مشاركتي المتأهلة بقرار اللجنة قصيدة إلى علي اخوي

نسايم شعور تقصّر الليل لا من طال متى ماتهب تحرّر قيود قيفاني لاجاد الزمان بقلّ حيلة وضيقة بال من المستحيل اسلّم الامر لاحزاني اوقّف على احلامي ما اوقّف على الاطلال واسوق البشاير لو همومي تحدّاني نديمة قصيدي حبّك بخاطري لا زال يليته بشر يقدر يعاتب وينساني كتبتك قصيدٍ في زحام الشعر يختال مع ان صوتك اليا مرّ فالبال بكّاني على شانك بيوت القصايد تصير جزال انا اكذب عليك ان قلت كلّه على شاني خيالي على طاريك يقدر يصير خيال كثر ما يبلّ الناس وبله تبلّاني شقاي وتعب ساقي من الحلّ والترحال ما تسوى دقايق هجر من عمري الفاني قطعت الدروب الموحشة ضامي ورحّال ولا فيه درب لوصلك العف ودّاني كثر ما بدر من جانبك فالحياة اهمال على العادة اجاذب حنيني وحرماني طيوفك ليا خلّيت صدري لها مدهال كذا شيمتي ماقفي عن اللي تنصّاني عشان الغلا اللي صدق يستاهل الاجلال انا مستعد اعيش معها عمر ثاني

نديمة كل قافٍ ينجذب مع طلّة محيّاك تعبت سنين ادوّر في متاهات الهوا قسمي انا في كل يوم يمر فالعمر اكتبك واقراك وازيّن بك طواريقٍ عليها بيّنٍ وسمي ماعاد اسعى مثل ما كنت ساعي في رجا لقياك بعد ماعلنتي امن اليوم صدّتك بشكل رسمي مصيرك بكره بتنسين لكن مستحيل انساك انا للحب في قلبي ثلاثة من حروف اسمي

كيف صرت اقلّط طيوفك على فراش الكرامة وانت ترسل لي سهوم الموت من كف التغلّي ؟

« كيف صرت اقلّط طيوفك على فراش الكرامه وانت ترسل لي سهوم الموت من كف التغلّي » - ايبالله كيف يا عبدالله الصلاخي .

يا قصيدي ماني مبدّل شدادي بالمسامه صعب الد العين للاسفل ليا صرت متعلّي ابتدي في رحلة الابداع وارجع بالسلامه والبيوت اللي تجوب الكون وانا في محلّي القصيد امن طرفي والله ما يشعر بانهزامه كان ما زوّدت قدره ما نقصته ربع ملّي شاعرٍ يرفع مقام الشعر كنّه من مقامه وشاعرٍ يرجع ليا غنّا على يا طير يلّي من قبل لا اكون من حكم الهجر دافع هيامه ادري انّي ما كتبت الشعر من باب التسلّي كل ما تشرف بي الهقوة على جال الندامه لا جديد الا انّي اكتب وارثي الحظ المولّي يا حبيبي والله انها ما تعدّاك الملامه بس ماني قايلٍ لك عن سبب غيبتك قلّي حبّك اللي مثل عودك فيه ميله واستقامه العزا فيه انّي اسرق منه لحظات التجلّي صرت رغم همومه وقسواته اتمنّا دوامه كل يوم اكتب قصيدة فاخرة لعيون خلّي كيف الوم القلب لا من ساق لك جل اهتمامه وحبّك بحلوه ومرّه والله انّه جايزٍلي بس لا شفته على درب الشقا والجور أمامه والهوا مثل الهوا لارهى على الغصن المدلّي اتضايق وامتثل للشعر واجوّد خطامه واتساءل لا ذكرت اللي من اسبابك حصل لي كيف صرت اقلّط طيوفك على فراش الكرامه وانت ترسل لي سهوم الموت من كف التغلّي

«القلب يعرف طريقه حتى في أكثر الدروب ظلمة » فيردور دوستريفسكي -ويقول عبد اللّٰه الصلاخي: لو دروب مواصلك عكس الدروب المستقيمه ما تصاعبت الوصول، ولا تكاثرت المسافة» صباح الخير

مع احترامي للجناب الزين اللي تقوله كلٍّ يعرفه اسهبت وازعجت العرب بعدين ؟ حاول عساك تشوف لك صرفه خل الخيال يعانق النجمين ماهوب بس يطل من شرفه الشاعر المبدع تراه يبين لا صار راعي حرفة بحرفه لا تنخدع فالعالم الغاوين اللي ورا ما قلت منجرفه المشكله حنى نعرفك زين لا تنكر المنكر وتقترفه

