عودا حميدا بعد إجازة خفيفة لطيفة✨ أول عمل بعد العودة مع تنسيق واجهة متجر جولي في تصميم واجهة متجرjolly ركزت على مقاطع مهمة⬇️ ↲ان العميل يفهم من اول نظرة و تصفح للمتجر بشكل مبسط أيش يقدم ؟ و ايش يبيع ؟ ↲ وجهت العميل للهدف من خلال تسلسل بصري بخطوات واضحة تحتاج واجهة متجرك تكون أوضح و أرتب وتساعد العميل يشتري بدل ما يتشت.. تواصل معي نرتب لك واجهة متجرك لتجربة تسهل رحلة تصفح عميلك

بعد ما انتهيت من تصميم واجهة متجر سلة انتقلت مع العميلة لتوحيد الهوية في حساب الإنس..تقرام كان مشروعها يكبر ويتطور بس غياب الهوية سبب تشتت و عدم وضوح للعميل رغم فكرة منتجاتها الرهيبة ↲و من هنا بدأت اشتغل على ↲بناء روح الهوية المترابط من واجهة المتجر ↲و انتقالا الى حساب المشروع هدف العميلة من التغيير بناء تجربة أوضح وأكثر ثقة للعميل و هذا اللي احرص على تقديمه من خلال عملي كمصممة متاجر سوشيال ميديا قريبا اعرض النتيجة هنا 🫡

نختم الأسبوع برأي عميل التوصية ✨ طلب تصميم قالب الأنستقرام بداية من الهايلايت إلى البوستات و الستوري.. و الأكيد مترابط مع الهوية البصرية ✅

كيف تتصرف لما عميل يطلب منك خدمة جديدة أنت ماتقدمها بس هو واثق فيك انت تعرف تضبطها؟

أقوى glow up ممكن تشوفه 🌟 من أعمالي صورة المنتج قبل | بعد

احتاج مصورة ugc سعودية في الرياض 📍

وش اخر مجال صممت له 🤔 اخر تصميم تصميم واجهة متجر تجفيف ورد مشروع أول مره يمر علي 🌷

كيف تتصرف مع العميل اللي يرجع يطلب تعديل بعد شهرين او ثلاث بعد ماتم الاعتماد و التسليم😁

اشتغلت مع عميل كان دقيق جدا في موضوع الهوية البصرية بعض التصاميم ترفض بسبب تفاصيل بسيطة في الثيم أو الأسلوب رغم التصميم ممتاز وقتها كنت أشوف الفرق غير ملحوظ لكن بعد فترة فهمت السبب⬇️ ↲لما دخلت المتجر وحسابات البراند ↲لاحظت أن الهوية واضحة في كل نقطة تواصل مع العميل ↲ نفس الإنطباع و نفس الأسلوب حتى نفس الشخصية البصرية تقريبا استوعبت بعدها بناء البراند ما يعتمد على التصميم في الواقع انعكاس هوية البراند حتى في التفاصيل البسيطة هل يعتبر التدقيق على الهوية ضرورة لبناء البراند أم مبالغة‼️

تعاون و معرفة تجبر الخاطر 💜✨ محظوظة جدا بمعرفتك و التعاون معك ✨

ممنونة جدا لطفك و ثقتك ندى 💜✨ بالمناسبة ندى من زميلة المنهمة المبدعة جدا 💜💜

لفت انتباهي شيء في متجر اشتغلت عليه مؤخراً انتبه لا يكون موجود في متجرك 🚫 المنتجات ممتازة لكن المتجر ما كان يعكس هالشي و السبب↪️ • الهوية مختفية إلا بالشعار • صور المنتجات غير موحدة • وحتى رحلة العميل داخل المتجر ما كانت واضحة لذلك ركزت في الواجهة على: ✓ توحيد الصور ✓ إظهار الهوية البصرية بشكل أوضح ✓ تنظيم المحتوى بحيث يفهم العميل بسرعة: وش يقدم المتجر؟ وش يبيع؟ وكيف يطلب؟ لأن العميل إذا مافهم المتجر بسرعة يققد الثقة و الوضوح و يطلع قبل ما يكمل التصفح إذا ودك تعرف أول ملاحظة ممكن تأثر على تجربة العميل في متجرك اكتب "فحص" على الخاص📩 وبعطيك أول نقطة تحتاج تنتبه لها في واجهة متجرك

شفتوا الميزة الجديدة في كانفا 🤯🔥 في السابق تغيير مقاس ملف كانفا كان يفتح ملف خارجي بالمقاس الجديد أما الآن لما تغيير مقاس الملف مثلا من ستوري لحجم بوست إنستقرام .. تلقائي ينضاف في الملف الأساسي يكون الملف يشمل مقاسات متعددة ستوري بوست هيدر بنر ميزة رهيبة تنفع للمشاريع و التصاميم تكون في مكان واحد 🪄

فعلا جربت و ضبطت الله يسعدك✨ و هذي الطريقة من إعدادات المحادثة تقفل خاصية حذف الدردشات للي متوهق مثلي😬📍

فتحت المحادثة ععلشان أبدأ تصميم لكن الصدمة كل البيانات انحذفت 🚫 تواصل معي لطلب تصاميم بوستات و ارسل كل البيانات موجودة داخل المحادثة... لما رجعت للمحادثة علشان انزل البيانات لقيتها كلها انحذفت 🥲 طلع العميل مفعل خاصية حذف الدردشات خلال 24 ساعة!! نبهت العميل يلغي الخاصية و يرجع يرسل كل البيانات مره ثانية و تكون المحادثة مرجع لي و له تعلمت الدرس صار اي عميل يرسل و مفعل الخاصية انقل كل البيانات من البداية لمحادثة أخرى هل سبق صادفك الموقف و كيف تصرفت ‼️

تقبل الله منا ومنكم صالح الأعمال وجعل أيامكم كلها فرحة وسرور كل عام وأنتم بخير أعاده الله عليكم بالخير واليمن والبركات..❤️

«لا الهَ إلاّ اللهُ وَحْدَهُ لا شَريْكَ لهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءِ قَدِيرِ»

باقي لكم مهام أو خلصتوها قبل العيد 🫣

المواسم تكشف قوة التصميم و الهوية البصرية لأي براند… لأن وقت الضغط وكثرة المنافسة التصميم ما يصير مجرد شكل جميل لان خلال المواسم تظهر المشاكل بسرعة.. ↲إهمال وضوح الهوية ↲ضعف الثيم البصريو التشتيت للحساب ↲تصاميم العروض غير مترابطة و غير واضحة لهذا دائما أشوف المواسم فرصة لمراجعة كل التفاصيل هل الهوية واضحة؟ هل التصاميم متناسقةو وجاهزة قبل الموسم؟ هل العميل يفهم الهدف من التصميم بوضوح ؟ لأن البراند اللي يجهز هويته وتصاميمه بدري…يدخل الموسم بصورة احترافية وواضحة ويقدر يستفيد من الفرص بشكل أكبر أما العشوائية بالتجهيز والتصميم غالبا تخلي المشروع يفقد جزء كبير من حضوره وسط المنافسين

لما تمر بفترة ضغط وتسليمات متتالية... وش أكثر مهارة تلاحظ إنها تطورت عندك؟