээс даруй 98% өсөж $871 саяд хүрсэн бөгөөд улс тус бүр зөвхөн оролцсоныхоо төлөө дор хаяж $12.5 саяыг авна. Үүний шалтгаан нь тэмцээнд оролцох багуудын тоо 16-гаар нэмэгдэж 48-д хүрсэн болон багууд Америк, Канад, Мексик дамнан хол зайд аялж, байрлах байр, бэлтгэлийн бааз болон татварын зардал өндөр байгаатай холбоотой гэнэ. 📈 Эдийн засгийн нөлөө: Энэ жилийн ДАШТ нь дэлхийн ДНБ-ийг $40.9 тэрбумаар нэмэгдүүлж, $8.3 тэрбумын нийгмийн үр ашгийг бий болгоно гэх тооцоолол гарчээ. Мөн зохион байгуулагч 3 улс руу нийт 6.5 сая хүн зорчиж, тэмцээний тоглолтуудыг үзэх хүлээлттэй байна. 🔗 Дэлгэрэнгүйг: lemonpress.mn/post/OQL2kStii…

Өнгөрсөн 7 хоногт Макс Группийн санаачилгаар Говь-Алтай аймгийн Төгрөг суманд 300 МВт-ын хүчин чадалтай, жилд 2.16 тэрбум кВт.цаг эрчим хүч үйлдвэрлэх цахилгаан станцын төслийн суурь тавигдсан. Тэгвэл өнөөдөр энэ төслийн талаар илүү дэлгэрэнгүй авч үзье. 🍋 🔌 Бүс нутгийн асуудал Алтай-Улиастай болон Баруун бүсийн эрчим хүчний системийн цахилгаан дамжуулах агаарын шугамын алдагдал 5%, ДЦС-ын дотоод хэрэгцээ 10%-ийг тооцвол 2026 онд 146 МВт, 2035 онд 310 МВт-ын эх үүсвэрийн хэрэгцээ үүсэхээр байна. Нэг үгээр, баруун бүсийн эрчим хүчний хэрэгцээ тогтмол өсөх хандлагатай. Иймд одоогийн нөхцөлд 2026 онд 127 МВт, 2035 онд 270 МВт-ын чадлын дутагдал үүсэх тооцоо гарчээ. 🆕 Хүрэн Голын Цахилгаан станц Шинээр баригдаж буй Хүрэн голын цахилгаан станц ашиглалтад орсноор Алтай-Улиастайн эрчим хүчний системд үүсээд буй 150–180 МВт-ын дутагдлыг нөхөхөөс гадна бүс нутгийг үндсэн эх үүсвэрээр найдвартай хангах техникийн боломж бүрдэх юм. Цаашлаад Увс, Баян-Өлгий, Ховд аймгуудын импортын хамаарлыг бууруулж, валютын гадагш урсгалыг сааруулах нөхцөл бүрдэх гэнэ. 🔗 Дэлгэрэнгүйг: lemonpress.mn/post/fhqIaPH8S…

Дэлхийн хөрөнгийн зах зээлийн түүхэнд 2026 он тодоор бичигдэж үлдэх төлөвтэй байна. Учир нь технологийн салбарын хамгийн халуухан сэдэв болоод буй AI хөгжүүлэгч 3 том компани энэ онд IPO хийх болсноо мэдэгдлээ. 🍋 ⏳ Он цагийн цаглавар Хамгийн эхлээд өнгөрсөн 3-р сард SpaceX IPO хийхээ мэдэгдсэн бол тэдний араас долоо хоногийн өмнө Anthropic IPO-н материалаа SEC-д хүргүүлэв. Мөн би юугаараа дутахав гэсэн шиг OpenAI ч хэдхэн хоногийн өмнө IPO хийх хүсэлтээ гаргаад байна. Хамгийн эхэнд мэдээж түрүүлж дугарсан SpaceX-н IPO энэ Баасан гарагт тохиох бол OpenAI-нх энэ 9-р сард, Anthropic-нх энэ оны төгсгөлд болно. 🔗 Дэлгэрэнгүйг: lemonpress.mn/post/U8YHhLuG1…

Энэ оны Playtime Festival-н хамтлаг, уран бүтээлчид наадмын түүхэн дэх хамгийн өндөр төсөв бүхий lineup болох төлөвтэй байгаа билээ. 🍋 Тухайлбал, энэ жил Беларусын Molchat Doma, Норвегийн Kings of Convenience Америкийн DIIV, Өмнөд Солонгос Hyukoh тэргүүтэй хамтлагууд headliner-р нэрлэгдээд буй. Үүнээс гадна наадамтай холбоотой сонирхолтой хэдэн тоо харцгаая.

