Төрийн өмчит ААН-үүд... гэдэг нэрээр төрийн түшмэд зөвхөн өөрсдөдөө зориулсан, татвар төлөгчдийн хяналтаас харьцангуй ангид, төрийн нөөцөөс ашиг шим хүртэгчдийн (рент-ийн) хаалттай давхрагыг бий болгосоор байгааг анзаараарай. Энэ үзэгдлийг зарим ном зохиолд "түшмэдийн капитализм", "төрийг булаан эзлэх" зэргээр нэрлэсэн байдаг. Үндсэндээ нийгэмдээ биш, зөвхөн өөртөө үйлчилдэг, төрийн нэртэй шимэгч тогтолцоо гэсэн үг. Ийм нөхцөл байдалд, төрийн өмчит ААН-үүд ЭЗ-ийн хувьд ашигтай, нийгэмдээ өгөөжтэй ажиллах нь ховор. Үүнийг огт ашиггүй "ажилладаг", тоо нь улам өссөөр байгаа манай төрийн өмчит ААН-үүдээс олж харж болно. Төр яагаад хувийн хэвшлээ шахаад, түүнтэйгээ өрсөлдөөд, өөрийн ААН-үүдийг байгуулаад байгаа учир шалтгааны нэг нь энэ.

ХХОАТ-ыг 1% болгох хуулийн санаачлагыг дэмжиж байгаа. Төрийн зардлыг багасгана гэж бараг бүгд ярьдаг ч түүнийгээ хэрэгжүүлэх улс төрийн зориг улс төрчдөд байнга дутаж байдаг. Энэ удаад яах бол? Ажил хийж буй улсуудаа эхэлж дэмжиж байх нь аливаа улс орны урагшлах гол шалтгааны нэг байдаг. Тэгээд ч, УУ салбар түрүүлэн өсч, "голланд өвчин"-д нэрвэгдэх хандлагатай улс орнууд ЖДҮ, бусад салбарын бизнесийнхээ ачааллыг нь хөнгөлөн, ЭЗ-аа баланслуулан дэмжиж явдаг. Учир нь, байгалийн нөөцийн араас хөөцөлдсөөр хөдөлмөр их шингээдэг, ажлын байр илүү ихээр үүсгэдэг бусад салбараа мартах нь алсдаа хөгжлийн стратегийн том алдаа болдог юм байна гэдгийг олон улс орны гашуун туршлага харуулдаг.

Метро, дүүжин тээвэр гм эргэлзээтэй олон зүйлс ярьж цаг алдаж бхаар "УБ-ыг явган хүн алхахад амар хот болгоно" гэсэн тодорхой зорилт тавиад маш сайн хийчихмээр санагддаг юм. Явган замын сүлжээг бол бид өөрсдөө л алхам алхмаар хийчихнэ. Тэгээд ч хамгийн өндөр үр өгөөжтэй бүтээн байгуулалт болж чадна.

Асуудлыг шийдэж чадах хүнийг томилж байна уу, эсвэл өөрөө асуудал болох хүнийг томилж байна уу гэдгээс хамаарч аливаа ажил урагшлах уу, эсвэл бүтэлгүйтэх үү гэдэг шийдэгдэж байдаг. Ер нь боловсон хүчний сонголт бүх түвшний амжилт, эсвэл алдааны эхлэл байдаг гэдэг.

Долигонуур хүн гэдэг нь хүндийн төвгүй хүн л гэсэн үг. Чамайг өгсөж явахад долигононо, харин уруудахад урвана. Түүний дэргэд, өөрийн бодолтой, тууштай, чамайг заримдаа хатуу шүүмжилчихдэг хүн илүү найдвартай.

