وزیراعلیٰ پنجاب محترمہ مریم نواز شریف کی ہدایت پر بیوٹیفیکیشن آف سٹی پلان کے تحت وہاڑی شہر کے تجارتی مراکز کو نئی اور دلکش شناخت دی جا رہی ہے۔ مرکزی بازاروں میں دکانوں کے سائن بورڈز کو یکساں ڈیزائن اور خوبصورت پینٹ کے ساتھ جدید انداز میں اپ گریڈ کیا جا رہا ہے، جس سے نہ صرف شہری منظرنامہ مزید حسین اور منظم ہو رہا ہے بلکہ شہر کی رونقیں بھی بحال ہو رہی ہیں۔

وزیرِاعلیٰ پنجاب محترمہ مریم نواز شریف کی ہدایات اور اُن کے ویژن کے تحت لیہ کے احمد علی اسٹیڈیم، فتح پور کو جدید کھیلوں اور تفریحی مرکز میں تبدیل کر دیا گیا ہے۔ اس اپگریڈیشن کے تحت واکنگ ٹریک، جدید پویلین، سرسبز لانز اور نوجوانوں کے لیے معیاری و جدید سہولیات فراہم کی گئی ہیں، جس سے یہ اسٹیڈیم اب ایک مکمل اسپورٹس اور ری کریئشن ہب کی حیثیت اختیار کر چکا ہے۔

وزیراعلیٰ پنجاب محترمہ مریم نواز شریف کی ہدایت پر محرم الحرام سے قبل صوبہ بھر میں صفائی ستھرائی کے فول پروف انتظامات کا آغاز کر دیا گیا ہے، جس کے تحت ضلعی انتظامیہ اور ویسٹ مینجمنٹ کمپنیاں امام بارگاہوں، عزاداری کے روٹس اور حساس مقامات کی مسلسل صفائی، دھلائی، چونا چھڑکاؤ اور کچرے کی فوری منتقلی کے عمل میں 24 گھنٹے مصروف عمل ہیں تاکہ عزاداران کو صاف اور محفوظ ماحول فراہم کیا جا سکے۔

وزیرِاعلیٰ پنجاب محترمہ مریم نواز شریف کی ہدایت پر لاہور کے مختلف علاقوں میں پختہ گلیوں، جدید ڈرینج سسٹم اور ٹف ٹائلز کی تنصیب کے منصوبے تیزی سے مکمل کیے جا رہے ہیں۔ لاہور ڈویلپمنٹ پلان کے تحت اکھڑے راستوں کی تعمیرِ نو سے شہری علاقوں کا انفراسٹرکچر بہتر ہوا ہے اور رہائشی ماحول میں نمایاں بہتری آئی ہے۔ مریم نواز شریف کا وژن عوام کو معیاری بنیادی سہولیات کی بلاتعطل فراہمی اور بہتر طرزِ زندگی کی جانب ایک مؤثر پیش رفت ثابت ہو رہا ہے۔

وزیرِاعلیٰ پنجاب محترمہ مریم نواز شریف کے وژن اور ہدایات کے تحت لاہور ڈیولپمنٹ اتھارٹی نے گنجان آباد علاقوں میں موجود متروکہ جگہوں کو جدید اسپورٹس پارکس میں تبدیل کر دیا ہے۔ ان پارکس میں بین الاقوامی معیار کے باسکٹ بال اور بیڈمنٹن کورٹس، فلڈ لائٹس اور سرسبز گرین بیلٹس قائم کی گئی ہیں، جس سے شہریوں خصوصاً نوجوانوں کو صحت مند سرگرمیوں، کھیلوں کے فروغ اور معیاری تفریحی ماحول کی بہترین سہولیات میسر آ رہی ہیں۔

وزیرِاعلیٰ پنجاب محترمہ مریم نواز شریف کے ماحول دوست پنجاب کے وژن کے تحت ایک اور تاریخی سنگِ میل عبور کر لیا گیا۔ پاکستان کا پہلا EPA تصدیق شدہ "لیکوئڈ ٹری" فیصل آباد سے لاہور پہنچ رہا ہے جو مصنوعی درخت کی صورت میں کاربن ڈائی آکسائیڈ (CO₂) جذب کرے گا۔ اس انقلابی منصوبے کے لیے کراچی سے خیبر تک 100 سے زائد اقسام کی مائیکرو الگی جمع کی گئیں اور 7 ماہ تک ان کی کاربن سیکویسٹریشن صلاحیت کا تفصیلی جائزہ لیا گیا۔ سب سے مؤثر الگی سکھر، سندھ سے حاصل ہوئی جس کے بیج GC یونیورسٹی فیصل آباد کے تعاون سے وہیں کاشت کیے گئے۔ وزیراعلیٰ مریم نواز شریف کے مطابق لیکوئڈ ٹری کا کامیاب تجربہ ماحولیاتی تحفظ اور فضائی آلودگی میں کمی کے لیے ایک بڑی پیش رفت ثابت ہوگا۔

وزیراعلیٰ پنجاب محترمہ مریم نواز شریف کے ویژن کے تحت لاہور ڈیولپمنٹ پلان تیزی سے شہر کا نقشہ بدل رہا ہے۔ برسوں سے نظرانداز گلیوں اور محلوں کی پختہ تعمیر، نکاسیٔ آب کے نظام کی بہتری اور صفائی کے دیرینہ مسائل کو ہنگامی بنیادوں پر حل کیا جا رہا ہے۔ بنیادی انفراسٹرکچر کی بحالی سے شہریوں کو بہتر سہولیات میسر آ رہی ہیں، جبکہ صاف، ستھرا اور صحت مند ماحول فروغ پا رہا ہے۔ ترقی کا یہ سفر بلاامتیاز ہر علاقے تک پہنچایا جا رہا ہے تاکہ ہر شہری جدید، محفوظ اور باوقار رہائشی ماحول سے مستفید ہو سکے۔

عالمی سطح پر پنجاب کے انقلابی ہاؤسنگ پروگرام "اپنی چھت، اپنا گھر" نے ورلڈ اربن فورم، باکو میں بھرپور توجہ حاصل کی۔ پنجاب پاکستان پویلین پر دنیا بھر سے آئے ہاؤسنگ ماہرین، طلبہ اور بین الاقوامی وفود نے اس تاریخی بلاسود مارگیج پروگرام میں گہری دلچسپی کا اظہار کیا۔ پراجیکٹ ڈائریکٹر خواجہ محمد سکندر ذیشان کی قیادت میں ٹیم نے جدید ہاؤسنگ ماڈلز اور پائیدار شہری ترقی کے وژن کو مؤثر انداز میں پیش کیا، جبکہ عالمی مندوبین اور آذربائیجان کے روایتی لباس میں ملبوس مہمانوں نے بھی اس منفرد اور انقلابی کاوش کو بھرپور سراہا، جو وزیرِاعلیٰ پنجاب محترمہ مریم نواز شریف کے عوام دوست اور ترقیاتی وژن کی واضح عکاسی ہے۔