Өчигдөр Төрийн ордонд Хувь хүний орлогын албан татвар (ХХОАТ)-ыг тойрсон халуухан мэтгэлцээн өрнөв. Цалин хөлсний орлогын татварыг бүхэлд нь 1% болгох анхны зоримог санал дэмжлэг авч чадаагүй ч арай өөр, дундаж давхаргыг чиглэсэн ухаалаг хувилбарыг дэвшүүлэн хэлэлцэж эхэллээ. 🍋 🔢 Шинэ математик: Хэний хэтэвч рүү хэдэн ₮ орох вэ? ₮0-₮792 мянга хүртэлх орлогод: 0%. Өмнө нь суутгаад дараа нь буцааж олгодог байсан бол одоо анхнаас нь чөлөөлнө. ₮792 мянгаас ₮2 сая хүртэлх орлогод: 1%. Уг зохицуулалтад нийт цалин авч буй иргэдийн 53% орчим буюу 544,183 хүн шууд хамрагдах аж. Сонирхолтой нь, энэ өөрчлөлт батлагдвал ₮2 сая цалинтай иргэн бүрийн гар дээр ч сар бүр ₮188 мянга илүү үлдэх боломж бүрдэнэ. 📌 Өнцөг А: Иргэдийн худалдан авах чадвар ба бизнес Сар бүр гар дээр үлдэх ₮188 мянга бол дундаж өрхийн хүнс, хэрэглээнд том нэмүү өртөг болно. Энэ нь эргээд зах зээл дэх мөнгөний эргэлтийг дэмжиж, дотоодын худалдаа эрхлэгчдэд эерэг нөлөө үзүүлэх давуу талтай. 🔗 Дэлгэрэнгүйг: lemonpress.mn/post/2vrQ9ACSc…

Өнгөрсөн Даваа гарагт Apple (AAPL)-н Worldwide Developers Conference (WWDC) болж өнгөрлөө. Энэ бол Тим Күүкийн хамгийн сүүлийн WWDC. Одоо хураангуй тойм руугаа орцгооё. 🤩 Siri өөрийн гэсэн апп-тай болно Энэ жилийн WWDC-н хамгийн их хүлээлт үүсгэсэн шийдэл бол Apple-н 2 жил гаран ярьсан AI функц эцэст нь нэг юм амилж, iOS 27 үйлдлийн системд Siri AI албан ёсоор нэвтрэхээр болоод буй. Нэг ёсондоо Apple-н хэрэглэгчид өөрсдийн гэсэн AI агенттай болж байгаа бөгөөд Siri-г бие даасан агент байдлаар ажиллуулахын тулд тусад нь гаргаж, 15 жилийн дараа Siri өөрийн гэсэн гэртэй, апп-тай болов. Гэснээс анх Siri-н ард ChatGPT ажиллана гэгдэж байсан бол одоо Gemini ажиллахаар болсон шүү. 🤔 Siri AI юу хийж чадах вэ? Ирэх намраас эхлэн Siri AI-р файл илгээх, тохиргоо өөрчлөх, мессеж, календарь тэргүүтэй гар, хөлийн үзүүртээ зарах боломжтой болох нь. Хамгийн гол нь Siri AI дэлгэц дээрх контент болон камерын урд харагдаж буй зүйлийг таньж, ойлгох чадвартай болсон. Энэ нь мөн л 2024 онд танилцуулсан Visual Intelligence-н сайжруулсан хувилбар гэж хэлж болно. 🔗 Дэлгэрэнгүйг: lemonpress.mn/post/HDepVLNYl…

