📍 विधानभवन, मुंबई आज विधानपरिषद कामकाज सल्लागार समितीची बैठक आयोजित करण्यात आली. आगामी पावसाळी अधिवेशनाच्या कामकाजाचे नियोजन, कार्यक्रम आणि विविध विषयांबाबत सविस्तर चर्चा करण्यात आली. बैठकीत महाराष्ट्र राज्य विधिमंडळाचे पावसाळी अधिवेशन सोमवार, दि. २२ जून २०२६ ते शुक्रवार, दि. १० जुलै २०२६ या कालावधीत आयोजित करण्याचा निर्णय घेण्यात आला. राज्याच्या विकासाशी निगडित विविध विषय, लोकहिताचे प्रश्न तसेच जनतेच्या अपेक्षा आणि आकांक्षा विधिमंडळात प्रभावीपणे मांडल्या जाव्यात, या दृष्टीने अधिवेशनाचे नियोजन करण्यात आले आहे. लोकशाही प्रक्रिया अधिक सक्षम आणि प्रभावी करण्यासाठी विधायक चर्चा, धोरणात्मक निर्णय आणि जनहिताच्या विषयांवर सखोल विचारमंथन होणे आवश्यक आहे. या दृष्टीने आगामी पावसाळी अधिवेशन महत्त्वपूर्ण ठरेल, असा विश्वास यावेळी व्यक्त करण्यात आला. या बैठकीस माननीय मुख्यमंत्री श्री. देवेंद्रजी फडणवीस, माननीय उपमुख्यमंत्री श्री. एकनाथजी शिंदे, माननीय उपमुख्यमंत्री श्रीमती सुनेत्राताई पवार, माननीय संसदीय कार्यमंत्री श्री. चंद्रकांतदादा पाटील तसेच विधानपरिषद सदस्य सर्वश्री प्रवीण दरेकर, डॉ. नीलमताई गोऱ्हे, विक्रम काळे, सतेज पाटील, ॲड. अनिल परब, प्रसाद लाड, अशोक उर्फ भाई जगताप, हेमंत पाटील उपस्थित होते. यावेळी महाराष्ट्र विधानमंडळ सचिवालयाचे सचिव (३) डॉ. विलास आठवले आणि सचिव (४) श्री. शिवदर्शन साठ्ये हे देखील उपस्थित होते. #पावसाळीअधिवेशन२०२६ #MonsoonSession2026 #MaharashtraLegislature #ramshinde

