Махны үнийн бодлого ярьж байх хооронд зун ч боллоо, хүмүүс шинэ шөлний юм бодоод ирэхээр хямдарч эхлэнэ дээ, удахгүй тэгээд наадамлана даа бүгдээрээ.

Нийслэлийн мега төслүүдийн талаар нээлттэй сонсгол Даваа, Мягмар гарагт болно. Асуулт, санал байвал хуваалцаарай. Хөтөлбөрийг хавсаргав.

#ХиймэлДагуул төслийг илүү орчин үеийн, чадал сайтай, боломжийн үнэтэй хувилбаруудыг харьцуулж судалсны дараа сонголт хийх агуулгатай УИХ-ын тогтоол батлагдав. Санал дүгнэлт боловсруулсан УИХ-ын Ажлын хэсэг: Ч.Анар, Ж.Баярмаа, Ж.Золжаргал, Д.Пүрэвдаваа, Л.Соронзонболд. 2026.06.12

Товчдоо, хиймэл дагуултай болно гэж баярлаад ямар техник, хэдэн төгрөгөөр авах гэж байгаа талаараа орхигдуулчихсан юм билээ. Тэгээд олон жил өнгөрөхөд үнэ, чадал, нөхцөл нь ашигтай биш болсон байна. Иймд техникийн даалгавараа ахиж боловсруулаад харьцуулж байж сонголт хийх агуулгаар Ажлын хэсэг дүгнэлт гаргаж УИХ тогтоолын төслийг дэмжсэн. Зөвхөн улстөрийн манлайлалд тулгуурлаж төсөл хэрэгжүүлж болохгүй.

Ашигт малтмалын хуулийн талаар. Яагаад энэ хууль дахь заалтууд “Монголд битгий хөрөнгө оруул” гэсэн мэт агуулгатай байгаа талаар.

Эвтэйхэн хүснэгт байна.

Оюутолгойгоос ногдол ашиг хүртэж эхлэх, Рио тинтогийн дамжуулан зээлдүүлдэгийг болиулах, менежментэд оролцдог болох хэлэлцээрийг Засгийн газар хийх хэрэгтэй. Үүнийг хийхэд Ашигт малтмалын хуулийн төсөлд тусгасан нөөцийн төлбөрийн өөрчлөлт нөлөөлөхгүй гэж үзэж байна. Шаардлагагүй зүйлсийг эсрэг аргумент болгомооргүй байна. Тайлбарлав.

Ж.Золжаргал: Г.Дамдинням гишүүн ашигт малтмалын хуулиа эргүүлээд татчихвал яасан юм? Г.Дамдинням: Би тэнэг тулдаа л энэ хуулийг оруулж ирсэн. Дуусдаггүй яриаг дуусгамаар байна

#ӨНӨӨДӨР бүртгүүлээрэй, Нийслэлийн төслүүдийн Сонсголд оролцох бол sonsgol@parliament.mn руу имэйл бичиж ургийн овог, овог, нэр, РД, гэрийн хаяг, имэйл, утсаа илгээж бүртгүүлээрэй. Та бичгээр санал өгөх, үг хэлэх, мэдээ баримт хуваалцах бол тэр тухайгаа имэйлээр бичээрэй. УИХ-ын ерөнхий хяналтын сонсгол 2026.06.15-16 Даваа, Мягмар гарагт Төрийн ордонд болно.