Ажлаа аваад хагас сар болж байгаа шинэхэн хотын дарга маань хийх ажлын жагсаалтаасаа хамгийн түрүүнд төсвөө тодотгож, нэмэх асуудлыг сонголоо. 🍋 🧟‍♂️ Нийслэлийг тойрсон хараалт тодотгол Өчигдөр НИТХ-ын зөвлөлийн ээлжит бус хуралдаанаар хотын даргын өргөн барьсан нийслэлийн төсвийн тодотголыг хэлэлцэж, тодотгохыг дэмжив. Тэрбээр нийслэлийн энэ оны төсвийг ₮38.4 тэрбумаар нэмэгдүүлэхийн сацуу хөрөнгийн зардлын хэмнэлтээр бий болсон ₮443 тэрбумыг өвөлжилтийн бэлтгэл ажилд зарцуулах санал гаргажээ. Хөрөнгийн зардлын хэмнэлт гээд байгаа нь 5 сарын 31-ныг хүртэл гэрээ байгуулаагүй төсөл, хөтөлбөрүүдийг зогсоохоо хэлж байгаа юм. 👀 Хэмнэлт нэрийн ард… Хэрэв уг санал дэмжигдвэл нийслэлийн төсөв энэ онд 2 дахь удаагаа нэмэгдэнэ гэсэн үг. Тэр байтугай одоогоос 3 сарын өмнө “Улаанбаатар трам” төслийг хөдөлгөхийн тулд ₮350 тэрбумыг нэмж төсөвлөөд ₮5.4 их наядад болгон тодотгосон. Гэтэл одоо тус төслийг зогсоосны ₮325 тэрбумыг хөрөнгийн зардлын хэмнэлт гээд өвөлжилтийн бэлтгэл ажилд зарцуулах гэж байна. Үлдсэн ₮118 тэрбум нь бусад гэрээ байгуулаагүй төсөл, арга хэмжээг зогсоосноос төвлөрөх бололтой. 🔗 Дэлгэрэнгүйг: lemonpress.mn/post/F8acbhXS9…

Омни Капитал ББСБ ХХК-ийн зээлжих зэрэглэлийг Италид төвтэй, хараат бус олон улсын зээлжих зэрэглэл тогтоогч MFR Credit Ratings байгууллагаас BBB-/"Тогтвортой" үнэлгээ хүртжээ. 🍋 2002 онд байгуулагдсан MFR Credit Ratings нь хөгжиж буй болон хил дамнасан зах зээлүүдэд үйл ажиллагаа явуулдаг банк, ББСБ, бичил санхүүгийн байгууллага, хөрөнгө оруулалтын сангууд болон нийгмийн нөлөөлөл бүхий байгууллагуудын санхүүгийн чадамж, эрсдэлийн удирдлага, засаглал, үйл ажиллагааны үр ашгийг үнэлдэг олон улсын мэргэшсэн байгууллага юм. 📌 BBB- зэрэглэл нь компанийн зээлжих чадвар харьцангуй сайн, санхүүгийн үзүүлэлт болон ашигт ажиллагаа тогтвортой байгааг илтгэхийн зэрэгцээ эрсдэлийн удирдлага сайн түвшинд, мөн зах зээл дэх байр сууриа хадгалж цаашид өсөх боломжтойг харуулж байна.

Нэг үеэ бодвол криптовалют руу дотоодын крипто биржүүдийн тусламжтай хөрөнгө оруулах боломж, бололцоо асар нэмэгдсэн. Үүнтэй холбоотой хэр их хүн дотоодын крипто биржүүдийг ашиглаж, тэд хэдий хэмжээний ашиг, орлоготой ажилладаг талаар сонирхоцгооё. 🔙 2026 оны I улирал Өнгөрсөн улиралд албан ёсны бүртгэлтэй крипто биржүүдийн орлого өмнөх оны мөн үеэс 57.6% буурч ₮705.8 саяд хүрсэн бөгөөд үүний улмаас биржүүдийн алдагдал 8.6% нэмэгдэж ₮2.2 тэрбумд хүрсэн байна. Тайлант улиралд ганцхан Айдакс ХХК ₮10.2 саяын цэвэр ашигтай ажилласан бол бусад биржүүд бүгд хасахтай гарсан аж. 📉 Арилжаачдын тоо: Биржүүд дээрх нийт баталгаажуулалт хийсэн харилцагчдын тоо 484 мянга байгаагаас ердөө 3.9% буюу 18.8 мянга нь идэвхтэй арилжаа хийжээ. Эдгээр арилжаачдын хувьд өдөрт дунджаар ₮340 саяар дотоодын криптовалют, ₮1.8 тэрбумаар гадаад виртуал хөрөнгийг тус тус арилжаалжээ. 🔗 Дэлгэрэнгүйг: lemonpress.mn/post/fPCKeYgus…