📍 विधानभवन, मुंबई आगामी पावसाळी अधिवेशन २०२६ सुरळीत, सुरक्षित आणि सुयोग्य नियोजनबद्ध वातावरणात पार पडावे, यासाठी आज विधानभवन येथे आयोजित अधिवेशनपूर्व आढावा बैठकीत विविध विभागांच्या कामकाजाचा सविस्तर आढावा घेतला. अधिवेशन काळात माननीय सदस्य, अधिकारी, कर्मचारी, प्रसारमाध्यम प्रतिनिधी आणि अभ्यागत यांना अधिक चांगल्या सुविधा उपलब्ध करून देण्यासाठी सुरक्षा व्यवस्था, वाहनतळ नियोजन, वैद्यकीय सुविधा, उपहारगृह व्यवस्था, स्वच्छता, घनकचरा व्यवस्थापन, पाणीपुरवठा, दूरध्वनी व इंटरनेट सुविधा, रेल्वे आरक्षण तसेच आपत्कालीन व्यवस्थेचा सखोल आढावा घेण्यात आला. पावसाळ्याच्या पार्श्वभूमीवर सुरक्षित मंडप उभारणी, सुरक्षा कर्मचाऱ्यांसाठी आवश्यक सुविधा, स्वच्छ व सुसज्ज उपहारगृहे तसेच अखंडित आणि दर्जेदार सेवा उपलब्ध राहाव्यात यासाठी संबंधित विभागांना आवश्यक सूचना देण्यात आल्या. विधानभवन परिसरातील कामकाज अधिक शिस्तबद्ध आणि सुरळीत व्हावे यासाठी प्रवेश नियंत्रण अधिक सक्षम करण्याबरोबरच डिजिटल प्रवेश पास व्यवस्था प्रभावीपणे राबविण्याबाबतही निर्देश देण्यात आले. लोकशाहीच्या या महत्त्वपूर्ण प्रक्रियेत विधानमंडळाचे कामकाज प्रभावीपणे पार पडण्यासाठी सर्व विभागांनी परस्पर समन्वय, तत्परता आणि उत्तरदायित्वाची भावना ठेवून कार्य करणे आवश्यक आहे. सदस्य, अधिकारी, कर्मचारी आणि प्रसारमाध्यम प्रतिनिधी यांना सुरक्षित, सुलभ आणि सक्षम वातावरण उपलब्ध करून देणे ही आपली सामूहिक जबाबदारी आहे. सुयोग्य नियोजन, सक्षम व्यवस्थापन आणि उत्कृष्ट समन्वयाच्या बळावर पावसाळी अधिवेशन २०२६ आदर्श पद्धतीने पार पडेल, असा विश्वास यावेळी व्यक्त केला. या बैठकीस बृहन्मुंबई महानगरपालिकेच्या अतिरिक्त आयुक्त श्रीमती अश्विनी जोशी, महाराष्ट्र विधानमंडळ सचिवालयाचे सचिव-१ श्री. जितेंद्र भोळे, सचिव-२ श्रीमती मेघना तळेकर-इटकेलवार, सचिव-३ डॉ. विलास आठवले, सचिव-४ श्री. शिवदर्शन साठ्ये, सभापती कार्यालयाचे सचिव श्री. पंडित खेडकर, सार्वजनिक बांधकाम विभागाचे कार्यकारी अभियंता श्री. विद्याधर पाटसकर, सहसंचालक वैद्यकीय शिक्षण डॉ. विवेक पाखमोडे, वैद्यकीय अधीक्षक सर जे. जे. रुग्णालय डॉ. संजय सुरासे, अतिरिक्त पोलीस आयुक्त डॉ. प्रविण मुंडे, दक्षिण मुंबई पोलीस उपायुक्त श्री. हेमराजसिंह राजपूत, सह आयुक्त अन्न व नागरी पुरवठा श्री. महेश चौधरी, उपसंचालक आरोग्य सेवा डॉ. गोविंद चौधरी तसेच विविध विभागांचे वरिष्ठ अधिकारी उपस्थित होते. #MonsoonSession2026 #VidhanBhavan #MaharashtraLegislature #RamShinde #PublicService

अहिल्यानगर जिल्हाचे भूषण, ज्येष्ठ समाजसेवक, पद्मभूषण मा. श्री. अण्णासाहेब हजारे यांना वाढदिवसानिमित्त हार्दिक शुभेच्छा! ग्रामविकास, पारदर्शक प्रशासन, भ्रष्टाचारविरोधी जनजागृती आणि समाजहितासाठी केलेले त्यांचे कार्य प्रेरणादायी आहे. त्यांच्या निरोगी व दीर्घायुषी जीवनासाठी मनःपूर्वक शुभेच्छा! #AnnasahebHazare #PadmaBhushan #BirthdayWishes #SocialService

Today's News #धोंडेजेवण #सन्मानसोहळा #श्रीक्षेत्रचोंडी #RamShinde

गोरेगाव विधानसभा मतदारसंघाच्या भाजपा आमदार मा. सौ. विद्या ठाकूर यांना वाढदिवसाच्या मनःपूर्वक शुभेच्छा! जनसामान्यांच्या प्रश्नांप्रती असलेली त्यांची संवेदनशीलता आणि मतदारसंघाच्या सर्वांगीण विकासासाठी सुरू असलेले त्यांचे सातत्यपूर्ण कार्य प्रेरणादायी आहे. समाजहित आणि लोकसेवेप्रती असलेली त्यांची निष्ठा अशीच कायम राहो. ईश्वरचरणी त्यांना उत्तम आरोग्य, दीर्घायुष्य आणि पुढील वाटचालीसाठी भरभरून यश लाभो, ही सदिच्छा! #VidyaThakur #HappyBirthday #BJP #Goregaon #RamShinde

