مشكلة توصلني بشكل متكرر، وبقولكم سببها وحلها. يا يزن شغلت البي سي لكن ما طلعت لي صورة، والبورد معلقة على لمبة حمرا، وش السبب؟ وقبل ما ندخل بالمشكلة خلونا نعرف الفرق بين اللمبات الحمرا، جنب كل لمبة بتحصل كلمات صغيرة وعددها 4 ، CPU, DRAM, VGA, BOOT. اذا اللمبة كانت عند واحد من هذول شيك على الي تحت 👇🏻. 🔴 CPU ، غالباً بتكون المشكلة من المعالج او البايوس اذا عدلت فيه. 🔴 DRAM ، شيك على الرامات ، مرات تجي بسبب بروفايل EXPO , XMP. 🔴 VGA , تاكد من تركيبك للكرت او كيبل الكرت بشكل صحيح. 🔴 BOOT , هذي خاصة بالنظام شيك على التخزين والنظام. أول سؤال أسأله للشخص بيتكم فيه تأريض؟ وأغلب اللي جوني وعندهم هذي المشكلة كان جوابهم لا، البيت ما فيه تأريض أو أرضي. مشاكل كثيرة في البي سي يكون سببها الكهرباء أو عدم استقرارها "وعدم وجود تأريض ‼️ "، ومشاكل الكهرباء ممكن تولع لك اي لمبة من الي فوق 👆🏻. حل مشكلة الجهاز إذا علق على اللمبة الحمرا: لازم تفرغ الشحنات الكهربائية كذا 👇🏻 1- طف الباور من الخلف وخله على 0. 2- اضغط زر التشغيل لمدة 10 إلى 30 ثانية. 3- شغل الجهاز من جديد. وإن شاء الله يشتغل مباشرة. إذا ما اشتغل: فك الرامات وركبها من جديد. جرب المنافذ الثانية. أو شغل الجهاز على قطعة رام وحدة.

السلام عليكم ورحمة الله وبركاته، حسابي الي تحت بيكون الاحتياطي 😍.

السلام عليكم ورحمة الله وبركاته، صباح الخير، حسابي الاساسي تعطل او تبند لاني قاصر. وهذا بيكون حسابي الثاني في حال ما رجع هذاك 🦦. وبرجع انزل الشروحات والاشياء المهمة الي كنت منزلها.