Хэрэв танд сарын $2,400 буюу ₮8.5 саяар мал маллах санал тавивал хүлээж авах уу? Хятадад нэгэн фермер тус үнэлгээгээр хонь маллах ажлын зар тавиад 2 хоногт 1,000 гаруй өргөдөл хүлээн авсан байна. Гол нь ажил горилогчдын 10% нь их дээд сургуулийн боловсролтой хүмүүс байв. 🍋 👋 Мал дээр гарлаа. Bye! Тус ажлын байрны зарын талаар өнгөрсөн 4-р сараас эхлэн шуугьж эхэлсэн бөгөөд байр, хоол нь цаанаасаа, хийх ажил нь Өвөр Монголд 129.5 km² орчим талбайд 3,000 гаруй хонь маллаж тэжээгээд харж хандаад явах. Мэдээж уг цалин дунджаас өндөртөө орно. Шалтгаан нь ажил олгогчийн хэлснээр, халуун зун, хүйтэн өвлийн ихэнх өдрийг гадаа ганцаардаж өнгөрүүлдэг тул урт хугацаанд тогтвортой ажиллуулахын тулд хэмээсэн юм. 🔥🪭 Улмаар Weibo дээр уг сэдэв хэдхэн цагийн дотор 59 сая хандалт авч, 21,000 гаруй хэлэлцүүлэг өрнөсөн сурагтай. Тэр байтугай хоньтой ажиллах нь хүнтэй харилцахаас хавь дээр буюу бараг л мөрөөдлийн ажил гэх тодотголыг хүртээд амжжээ. 😲 Хэдий уг ажлын байранд залуус хошуурсан ч тус фермер тэднийг ганцаардлыг дааж чадахгүй гэж үзээд туршлагатай хосыг ажилд авсан байна. Цалин нь жилийн ¥200,000 буюу $30,000. Галзуу² 🔗 Дэлгэрэнгүйг: lemonpress.mn/post/C3EyjG4Gy…

Inspiring Asia 2026 Бичил Кино Наадмын бүтээлийн бүртгэл нээгдэж, нийгэмд эерэг өөрчлөлт уриалсан бүтээлүүдийг хүлээн авч байна. 🍋 Inspiring Asia нь Азийн олон соёлыг нэгтгэн, кино уран бүтээлээр дамжуулан эерэг өөрчлөлт түгээх зорилготой платформ бөгөөд энэ жил Монгол, Хятад, Индонез, Филиппин, Сингапур, Тайланд, Вьетнам, Хонгконг зэрэг 8 улсад зохион байгуулагдана. 📌 Түүнчлэн Inspiring Asia 2026 Бичил Кино Наадмын Монгол дахь албан ёсны хамтрагчаар Лоринэт сан, дэмжигч байгууллагаар Голомт сан ажиллаж байна. Бүтээл хүлээн авах эцсийн хугацаа 7-р сарын 6-нд бол үндэсний шалгаруулалт, үзвэр болон шагнал гардуулах ёслол 8-р сарын дундуур болох аж.

