Сябры, я хачу папрасіць вашай дапамогі на некалькі месяцаў. Наша каманда не толькі робіць свае праекты, але і падтрымлівае тэхнічна і інфраструктурна розныя партнёрскія ініцыятывы. Сёння гэта больш за 20 розных праектаў. Большую частку гэтых выдаткаў я заўсёды браў на сябе сам. Нажаль, мы не ацанілі да канца выдаткі на новы праект, які выйдзе ў жніўні, развіццё прыкладання SVAE і краўдфандынгавай платформы Gronka, а таксама рост інфраструктурных выдаткаў, таму ўтварыўся фінансавы разрыў, які я не змагу пакрыць сам. З плюсаў - далей стадыя актыўнай распрацоўкі моцна скароціцца і каманда зможа вярнуцца ў звычайны рэжым выдаткаў. Сёння данаты на платформе складаюць каля 5% ад нашых выдаткаў, яшчэ 35-40% мы знаходзілі, ствараючы ка-фінансуемыя праекты з донарамі (цяпер гэтая сума апусцілася да 20%), астатняе пакрывалі самі, часам з падтрымкай прыватнага бізнесу або прыватных спонсараў, але апошнія 1.5 года ўжо цалкам самі. На бліжэйшыя 3 месяцы мы просім вашай фінансавай падтрымкі, каб у нас атрымалася падняць данаты прыкладна да 15-20%. Гэта дапаможа нашай камандзе спакойна пратрымацца, стабілізавацца і прадоўжыць работу. Можна дапамагчы зручным для кожнага спосабам - аформіць падпіску( і потым адпісацца праз 3 месяцы) дапамагчы разава, ці падтрымаць нас ананімна крыптай, а калі вы самі ў цяжкім становішчы зараз, то дапамагчы распаўсюдзіць гэтую пасаду далей. Калі гэтыя спосабы не падыходзяць і мы знаёмыя асабіста, напішыце ў тварык і разам што-небудзь прыдумаем) Нам не хочацца прыпыняцца, тым больш, што за апошнія гады мы стварылі экасістэму, дзе беларусы і беларускі ствараюць сапраўды крутыя праекты, падтрымліваюць ініцыятывы адзін аднаго, а таксама атрымліваюць прафесійную дапамогу. - З 2022-га года дзясяткі тысяч беларусаў і беларусак шукалі падзеі, мітапы і фестывалі ў дадатку SVAE. - Дзякуючы праекту "Будуй сваё" былі адкрыты бібліятэка і крэатыўная пляцоўка ў Літве, быў створаны партал па гісторыі Беларусі, гэтым летам будзе летнік для дзетак у Польшчы. - 22 крэатыўныя ініцыятывы атрымалі падтрымку на краўдфандынгвай платформе Gronka. - Дзесяткі тысяч бясплатных кансультацый прайшлі на медыцынскіх і юрыдычных платформах І ўсё гэта зрабілі мы ўсе разам - беларусы і беларускі - нам ёсць чым ганарыцца! У першым каментары спасылка на тое, як нам можна дапамагчы. Дзякуй загадзя за вашу падтрымку!

Сябры і сяброўкі, пачасціліся спробы прадаць базу Новай Беларусі на розных сайтах. Не купляйце злітыя дадзеныя на незнаёмых рэсурсах - толькі ў нас база заўсёды актуальная і не змяшчае польскіх фальшывак (праўда і вашых дадзеных таксама не змящае)! Праверана куратарамі!