मल्लखांब हा केवळ क्रीडा प्रकार नसून आपल्या समृद्ध सांस्कृतिक परंपरेचा आणि शारीरिक सामर्थ्याचा जिवंत वारसा आहे. महाराष्ट्राच्या मातीत रुजलेली ही कला शरीरसौष्ठव, संतुलन, शिस्त आणि एकाग्रतेचा अद्भुत संगम घडवते. आज मल्लखांब जागतिक स्तरावर भारताची ओळख अधिक भक्कम करत आहे. नव्या पिढीने या पारंपरिक खेळाशी जोडले जावे, त्याचे संवर्धन व्हावे आणि आपल्या गौरवशाली क्रीडा परंपरेचा अभिमानाने वारसा पुढे न्यावा, हीच अपेक्षा. जागतिक मल्लखांब दिनानिमित्त सर्व मल्लखांबपटू, प्रशिक्षक आणि क्रीडाप्रेमींना मनःपूर्वक शुभेच्छा! #मल्लखांब #जागतिकमल्लखांबदिन #भारतीयक्रीडापरंपरा #RamShinde

मराठी साहित्य, समीक्षा आणि संशोधन क्षेत्रात मोलाचे योगदान देणाऱ्या ज्येष्ठ साहित्यिका, अभ्यासक आणि विचारवंत डॉ. सरोजिनी वैद्य यांना जयंतीनिमित्त विनम्र अभिवादन! मराठी भाषा व साहित्याच्या समृद्ध परंपरेचा अभ्यास करून नव्या पिढीसमोर वैचारिक वारसा उभा करणारे त्यांचे कार्य सदैव प्रेरणादायी राहील. #डॉसरोजिनीवैद्य #मराठीसाहित्य #साहित्यसेवा #समीक्षिका #RamShinde

राहता विधानसभा मतदारसंघाचे आमदार तथा महाराष्ट्र राज्याचे जलसंपदा मंत्री आणि अहिल्यानगर जिल्ह्याचे पालकमंत्री मा. श्री. राधाकृष्ण विखे पाटील यांना वाढदिवसाच्या मनःपूर्वक शुभेच्छा! जलव्यवस्थापन आणि जनकल्याणाच्या विविध उपक्रमांना त्यांनी दिलेली गती उल्लेखनीय आहे. लोकहिताला प्राधान्य देत विकासाभिमुख नेतृत्वाची त्यांनी निर्माण केलेली ओळख प्रेरणादायी आहे. त्यांना उत्तम आरोग्य, दीर्घायुष्य आणि निरंतर यश लाभो, ही ईश्वरचरणी प्रार्थना! #RadhakrishnaVikhePatil #पालकमंत्री #जलसंधारणमंत्री #BJP #RamShinde