Өөрийн гэсэн орон сууцтай болох нь олон залуусын амьдралын томоохон зорилго болсон. Гэвч орон сууцны үнэ сараас сард, жилээс жилд өссөөр энэ зорилго холын мөрөөдөл болоод байна. Тэгвэл ер нь байрны үнэ цаашид хэрхэн нэмэгдэх боломжтойг сонирхоод үзье. 🍋 ✋🏻 Юуны түрүүнд: Энэхүү мэдээг Инвескор Проперти ХХК-ийн Улаанбаатар хотын “Үл хөдлөх хөрөнгийн зах зээл жилийн тайлан 2025-2026”-д үндэслэн гаргалаа. Тус тайлан нь жил бүр танилцуулагддаг гэдгээрээ онцлог юм. 🏢 2 жилийн дараа гэхэд Өнгөрсөн сарын байдлаар шинэ орон сууцны 1 м.кв-ын дундаж үнэ өмнөх оны мөн үеэс 7.4% өсөж ₮4.8 саяд, хуучин орон сууцны үнэ 10% нэмэгдэж ₮5 саяд тус тус хүрчээ. Судалгаагаар, 2027 он гэхэд шинэ орон сууцны 1 м.кв-ын дундаж үнэ ₮5.8 саяд, хуучин орон сууцны үнэ ₮5.7 саяд хүрэх төлөвтэй байна. Товчхондоо 2026–2027 онд байрны үнийн өсөлт инфляцтай ойролцоо түвшинд хадгалагдаж, ҮХХ-ийн зах зээл эрчимтэй өсөлтийн үе шатаас тогтвортой өсөлтийн шат руу шилжих аж. 🔗 Дэлгэрэнгүйг: lemonpress.mn/post/KHtVtpCEP…

Өнөөдөр Ким Жон Уны урилгаар Хятадын дарга Ши Жиньпин Хойд Солонгост айлчилж байна. Энэ нь Ши Жиньпин 2019 оноос хойш анх удаа Хойд Солонгост хийж буй айлчлал юм. Тиймээс энэ айлчлалаас онцлох мэдээллийг тоймлон хүргэе. 🍋 🔴 65 жилийн ой Тэртээ 1961 онд Хойд Солонгос болон Хятад “Найрамдал, хамтын ажиллагаа, харилцан туслалцааны гэрээ”-г байгуулсан бөгөөд энэ онд уг гэрээ байгуулагдсаны 65 жилийн ой тохиож байна. Хятадын хувьд Хойд Солонгосын эдийн засгийн гол түшиц тулгаар байсаар ирсэн бөгөөд Хойд Солонгос руу эрчим хүч, эмнэлгийн хэрэгсэл, цахилгаан бараа экспортолдог бол вольфрам, төмрийн хүдэр зэрэг түүхий эдийг импортоор авдаг. 💵 Статистик тоо: Хятадын Хойд Солонгос руу хийсэн экспорт өнгөрсөн онд $2.3 тэрбумд хүрсэн ч энэ үзүүлэлт нь цар тахлын өмнөх 2019 оны $2.5 тэрбумын экспортын амжилтаас доогуур хэвээр байгааг илтгэнэ. 🔗 Дэлгэрэнгүйг: lemonpress.mn/post/oM53iI2wk…

Letterboxd платформ дээрх Монголтой холбоотой кинонуудыг хэрэглэгчдийн үнэлгээгээр Д.Бямбасүрэн найруулагчийн Шар нохойн там кино тэргүүлж байна. 🍋 📌 Харин нийт үзэлтээр 2007 онд нээлтээ хийсэн Сергей Бодров найруулагчийн Монгол кино 1-т бичигдсэн бөгөөд тус киног ойролцоогоор 23 мянган хүн үзжээ.

Казакстаны санхүүгийн корпорац Монголд орж ирэх үү? 🍋 Өчигдөр Freedom Holding Corp-н Гүйцэтгэх захирал Тимур Русланович Турлов тэргүүтэй төлөөлөгчид Монголбанкны төлөөллүүдтэй уулзалт хийж, Монголын банк, санхүүгийн салбарт хөрөнгө оруулах боломжийн талаар хэлэлцжээ. Уулзалтын үеэр Freedom Holding Corp-н Гүйцэтгэх захирал Монголд хөрөнгө оруулах сонирхолтой байгаагаа илэрхийлж, дэвшилтэт технологи, цахим хөгжил, харилцаа холбоо, инновацын чиглэлд хамтран ажиллах, хөрөнгө оруулах боломжийг судалж байгаагаа мэдэгдсэн байна. 📌 Freedom Holding Corp нь брокер, банк, даатгал, харилцаа холбоо болон цахим худалдааны чиглэлээр Төв Азийн орнууд болон Америк, Их Британи, Арабын Нэгдсэн Эмирт тэргүүтэй 21 улсад үйл ажиллагаа явуулж буй олон улсын санхүүгийн групп аж. Тус компанийн хувьцаа Nasdaq дээр арилжаалагддаг бөгөөд энэ оны байдлаар Тимур Турлов компанийн 69.31%-ийг эзэмшиж буй.