Монгол зэсийн том тоглогч байх өгөгдөлтэй. Энэ боломжоосоо өндөр АМНАТ ба 34%-ийн хязгаарлалтаар өөрсдөө татгалздаг. Үүнийг засах нь Онтрэтэй хэлэлцээр хийхэд саад болно гэж бодохгүй байна. АМНАТ-аа ч шийд, Онтрэг ч шийд, хоорондоо эсэргэцэх асуудал биш. ОТ дөнгөж 5% АМНАТ төлдөг шиг онцгой хөнгөлөлт үзүүлж болохгүй. Үүний оронд суурь 5%, үнээс хамаарсан нэмэлт 5% буюу нийт 10% гээд олон улсын жишгээр бүх төслүүдэд адилхан явахад болно. ЗГ хувь эзэмшихгүй гэвэл энэ 10% дээр тусгай амнат нэмэгдэнэ, гэхдээ эзэмшээд менежментэд оролцоод явах нь дээр биз. Тэртэй тэргүй дэлхийд байхгүй өндөр АМНАТ Онтрэгээс авна гэдэг худлаа, зүгээр нэг талдаа хэт давраасан онцгой хөнгөлөлт өгөхгүй, эсвэл хэт их юм шаардаж шуналтахгүй тэгш шударга нөхцлөөр л хамтраад явмаар байгаа юм. Дашрамд хэлэхэд Рио тинто хатрагчиддаа өндөр хүүгээр дамжуулан зээлдүүлдэг нь зохимжгүй, бас менежментэд Монголын тал “харж суух байдлаар” биш техник, санхүүгийн бүх шийдвэрт шууд бөгөөд хамтарч оролцдог байх өөрчлөлтийг менежментийн гэрээнд хийх шаардлагатай. Онтрэгийн хувьд Рио Тинтотой хэлэлцээр хийгээд л Монголын газрын хэвлийн баялгийг хоорондоо давхар роялти төлөөд арилжих юм ярьж байгааг зөвшөөрч болохгүй! Энэ талбайг яаж ашиглахыг Засгийн газартай хэлэлцээр хийж, гэрээ байгуулж УИХ-аар шийднэ. Ашиг малтмалын хууль өргөн барьсантай холбоотой хоёр тал болж маргалдаад, нэг нь АМНАТ бууруулаад Онтрэд давуу байдал олгох гээд байгаа гэж, нөгөө нь барууны хөрөнгө оруулалтад саад болох гээд байгаа юм шиг хоёр хувааж хагалахад оролцох хэрэггүй. Зэсийн төслүүдийг дэмжихдээ хэн нэгэнд онцгой хөнгөлөлт өгөхгүй шударга л явчихмаар байна. Тэгэхгүй бол дахиад л тоглоом болох нь! Ж.Золжаргал

Ашигт малтмалын хуулийн нэмэлт өөрчлөлтөд “зэсийн амнат”-ыг хөндөхгүй байхаар МАН бүлэг тогтсон юм бол хуулийн төслийг зүгээр буцаах санал гаргана. Өөр дорвитой өөрчлөлт байхгүй байна лээ, баяжуулах үйлдвэр барихад, бас маркшейдер хэмжилт хийхэд “тусгай зөвшөөрөл” шаардаж төвөг удах гэх мэт санаанууд орсон байсан.

Бөөөмбөг 😁 10-р хорооллын Эрдмийн өргөө сургуулийн хүүхдүүдтэй заал авсан 🏀

Өнгөрсөн үеийн улстөр, соёлын хэлмэгдүүлэлтийн түүхийг шинжлэх ухаанчаар судалж, ирээдүй хойчид анхаарч явах нь чухал билээ. Өнгөрсөн долоо хоногт Монгол Улсын Цагаатгалын улсын комисс, Бүгд найрамдах Польш улсын Үндэсний ой санамжийн хүрээлэнтэй хамтарч ажиллах баримт бичигт гарын үсэг зурсан. Парламентын найрамдлын бүлгийг төлөөлж байлцав.

Дотроосоо баярлаж гэрэлтэж байгаа хөөрхөн багш, шавь нарын баярыг хуваалцаж зочлов. Баянгол дүүргийн 10-р хорооллын “Шинэ давалгаа”каратэгийн клубын 10 жилийн ой.

Бүгд найрамдах Польш улсын Гадаад харилцааны яамны Төрийн нарийн бичгийн дарга Владисуав Теофил Бартошевский тэргүүтэй албан хүмүүсийг Улсын их хурал дахь Монгол-Польшийн парламентын бүлгийг төлөөлөн Д.Ганмаа, Б.Жаргалан гишүүдийн хамт хүлээн авч уулзлаа. Төлөөлөгчид Улаанбаатарын яриа хэлэлцээрт оролцож, хоёр улсын хамтын ажиллагааны хүрээнд Гадаад харилцаа, Орон сууц, барилга хот байгуулалт, Аж үйлдвэр, эрдэс баялгийн яамны удирдлагуудтай уулзсан.

Нийслэлийн төсвийн зарцуулалт, хөрөнгө оруулалтын төслүүдийн Сонсголд оролцох, санал өгөх, мэдээ баримт хуваалцах бол иргэн Та sonsgol@parliament.mn хандаарай. Овог, нэр, РД. Ерөнхий хяналтын сонсгол 2026.06.15-16 өдрүүдэд Төрийн ордонд болно.

SONSGOL@parliament.mn Нийслэлийн төсвийн хөрөнгө оруулалтын төслүүдийн Сонсголд оролцох, санал өгөх, мэдээ баримт хуваалцах бол иргэн Та sonsgol@parliament.mn хандаарай. Овог, нэр, РД. Ерөнхий хяналтын сонсгол 2026.06.15-16 өдрүүдэд Төрийн ордонд болно.