📍 चोंडी, ता. जामखेड, जि. अहिल्यानगर पुण्यश्लोक अहिल्यादेवी होळकर यांच्या ३०१ व्या जयंतीनिमित्त व अधिक मासानिमित्त आयोजित धोंडेजेवण व लेक-जावई सन्मान सोहळा अतिशय उत्साहपूर्ण वातावरणात पार पडला. आज लेकी, जावई, माता-भगिनी, ज्येष्ठ नागरिक आणि ग्रामस्थ मोठ्या संख्येने या सोहळ्यासाठी एकत्र आले होते. लेक-जावयांचे स्वागत, सन्मान आणि आदरातिथ्य करताना माझ्यासह सर्व ग्रामस्थांचे मन आनंदाने भरून आले. आपल्या लेकींच्या स्वागतासाठी एकवटलेलं गाव आणि त्यांच्या चेहऱ्यावरील आनंद हा या सोहळ्याचा खरा पुरस्कार ठरला. समाजाची खरी श्रीमंती ही केवळ भौतिक प्रगतीत नसते, तर आपल्या माणसांविषयी असलेल्या जिव्हाळ्यात आणि एकमेकांसाठी जपलेल्या भावनांमध्ये असते. अशा परंपरा आपल्याला आपल्या मुळांची जाणीव करून देतात आणि पुढील पिढीपर्यंत आपल्या सांस्कृतिक मूल्यांचा वारसा पोहोचवतात. सुमारे ७०० लेक-जावयांचा शाही सन्मान आणि आदरातिथ्य करण्याचे भाग्य यंदा चोंडी नगरीला लाभले. आपल्या लेकींचे माहेरपण जपत त्यांच्यावरील प्रेम, सन्मान आणि आपुलकी व्यक्त करणारा हा सोहळा ग्रामस्थांच्या उत्स्फूर्त सहभागामुळे अविस्मरणीय ठरला. माणसांना माणसांशी जोडणारी ही परंपरा पुढील पिढ्यांसाठीही प्रेरणादायी राहो, हीच अपेक्षा. #धोंडेजेवण #लेकजावईसन्मान #chondi #AhilyadeviHolkar #RamShinde

📍 चोंडी, ता. जामखेड, जि. अहिल्यानगर प्रत्येकाच्या आयुष्यात एक कुटुंब असते… सुख-दुःखात खंबीरपणे पाठीशी उभे राहणारे, निस्वार्थ प्रेम करणारे आणि कितीही वादळे आली तरी साथ न सोडणारे. पण आयुष्याच्या धावपळीत कधी कधी आपण आपल्या माणसांपासून नकळत दूर जातो. अशा वेळी आपल्या परंपरा, सण आणि संस्कार पुन्हा एकदा मनांना जवळ आणण्याचे आणि नाती अधिक दृढ करण्याचे काम करतात. माझ्यासाठी कुटुंब म्हणजे केवळ चार भिंतींचे घर नव्हे… कुटुंब म्हणजे माझे गाव, कुटुंब म्हणजे माझे कर्जत-जामखेड, कुटुंब म्हणजे माझ्या वारशाशी नाळ जोडलेले अहिल्यानगर, कुटुंब म्हणजे आपला महाराष्ट्र आणि कुटुंब म्हणजेच आपले राष्ट्र. जिथे जिथे माझ्या या कुटुंबाला माझी गरज भासेल, तिथे तिथे मी सदैव त्यांच्या सेवेसाठी उभा राहीन, हीच माझी बांधिलकी आहे. पुण्यश्लोक अहिल्यादेवी होळकर यांच्या ३०१ व्या जयंतीनिमित्त आणि अधिक मासानिमित्त आयोजित धोंडेजेवण व लेक-जावई सन्मान सोहळ्याच्या निमित्ताने चोंडी नगरीत पारंपरिक वाद्यांच्या गजरात, ढोल-ताशांच्या निनादात, फुगडी आणि विविध सांस्कृतिक सादरीकरणांनी सजलेली भव्य स्वागत मिरवणूक उत्साहात पार पडली. मिरवणुकीनंतर गावच्या लेक-जावयांसमवेत श्री अहिल्येश्वराचे मनोभावे दर्शन घेतले. त्यानंतर पुण्यश्लोक अहिल्यादेवी होळकर यांच्या स्मारकास अभिवादन करून त्यांच्या कार्याला आणि विचारांना विनम्र अभिवादन केले. पुण्यश्लोक अहिल्यादेवींच्या पावन जन्मभूमीत माहेरवाशीण लेकी आणि जावयांचा सन्मान करण्याची अनेक वर्षांची परंपरा आजही तेवढ्याच प्रेमाने आणि जिव्हाळ्याने जपली जात आहे. लेक-जावयांचे स्वागत करत त्यांच्याप्रती कृतज्ञता, माया आणि आदर व्यक्त करण्याची संधी लाभली. या निमित्ताने लेक-जावई, त्यांचे कुटुंबीय आणि ग्रामस्थ मोठ्या संख्येने एकत्र आल्याचे पाहून विशेष समाधान वाटले. बदलत्या काळात नात्यांमधील संवाद आणि भेटीगाठी कमी होत असताना, अशा उपक्रमांच्या माध्यमातून आपुलकीचे बंध अधिक दृढ व्हावेत, माहेर आणि सासर यांच्यातील स्नेह अधिक बळकट व्हावा आणि कुटुंब व्यवस्थेची ही समृद्ध परंपरा पुढील पिढीपर्यंत पोहोचावी, हीच अपेक्षा आहे. नाती जपणारी परंपरा, संस्कार जपणारी संस्कृती आणि माणसांना माणसांशी जोडणारा हा स्नेहसोहळा पुढील अनेक पिढ्यांपर्यंत असाच फुलत राहो, हीच ईश्वरचरणी प्रार्थना! 🙏🚩 #अधिकमास #धोंडेजेवण #लेकजावईसन्मानसोहळा #चोंडी #AhilyadeviHolkar