Японы Ерөнхий сайд Санаэ Такаичи өрхийн санхүүгийн дарамтыг бууруулах зорилгоор ирэх жил хүнсний бүтээгдэхүүний хэрэглээний татварын хувь хэмжээг 0% болгон бууруулах амлалт өгсөн. Гэсэн ч амлалтаа хөрсөн дээр хэрхэн буулгах тал дээр шийдэлд хүрч чадахгүй мухардав. 🍋 👉 Энэ бол Ерөнхий сайд Санаэ Такаичигийн намыг ялалтад хүргэсэн сонгуулийн амлалт төдийгүй анхандаа олон нийтээс сайшаал, магтаал хүртсэн ч одоо бол хэрхэн хэрэгжүүлэх аргаа олохгүй толгойны өвчин болон хувирч байна. 🙉 Нөхцөл байдал 2019 оноос хойш Япон хүнсний бүтээгдэхүүнд 8%, бусад бараа бүтээгдэхүүнд 10%-ийн хэрэглээний татвар ногдуулдаг 2 төрлийн татварын систем рүү шилжсэн байдаг. Улмаар өрхийн зардалд ихээхэн нөлөөлж буй хүнсний татварыг 2027 оноос эхлэн 2 жилийн хугацаатай тэглэх талаар ярих болсон. Гэсэн ч гол тулгамдаж буй асуудал нь дэлгүүрүүдийн кассын машин... 🫥 Тодруулбал, томоохон сүлжээ дэлгүүрүүдийн касс, картын гүйлгээ болон бэлэн бус төлбөрийг боловсруулдаг системүүд анхнаасаа 0%-ийн татварын хувь хэмжээг тооцоолохоор зохион бүтээгдээгүй тул шинэчилж, дахин тохируулга хийх хэрэгтэй болжээ. 💳 Улмаар кассын машинуудад тохируулга хийж, 0% буюу татвар авдаггүй болгохын тулд 1 жил, харин 1%-ийн татвартай болгоход 5-6 сарыг зарцуулахаар байгаа аж. 🔗 Дэлгэрэнгүйг: lemonpress.mn/post/Fr4yL117V…

Өнгөрсөн онд ТОП-20 индексэд багтдаг компаниудын борлуулалт, маркетингийн зардал өмнөх оны мөн үеэс 11.5% буурч ₮276.8 тэрбумд хүрчээ. Буураад буураад ийм том байна гэхээр л их сонирхолтой. 🍋 🔎 Сонирхолтой тоог сонирхъё Компаниудын аудитлагдсан санхүүгийн тайлангаас харахад, нийт 20 компанийн 9 нь 2025 онд маркетингийн зардлаа ₮57.1 тэрбумаар танасан бол үлдсэн 11 нь ₮21 тэрбумаар нэмэгдүүлжээ. Үүнээс маркетингийн зардлаа хамгийн өсгөсөн нь 132.4%-ийн өсөлттэй Премиум Нэксус (CUMN) байлаа. Харин хамгийн их хувиар танасан нь Ард Санхүүгийн Нэгдэл (AARD) байсан бөгөөд тэд зардлаа ₮557.6 саяар буюу 81.3% бууруулжээ. 🔗 Дэлгэрэнгүйг: lemonpress.mn/post/vRxRCPv0N…