Сябры, мы зрабілі рэбрэндынг мабільнай аплікацыі «Новая Беларусь» і падзяляем яе на аплікацыю «SVAE» і на асобны вэб-сайт грамадзянска палітычнай платформы «Тры Сланы» (выйдзе ў бліжэйшыя 2-3 тыдні). Старая аплікацыя стала занадта вялікай - дзіцячыя казкі змешваліся з дэмакратычнай канферэнцыяй, і не так, каб было лёгка пераблытаць, але мы вырашылі, што хочам зрабіць яе больш лёгкай і арыентаванай на дыяспару, тым больш што ў Беларусі мы не рэкамендуемы карыстацца аплікацыяй. Аплікацыя стала яшчэ лепш! У новым абнаўленні з'явіліся медыя-агрэгатар з тонкімі настройкамі (можна зменшыць колькасць негатыўных або палітычных навін) і групоўкай навін, новы AI-пошук, рэжым хуткага прагляду падзей і сустрэч у фармаце сторыз, а таксама палепшылася секцыя Грамадства, адкуль жадаючыя змогуць удзельнічаць у грамадзянскіх праектах. Памятайце, што вы можаце рабіць гэта ананімна, не пакідаючы ніякіх персанальных дадзеных! Пра платформу “Тры сланы” раскажам асобна, але гэта будзе сапраўдная грамадзянска-палітычная прастора з дыялогамі, публічнымі дыскусіямі, грамадзянскімі падзеямі і г.д. Гэты рэбрэндынг і падзел ніяк не мяняюць місіі ўсёй платформы «Новая Беларусь» - наша каманда і далей працуе, каб беларусы і беларускі злучаліся і вучыліся вырашаць свае праблемы і падтрымліваць адзін аднаго ў любым пункце свету. Мы працягваем развіваць усю экасістэму, у якой ужо больш за дзесятак розных прадуктаў, якія дапамагаюць людзям у вельмі розных сітуацыях і прасоўваюць культуру грамадзянскай супольнасці і адказнасці за сваю нацыю. У мінулым годзе мы запусцілі і падтрымліваем платформу Gronka, дзе больш за 17 выдатных крэатарскіх праектаў атрымалі поўнае або частковае фінансаванне за апошнія 6 мес, адраджаючы культуру краўдфандынгу, знішчаную яшчэ пасля 2020-га года. Мы працягваем рабіць падатковы праект «Будуй Сваё», які вельмі адпавядае нашай місіі і арганізоўвае людзей на стварэнне цудоўных беларускіх праектаў, такіх як бібліятэка ў Вільні ці партал па гісторыі Беларусі для англамоўнай аўдыторыі. Праз пару дзён адкрыецца новы сезон «Будуй Сваё» - абавязкова ўдзельнічайце! Гэты праект - тое, што робіць людзей нацыяй - дапамагае вучыцца вырашаць праблемы без палітыкаў, донараў і г.д. У 2023 годзе было сабрана каля 40 тыс еўра, у мінулым - каля 80 тыс еўра. Гэта цудоўная дынаміка, якая дазваляе рабіць усё больш складаныя праекты, якія робяць людзі! Напэўна самае дзіўнае, што наведваючы розныя канферэнцыі і сустракаючыся з актывістамі з розных краін, я разумею, што тыя інавацыі ў лічбавых прадуктах, якія зрабілі беларусы і беларускі ў свеце не змог зрабіць ніхто! У 2025 я б вельмі хацеў распаўсюдзіць гэты вобраз інавацыйнай нацыі ва ўсе краіны сьвету, бо гісторыя бедных беларусаў з 2020 даўно забытая. Я хачу, каб пры слове Беларусь свет хацеў інвеставаць у гэты ўнікальны досвед пабудовы лічбавых працэсаў і прадуктаў для грамадзянскай супольнасці. Праектаў становіцца больш і нам складаней іх фінансаваць кожны год, паколькі большай часткай (каля 65%) я аплачваю працу людзей на іх самастойна, меншай часткай мы шукаем донарскае фінансаванне і прыватную партнёрскую дапамогу. Данаты сёння складаюць усяго каля 3%. Па нас таксама ўдарыў амерыканскі фрыз, таму мы ў турбулентнасці, але праекты не закрываем. Вы можаце падтрымаць нашы цудоўныя ініцыятывы штомесячнай падпіскай або разавым донатам - гэтым вы дапаможаце развіццю нашай платформы і многіх яе прадуктаў. І гэтым вы вельмі дапаможаце мне, таму што мне становіцца цяжка падтрымліваць столькі прадуктаў самастойна) Пампуйце аплікацыю і далучайцеся да глабальнага кам'юніці! Памятайце, што ўсе гэтыя прадукты робяцца людзьмі для людзей. Таму што дзе б мы не былі, але мы - свае! Спасылка на падрымку ў першым каментары

Сябры, сёння з'явіўся яшчэ адзін праект з цыклу Будуй Сваё, калі людзі самі ствараюць беларускія праекты. Гэта партал аб гісторыі Беларусі для замежных гісторыкаў і журналістаў. belarus-history.com

І самае важнае - гэты партал атрымаўся цудоўным і для нас - беларусаў і беларусак, чыю гісторыю і культуру знішчае расія сягодня. Таму ўдвае прыемна запусціць і развіваць гэты прадукт далей