रक्तदान हे केवळ दान नसून, एखाद्याला नवजीवन देण्याचे महान कार्य आहे. जागतिक रक्तदाता दिनानिमित्त सर्व नियमित रक्तदाते, रक्तदान शिबिरांचे आयोजक आणि रक्तपेढींमध्ये कार्यरत असणाऱ्या सर्वांचे मनःपूर्वक अभिनंदन व मानवी जीवनात महत्वपूर्ण योगदान देण्याच्या आपल्या कार्यास सलाम. चला, रक्तदानाचा संकल्प करूया, तो प्रत्यक्षात आणूया आणि गरजू रुग्णांच्या जीवनात आशेचा किरण बनूया. #WorldBloodDonorDay #जागतिक_रक्तदाता_दिन #BloodDonation #DonateBloodSaveLives #RamShinde

📍 नंदनवन लॉन्स, टिळक रोड, अहिल्यानगर अहिल्यानगर जिल्हा प्राथमिक शिक्षक पेन्शनर्स असोसिएशन आयोजित संकल्प मेळावा कार्यक्रमास उपस्थित राहून ज्येष्ठ पेन्शनर्स बंधू-भगिनींशी संवाद साधला. राज्य आणि समाजाच्या जडणघडणीत मोलाचे योगदान देणाऱ्या निवृत्त कर्मचाऱ्यांचा सन्मान राखणे ही आपली सामूहिक जबाबदारी आहे. आपल्या आयुष्यातील अनेक वर्षे प्रामाणिकपणे शासकीय सेवेसाठी समर्पित करणाऱ्या या ज्येष्ठांच्या अनुभवातून समाजाला आजही प्रेरणा आणि दिशा मिळत आहे. यावेळी पेन्शनधारकांच्या विविध समस्या, अपेक्षा आणि मागण्यांविषयी सविस्तर चर्चा झाली. पेन्शन, ग्रॅच्युइटी, वैद्यकीय सुविधा तसेच इतर प्रलंबित विषयांबाबत उपस्थितांनी मांडलेल्या मुद्द्यांची नोंद घेतली. ज्येष्ठ नागरिकांच्या प्रश्नांना न्याय मिळावा आणि त्यांच्या अडचणी सोडविण्यासाठी आवश्यक त्या स्तरावर पाठपुरावा करण्याबाबत सकारात्मक भूमिका व्यक्त केली. याप्रसंगी चोंडी येथील इयत्ता पहिली ते चौथीपर्यंतचे माझे शिक्षक आदरणीय श्री. जालंदर पवार गुरुजी यांच्या हस्ते माझा सन्मान करण्यात आला. आयुष्यात कितीही मोठी पदे, जबाबदाऱ्या आणि यश मिळाले तरी विद्यार्थ्याचा पहिला मान हा आपल्या गुरूंनाच असतो. बालपणी संस्कार, शिक्षण आणि जीवनमूल्यांची शिदोरी देणाऱ्या आपल्या शिक्षकांच्या हस्ते झालेला हा सत्कार माझ्यासाठी अत्यंत भावनिक, अविस्मरणीय आणि आयुष्यभर जपून ठेवण्यासारखा क्षण ठरला. याप्रसंगी पालकमंत्री श्री. राधाकृष्ण विखे पाटील, आमदार श्री. काशिनाथ दाते, आमदार श्री. विठ्ठलराव लंघे, अहिल्यानगर म.न.