Өчигдөр интернэтээр нэг Бэгз, өөр нэр нь Жамсран бурхантай холбоотой мэдээнүүд газар авлаа. Ингэхдээ алдарт God of War франчайзын шинэ хувилбар болох God of War Laufey-д энэхүү бурхан нь нэг дүр болж орсон байна шүү. Тэгвэл ер нь ямар учиртай тоглоом болохыг сонирхоод үзье. 🍋 🏺 21 жилийн түүх Одоогоос 21 жилийн өмнө эртний Грекийн бурхдын эсрэг тэмцэх Спартагийн дайчин Кратосын тухай өгүүлэх God of War тоглоом нээлтээ хийж байв. Энэ үеэс хойш өнөөдрийг хүртэл тус франчайзын 11 тоглоом албан ёсоор Sony (SONY)-н нэр дээр видео тоглоомчдын гарт очиж, нийт 76.5 сая ширхэг борлуулагдсан бахдам амжилтыг үзүүлсэн байна. 💰Орлоготой бол орлоготой: Хамгийн сүүлд 2022 онд гарсан God of War Ragnarök болон God of War (2018) тоглоомын дэлхий даяарх нийт борлуулалтын дүн $1.4 тэрбумд хүрчээ. 🔗 Дэлгэрэнгүйг: lemonpress.mn/post/cgwhsHVis…

УИХ-аас ₮15.3 их наядын өртөгтэй, 124 төсөл, 186 арга хэмжээ бүхий 2027 оны хөгжлийн төлөвлөгөөг баталсан. “Чөлөөлье” гээд том уриа тавиад эдийн засаг, эрх зүй, ногоон хөгжил, авлигын эсрэг 4 чөлөөлөлтийг зарлаж, мега төслүүдийг урагшлуулах юм гэнэ дээ. Базарваань. Танилцъя даа. 🍋 🫧🧼 Төлөвлөлтийн хөөс ба санхүүжилтийн тасалдал Бид цаасан дээр том зорилт тавьдаг ч хэрэгжилт дээрээ бүдэрдэг уламжлалтай. Тухайлбал, 2025 оны төлөвлөгөөний биелэлт дунджаар ердөө 61%-тай гарчээ. Тэргүүлэх чиглэлийн үр дүн нь бүр 48.5%-ийн гүйцэтгэлтэй гарч. Гол шалтгаан нь төлөвлөсөн 326 төслийн 107-ынх нь санхүүжилт төсөвт огт тусгагдаагүй хасагдсанд оршино. Санхүүгийн сахилга батаа чангалахгүй бол 2027 оны ₮15.3 их наядын төлөвлөгөө ч цаасан дээр үлдэх эрсдэлтэй. 🔗 Дэлгэрэнгүйг: lemonpress.mn/post/kYqUP1c09…

Цаана чинь A24-н шинэхэн бүтээл Backrooms алж байгаа сурагтай. Харин Монголд уг кино 7 сарын 3-нд л нээгдэх нь дээ. Ер нь A24 студи сүүлийн жилүүдэд яаж саагаад байна аа? 🍋 🎨💰 Артхаусаас их төсөв рүү A24 кино студи нь анх артхаус буюу өвөрмөц шийдэлтэй, бага төсөвтэй бие даасан кинонуудаараа кино сонирхогчдын нарийн хүрээнд танигдаж байсан бол сүүлийн 3 жилд Холливудын том студиудтэй энэ тэнцүү өрсөлдөхүйц хэмжээнд хүрч томров. Тодруулбал, тэд $3-$15 саяын төсөвтэй гүн, драма төрлийн кино хийхээс татгалзаж, $30-$70 саяын төсөвтэй, олон нийтэд зориулсан чанартай энтертайнмент руу хүрээгээ тэллээ. 🌊 Өнгөрсөн 2 жилийн давлагаа: 2024-2025 онуудад нээлтээ хийсэн Civil War, Marty Supreme тэргүүтэй 8 гол бүтээлдээ ойролцоогоор $190 саяын үйлдвэрлэлийн зардал гаргажээ. Эдгээр бүтээлүүд нь дэлхийн зах зээлээс нийт $549.5 саяын орлого олсон буюу зардлаа бараг 3 дахин нугалсан байгаа юм. Улмаар тус студийн үнэлгээ өдгөө $3 тэрбумд дөхөж байгаа аж. 🔗 Дэлгэрэнгүйг: lemonpress.mn/post/4s91riepu…