انتصارك فالمحبّة يعتبر مثل الهزيمه المحبّ الصادق يخلّي خلافاته خلافه والتغلّي كنّه اللي دايم افكاره عقيمه من غباه يجنّب الاهداف ماهو من عفافه ما بقى لي صبر وفصول الغلا ماهي رحيمه تجبر اللي ما يخاف يعاتب الحظ ويخافه بين حظٍ ما يفز وغايبٍ ما فيه شيمه صايرٍ قلبي غنيمة قوم في ساعة حيافه الشعر ليته يرجّعني للايّام القديمه كثر ما وثّقتها فيه وكلتني بالحسافه ما توقّعت اترك افكاري على جاله محيمه قبل ماواجه قسى الاحباب من عقب اللطافه كم تبخّر من دموع العين للاحساس غيمه مارتوى منها ضميرٍ من سنه يشكي جفافه كن حالي لا عقب سيل الحزن للياس ديمه مثل حال اللي من اخصامه يدوّر للمرافه يا مقيمه في خيالي ليتك بضفّي مقيمه منهو اللي يزهد بقربك ووجهك من يعافه ما بقى لك غير طيفٍ له ورا الاضلاع قيمه حافظه مثل ما تحفظ سيرة اصحاب الخلافه لي عليك انّك تشوفين الفراق اكبر جريمه ولك علي انّي مافرّط فالوصال امن المخافه لو دروب مواصلك عكس الدروب المستقيمه ما تصاعبت الوصول ولا تكاثرت المسافه من تطوفه فرصةٍ فيها من قبالك غنيمه بعدها ما عاد همّه لو قطار العمر طافه الهوى دربٍ عذابه وصلفه تغلب نعيمه تقدر تصيطر على قلبٍ مضرّا بالصلافه وحشة الليل العتيم اللي تفاصيله عتيمه هبّت بشوقي وخلّت قافي ايزيد اختلافه عن شداد الشعر وش لون التفت لشداد ريمه يوم جبت اللول من بحره وغيري في ضفافه يا عظيمه والله انّك تستحقّين العظيمه بس عندك تعجز الابيات وتخون الثقافه زينك اللي ميزك في جيلك وحطك زعيمه الحسن لو له كتاب ايصير عنوان بغلافه سقت ركب الشعر يوم الشوق ذعذع لي نسيمه خاطري قافيه حزن ومد للانسام قافه كل ما جتك البيوت اللي تزيّنها الوسيمه اسمعيها واقبلي عذري على قل الكلافه

انتصارك فالمحبّة يعتبر مثل الهزيمه المحبّ الصادق يخلّي خلافاته خلافه والتغلّي كنّه اللي دايم افكاره عقيمه من غباه يجنّب الاهداف ماهو من عفافه ما بقى لي صبر وفصول الغلا ماهي رحيمه تجبر اللي ما يخاف يعاتب الحظ ويخافه بين حظٍ ما يفز وغايبٍ ما فيه شيمه صايرٍ قلبي غنيمة قوم في ساعة حيافه الشعر ليته يرجّعني للايّام القديمه كثر ما وثّقتها فيه وكلتني بالحسافه ما توقّعت اترك افكاري على جاله محيمه قبل ماواجه قسى الاحباب من عقب اللطافه كم تبخّر من دموع العين للاحساس غيمه مارتوى منها ضميرٍ من سنه يشكي جفافه كن حالي لا عقب سيل الحزن للياس ديمه مثل حال اللي من اخصامه يدوّر للمرافه يا مقيمه في خيالي ليتك بضفّي مقيمه منهو اللي يزهد بقربك ووجهك من يعافه ما بقى لك غير طيفٍ له ورا الاضلاع قيمه حافظه مثل ما تحفظ سيرة اصحاب الخلافه لي عليك انّك تشوفين الفراق اكبر جريمه ولك علي انّي مافرّط فالوصال امن المخافه لو دروب مواصلك عكس الدروب المستقيمه ما تصاعبت الوصول ولا تكاثرت المسافه من تطوفه فرصةٍ فيها من قبالك غنيمه بعدها ما عاد همّه لو قطار العمر طافه الهوى دربٍ عذابه وصلفه تغلب نعيمه تقدر تصيطر على قلبٍ مضرّا بالصلافه وحشة الليل العتيم اللي تفاصيله عتيمه هبّت بشوقي وخلّت قافي ايزيد اختلافه عن شداد الشعر وش لون التفت لشداد ريمه يوم جبت اللول من بحره وغيري في ضفافه يا عظيمه والله انّك تستحقّين العظيمه بس عندك تعجز الابيات وتخون الثقافه زينك اللي ميزك في جيلك وحطك زعيمه الحسن لو له كتاب ايصير عنوان بغلافه سقت ركب الشعر يوم الشوق ذعذع لي نسيمه خاطري قافيه حزن ومد للانسام قافه كل ما جتك البيوت اللي تزيّنها الوسيمه اسمعيها واقبلي عذري على قل الكلافه

﷽ ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا﴾ اللهم صلِّ وسلم عليه وعلى آله وصحبه أجمعين ﷺ

محال أصد وأصدق من يقول الزمن غلاب لو أهدافي كبيرة مستحيل أخلي أهدافي #عبدالله الصلاخي

الايام القديمه لو دروب مواصلك عكس الدروب المستقيمه ما تصاعبت الوصول ولا تكاثرت المسافه من تطوفه فرصةٍ فيها من قبالك غنيمه بعدها ما عاد همّه لو قطار العمر طافه #عبدالله_الصلاخي

النوايب تقدر تضيّق الصدر الوسيع بس ما تقدر تحدّك لو ان حلمك محال لا بذلت لكل رغبة ورى ما تستطيع كان راحت ما تمرّك حسوف وضيق بال الزمن ما ينضمن والجمايل ما تضيع كانها لله تعالا وفالشيء الحلال واجه الايام بالصبر والعزم البتيع كل عثرة درس للمقبلات امن الليال التشكّي عادةٍ تنقص القدر الرفيع ما عرفها من يعيش العمر مستور حال لا تصير كتاب مفتوح قدّام الجميع سر صدرك لا كشفته تعدّوك الرجال

لوّ دروب مواصلك عكس الدروب المستقيمه ما تصاعبت الوصول .. ولا تكاثرت المسافه