पा. चे उपमहापौर श्री. धनंजय जाधव, अतिरिक्त मुख्य कार्यकारी अधिकारी जि. प. अहिल्यानगर श्री. विजय मुळीक, उपमुख्य कार्यकारी अधिकारी श्री. राहुल शेळके, मुख्य लेखा व वित्त अधिकारी अहिल्यानगर श्री. शैलेश मोरे, श्री. वसंतराव सबनीस, श्री. अनंतराव पाटील, श्री. मधुकर साबळे, श्री. बाळासाहेब खैरनार, अध्यक्ष महेश्वर पतसंस्था श्री. दत्तात्रय गावडे, श्री. रमजान हवालदार आदी मान्यवर उपस्थित होते. ज्येष्ठ नागरिकांचे आयुष्य अधिक सन्मानाने, सुरक्षिततेने आणि समाधानाने व्यतीत व्हावे, हीच अपेक्षा. सर्व ज्येष्ठांना उत्तम आरोग्य, दीर्घायुष्य आणि निरामय जीवनासाठी शुभेच्छा! तसेच कार्यक्रमाच्या यशस्वी आयोजनाबद्दल अध्यक्ष श्री. द. मा. ठुबे गुरुजी, कार्याध्यक्ष श्री. रावसाहेब पवार, सरचिटणीस श्री. बन्सी उबाळे, श्री. विनायक कोल्हे गुरुजी तसेच असोसिएशनच्या सर्व पदाधिकाऱ्यांचे मनःपूर्वक अभिनंदन. #संकल्पमेळावा #PensionersAssociation #SeniorCitizens #PensionersMeet #ramshinde

📍लोणी मसदपूर, ता. कर्जत जि. अहिल्यानगर मायबापे केवळ काशी । तेणे न वजावे तीर्थासी ॥ (संत तुकाराम महाराज) झगडे परिवारातील समाई आई यांच्या ८५ व्या अभिष्टचिंतन सोहळ्यास उपस्थित राहून त्यांना शुभेच्छा दिल्या. आयुष्यभर संघर्ष, कष्ट आणि त्यागाची वाट चालत समाई आई यांनी आपल्या कुटुंबाला संस्कारांची आणि एकोप्याची मजबूत शिदोरी दिली. प्रतिकूल परिस्थितीशी खंबीरपणे सामना करत त्यांनी केवळ आपले कुटुंब घडविले नाही, तर पुढील पिढ्यांसाठी आदर्श निर्माण केला. त्यांच्या अथक परिश्रम, मायेचा स्पर्श आणि कुटुंब एकत्र ठेवण्याच्या वृत्तीमुळे आज झगडे परिवार वटवृक्षाप्रमाणे विस्तारला असून समाजात एक आदर्श कुटुंब म्हणून ओळखला जातो. समाई आई यांच्या जीवनप्रवासाचा गौरव करण्यासाठी झगडे परिवाराने आयोजित केलेला हा अभिष्टचिंतन सोहळा अत्यंत भावनिक आणि प्रेरणादायी आहे. कुटुंबातील प्रत्येक सदस्याच्या चेहऱ्यावर दिसणारा आदर, प्रेम आणि आपुलकी हीच समाई आई यांच्या आयुष्यभराच्या कष्टांची खरी कमाई असल्याची भावना यावेळी प्रकर्षाने जाणवली. या प्रसंगी ह.भ.प. प्रकाश महाराज दंडे यांच्या कीर्तन सेवेचे आयोजन करण्यात आले होते. त्यांच्या कीर्तनातून अध्यात्म, संस्कार आणि जीवनमूल्यांचा संदेश मिळाला. त्यामुळे कार्यक्रमाला भक्तिमय आणि उत्साहपूर्ण वातावरण लाभले. समाई आई यांना उत्तम आरोग्य, निरामय दीर्घायुष्य आणि अखंड आनंद लाभो, हीच ईश्वरचरणी प्रार्थना. #SamaiAai #AbhishtachintanSohala #Lonimasadpur #Karjat #RamShinde

