مسّاكم / صبّحكم الله بالخير تفضلوا بويتات يمكن تجوز لكم 💐 ليلة البارحه عيّت تمر بسلام مرّني ليل جعله ما يمر الصديق بين سجع البيوت وبين سجع الحمام تهت وشلون احصل في طريقي طريق كن مالله خلق في الارض غير الظلام وكن مالي حبيب وكن مالي رفيق اتعكز على اخر ما بقى من حطام وحلمي القشه اللي في يدين الغريق ياوجودي على الضحكه وحلو المنام مثل وجد الشقيق اللي فقد له شقيق فاقد بعد اخوه الحب والاهتمام ان تذكّر بكى وليا تناسى يضيق علموني طريق الانس والانسجام واخذو اللي تبون ورجعوني طليق احسد اللي يقول الوضع كله تمام ماتجرع من الضيقه زفير وشهيق والا انا لو بغيت الضحك والابتسام هبّت الذكريات وهب جرحٍ عميق البدايه نهايه .. والنهايه حرام والدوافع تلاشت والمراره رحيق #بوح_آخر_الليل #بوح #محترف

على علاجك يا صديقي كم صرفت انشهد انه من علاج الطيبين ان ادري ان القصد غيري لو غرفت من القدر ابو حلق لي طاستين

#العام_الهجري_الجديد_١٤٤٨ انا من العالم وكثرتهم قرفت وبلشت بالصاحين قبل الضايعين كل عام وأنت بخير يا اجمل من عرفت ماني مهنّي غير مبسمك الحزين 😁😁😁 @MM88MMX #محترف

انا اقول البلا في مخمخه ماهوب فالجوال علومك من قديم الوقت طابخها وشاويها يقولون العرب بالطّق يمكن تكسر الاقفال وهذي كلمةٍ من مبطي العربان توحيها #محترف

@aaa_otb_ خلووووووها يابو مشعل تراني من ثلاث ايام ماش ارسال وامر بحاجة تعرف وانا ماني مسميها يقولون العرب بالحك يظهر معدن الرجال وانا اقول السوالف ما تبيض وجهه راعيها #مخمخه

للعاصمة والعاصمة حبّها غير احبّها من حب زولٍ سكنها توكلنا على الله … الى الرياض

كوب قهوتي الليله برعاية هالابيات الفاخره :- #يقول والله ياعطرك اللي من (كرستيان ديور) إني ما شميت مثله في حياتي عطر يا أم الحضور المهيب اللي يسمى حضور الزين جايك من أمك، ومن أبوك السطر اللي لها عنق ريم وعندها عيون حور صرتي عليها ليا جيتي علامة خطر انتي بدايات أمل وانتي حقيقة شعور وأنتي بداية جمل وأنتي نهاية سطر وأنتي جمالك تحكم في زمام الأمور ويحق لك يوم تمشين بغرور وبطر معك السوالف حكاية ثانية للعطور وتزين فيك القصايد بين بيت وشطر .. للمبدع / @aaa_otb_

للكلمات حياةً أخرى بعد كتابتها، فهي لا تكتمل عند انتهاء كتابتها بل حين تجد قارئًا يلامس جوهرها ويمنحها من اهتمامه ما ينقلها لفضاءات اكثر رحابة... كل الشكر لك يا شاهه فقد منحتِ الكلمات من جمال تقديرك ما يفوق جمال صياغتها 💐💐

❓ مرّني لاتاه دربك من زحام الحياة الغلا اللي رحت منه على حطت يدك 💬 الله الله ... صح لسانك #tellonym tellonym.me/mhtrf.hi/answer/…

يا مخمخه لا تلتفت في البنيّات اللي تسلّك للرياجيل تسليك قد قلت لك قدامها عشر مرّات لا تبسط الفرشات على السراميك 😜 #محترف

@aaa_otb_ يا محترف خابرك راعي حراكات اليا لقيت الزين علم بناخيك انا من البارح اطيح بمطبات ادور ام البيض واطيح فالديك 🤣 #مخمخه

نحتاج من يحنو على ارواحنا ما كل روحٍ عن اساها تُفصحُ رفقاً بنا يا وقت إن لم تنتبه لم يبقَ شئٌ في الحنايا يُجرحُ منقول

صح لسان المحترف 👏🏿 شهادتنا فيه مجروحه وصح ذوقك واختيارك تراك 👏🏿👌🏿

@Grhe1444 من ثمين الكلام اللي يبيّن صحيحه جيت برسالةً فيها صدى الصوت عالي يا ملك كيف ما حصلت بكرٍ منيحه وانت راعي نظر والسوق ماهوب غالي #محترف

مساء السعادة والاستجمام مع ابيات الغالي محترف قرأتها وكأنها من بنات افكاري اترككم معها يقول محترف : عليك السلام اللي يسافر مع الانسام ياوجه عليه احلام دنياي مرهونه سلام المحب الهايم العاشق المنضام ماهو بالسلام اللي يقال ويردونه من العاشق اللي يلبس الحب لبس احرام يقدّس شعور الحب تقديس ويصونه ماخذتي مشاعر بس اخذتي بشكل عام عتيبيٍّ اصوك راس ربعه يحبونه #محترف

انا رفيق اللي يحب النواميس ماني رفيق اللي يفشل رفيقه . اذود عنه بجاه وارخص له الكيس و ازيح عنه من الكدر كل ضيقه . #هذال_العتيبي

الله علييييييكم وعلى الرسائل المشفّرة مبدعين ،، وشهادة حق تسحقونها وبكل جدارة ،، سلاسة طرح ولغة تفاهل عجيبة ماشاء الله تبارك الله 🌷💐❤️

لا والله الا شغل و جهاد وعلوم لا تسمع الكذّاب لازان علمه وانا بشر واخطي ولانيب معصوم لكن عتيبيٍّ يعوّد لـ سلمه #محترف

@aaa_otb_ يا صاحبي يا محترف حولك يحوم شكة ماهوب اللي يجي بعد نقمه اما انك اللي من هل الشك مضلوم ولا انك اللي طايح اله في نعمه #مخمخه

يابو تركي نجيب حلول والا ما نجيب حلول تبا تبلش بهاذيّه قبل تعجبك هاذيّه ليا طبيت في الميدان يالفنان سجّل قول لاجل يرضى عليك مدربك لو كان نفسيه #محترف

لا تكشخين ولا تحطين مكياج حتى ولو قالوا ترى بكره العيد انتي كذا خلقه من الله ما يحتاج شيخة جمال وذوق ياشيخة الغيد مجدولك اللي من على غرّتك تاج وجيدك ما خلًا للمزايين من جيد حطيتي الحلوات في موقف احراج راحن ضحايا كلّهن دون تحديد أنتي دليل إن البدو عندها انتاج ماهو بـشرط انتاج حشو و مفاريد #عيد_الأضحى_المبارك #عيد_الأضحى #كل_عام_وأنتم_بخير #محترف