'अभिनव भारत' संघटनेचे संस्थापक आणि थोर राष्ट्रभक्त क्रांतिवीर बाबाराव सावरकर यांना जयंतीनिमित्त विनम्र अभिवादन! स्वातंत्र्यलढ्यातील त्यांचा त्याग, संघर्ष आणि त्यांनी पेटवलेली राष्ट्रनिष्ठेची अखंड ज्योत भारतीय युवकांना देशसेवेची प्रेरणा देत राहील. त्यांच्या विचारांचा वारसा राष्ट्रप्रेम आणि स्वाभिमानाची भावना अधिक दृढ करणारा आहे. #क्रांतिवीरबाबारावसावरकर #बाबारावसावरकर #GaneshDamodarSavarkar #RamShinde

महाराष्ट्राचे थोर व्यक्तिमत्त्व, महान साहित्यिक आणि परखड पत्रकार प्रल्हाद केशव अत्रे उर्फ आचार्य अत्रे यांना पुण्यतिथीनिमित्त भावपूर्ण आदरांजली..! आपल्या अष्टपैलू लेखनाने, वक्तृत्वाने आणि पत्रकारितेने त्यांनी मराठी साहित्य विश्वाला समृद्ध केले. त्यांचे विचार आणि कार्य महाराष्ट्रासाठी कायमच प्रेरणादायी राहील. #आचार्यअत्रे #AcharyaAtre #मराठीसाहित्य #PralhadKeshavAtre #RamShinde

उत्तर मुंबई मतदारसंघाचे खासदार, केंद्रीय वाणिज्य आणि उद्योग मंत्री मा. श्री. पीयूषजी गोयल यांना वाढदिवसाच्या मनःपूर्वक शुभेच्छा! दूरदृष्टी, कार्यक्षम नेतृत्व आणि राष्ट्रहिताची अखंड बांधिलकी यांमुळे त्यांनी देशाच्या आर्थिक प्रगतीला नवी दिशा दिली आहे. आपणास निरोगी, दीर्घायुषी आणि यशस्वी जीवन लाभो तसेच आपल्या हातून देशसेवेचे कार्य अधिकाधिक वाढत राहो हिच ईश्वर चरणी पार्थना! @PiyushGoyal #PiyushGoyal #UnionMinister #HappyBirthDay #BJP #RamShinde

चोंडी नगरीतील लाडक्या लेक-जावयांचा धोंडेजेवण व सन्मान सोहळा हा केवळ एक कार्यक्रम नसून लेक आणि जावई यांच्याप्रती असलेली कृतज्ञता, प्रेम, जिव्हाळा आणि सन्मान व्यक्त करणाऱ्या आपल्या समृद्ध संस्कृतीचा आणि परंपरेचा एक आगळावेगळा उत्सव आहे. लोकमाता पुण्यश्लोक अहिल्यादेवी होळकर यांच्या पावन जन्मभूमीत आयोजित या स्नेहसोहळ्यात सहभागी होऊन आपल्या संस्कारांचा, नात्यांचा आणि परंपरेचा हा सुंदर उत्सव अनुभवावा, ही नम्र विनंती. 🗓️ रविवार, दि. १४ जून २०२६ 📍 चोंडी, ता. जामखेड, जि. अहिल्यानगर ⛳️ वेळ : सकाळी ९:०० वाजता आपली उपस्थिती हीच या सोहळ्याची खरी शोभा ठरेल. #चोंडी #अहिल्यादेवीहोळकर #धोंडेजेवण #लेकींचासन्मान

महाराष्ट्राचे लाडके व्यक्तिमत्त्व, ज्यांनी आपल्या लेखणीने आणि अष्टपैलू कलेने पिढ्यानपिढ्या मराठी माणसाच्या चेहऱ्यावर हसू फुलवले, अशा 'साहित्यसम्राट' पु. ल. देशपांडे यांना पुण्यतिथीनिमित्त भावपूर्ण आदरांजली! त्यांच्या साहित्यातील प्रत्येक पात्राने आपल्याला जगायला शिकवले, रोजच्या विवंचना विसरायला लावून हसण्याचा आनंद लुटायला शिकवले आणि माणसावर प्रेम करायला शिकवले. भाईंचे विचार आणि त्यांचे अजरामर साहित्य नेहमीच आपल्या मनात जिवंत राहील. #पुलदेशपांडे #साहित्यसम्राट #बटाट्याची_चाळ #व्यक्ति_आणि_वल्ली #RamShinde

जम्मू-काश्मीरमधील उरी सेक्टर येथे देशसेवेचे कर्तव्य बजावत असताना कोल्हापूर जिल्ह्यातील शाहूवाडी तालुक्यातील गोंडोली गावचे सुपुत्र, भारतीय सैन्य दलातील जवान विक्रम बाळकृष्ण चव्हाण आणि सातारा जिल्ह्यातील कराड तालुक्यातील शहापूर येथील जवान अर्जुन रामचंद्र जाधव यांना वीरमरण आले, ही अत्यंत दुःखद घटना आहे. मातृभूमीच्या रक्षणासाठी आपल्या प्राणांची आहुती देणाऱ्या या शूर जवानांचे शौर्य, कर्तव्यनिष्ठा आणि राष्ट्रसेवेचा आदर्श भावी पिढ्यांना कायम प्रेरणा देत राहील. ईश्वर त्यांच्या आत्म्यास चिरशांती देवो आणि त्यांच्या परिवाराला या कठीण प्रसंगातून सावरण्याचे बळ देवो, हीच प्रार्थना. देशासाठी सर्वोच्च बलिदान देणाऱ्या दोन्ही वीर पुत्रांना भावपूर्ण श्रद्धांजली! #VikramChavhan #ArjunJadhav #IndianArmy #ShahidJawan #RamShinde

मराठी साहित्यविश्वाला समृद्ध करणारे, समाजातील वंचित आणि दुर्बल घटकांविषयी अपार संवेदना बाळगणारे साने गुरुजी यांना पुण्यतिथीनिमित्त भावपूर्ण आदरांजली! आदरणीय साने गुरुजी यांनी आपल्या लेखनातून आणि कार्यातून मानवतेचा संदेश दिला. प्रेम, करुणा, बंधुभाव आणि सामाजिक समतेची मूल्ये रुजविण्यासाठी त्यांनी केलेले कार्य आजही समाजाला दिशा देणारे आहे. त्यांच्या विचारांचा वारसा नव्या पिढीपर्यंत पोहोचवत राहणे, हीच त्यांना खरी आदरांजली ठरेल. #SaneGuruji #ShyamchiAai #Inspiration #RamShinde