Чингис хааны хөшөөнд мөргөөд бид түүний залгамжлагчид гэж ярих нь хэлбэрдэлт. Түүний төрийг залгамжлагчид юм бол түүний төрийн зарчмуудын хагасыг нь ч гэсэн өнөө цаг үедаа тааруулж хэрэгжүүлж, дээдэлж явах ёстой биш үү? Авлига, хулгай, урвалт, албан тушаалыг мөнгөөр үнэлэх, мэдлэг, чадваргүй ч хуйвалдаанаар төрийн албан тушаалд очих ... энэ бүгд Чингис хааны шинэ цагийн төрийн мөн чанар гэж үү? Чингис хааны хэлбэр хөшөө биш, харин Монголын төрийн хүний мөрдөж явах (ёс суртахууны) 10 алтан зарчмыг бичсэн хөшөө байгуулаасай гэж санагддаг юм. Тэгээд тэдгээрийг төрийн албанд очиж буй хүн бүр дагаж явахаа андгайлдаг. Залгамжлагч байна гэдэг нь хөшөөнд нь мөргөхийг хэлдэггүй, харин тогтоосон тулгуур зарчмуудыг нь ("сүнсийг нь") цааш амьдруулж, авч явахыг хэлдэг байх. Нэг инээдтэй бодол байдаг нь, хэрвээ үнэхээр Чингис хаан "эргэж ирвэл", хэчнээн түшмэдийн толгойг авах байсан бол?

Уран олборлолт, баяжуулалт, түүнийг тойрсон асуудлууд, ирээдүйн тусгалын талаар илүү ихийг мэдье гэвэл энэ видео хураангуйг сонирхоорой - biz.mn/wFiz Казахстан - Дэлхийн цөмийн эрчим хүчний хамгийн чухал улс

Харамсалтай нь, сонгууль бол зөв, мэдлэг, чадварын гм уралдаан огт биш. Сонгууль бол популарити ("одуудын"), мөн санхүүгийн нөөцийн уралдаан. Түүний энэ сул талыг хааж, тэнцвэржүүлэх үндсэн зам нь сонгуульд ордог УТ намын боловсон хүчний шаталсан тогтолцоо, дотоод ардчиллын хэм хэмжээг хуульчилж заах. УТ-ийн намын тэр реформыг хийгээгүй цагт ардчилсан сонгууль нь бидний хүсдэг нийгмийн зорилгодоо хүрч ажиллахгүй нь харагдаад бна даа.

Tesla?

Хиймэл оюун яах вээ ... түүнд бүү санаа зов. ШУ, технологитой нь шийдээд явчих байх. Харин өөрсдийн бодит тэнэглэлээ яах вэ... Тэр л бидний асуудал #гэнэ 🙃

Албан тушаалыг - Хариуцлага гэж хардаг хүнийг дэвшүүл - Эрх мэдэл гаж хардаг хүнээс болгоомжил ~ Зөвлөхийн хэлсэн үг

Аквариумын ус өмхийрөөд бүх загас нь өвчилж эхлэхэд хэдэн загасыг сонгож "халамжлаад" асуудлыг шийдэж чадах уу? Төрийн үүрэг нь бизнесийн орчныг эрүүлжүүлж, сайжруулж байх явдал. Түүнээс хэдэн компанийг сонгож мөнгө өгөх явдал огт биш. Чухам төрийн ийм явцуу "оролцоонуудаас" болж бизнесийн орчин улам муудаж, улам эрүүл бус болж байгаа бус уу?

Боловсролын сайд Л.Энх-Амгалан өмнөх сайд ХҮН намын гишүүн П.Наранбаяраас уучлалт гуйжээ🤮 Ажил хийхээс илүү ам нь хөдөлж, попрох дуртай, өмнөх сайд П.Наранбаатарын араас "хутгалж", хийсэн балагаа түүндээ "даатгаж", "араас нь хутгалж" сошиалд өөртөө оноо авч ажиллагаа хийснийхээ төлөө , өнөөдөр "үнэнд гүйцэгдэж" ХҮН намаас, Боловсролын сайд асан П.Наранбаяраа уучлаарай гэжээ...🤣

МАН-ы 1 саналын илүүгээр ХХОАТ-г унагаасан нь ХҮН намын Мөнхсоёл бна, мөн үү? 😡

Нэг гишүүн 16 мкв өрөөнд 2-уулаа сууж байна гэж гомдоллов. Гэтэл нэг ангид 50, 60 хүүхэд сурч байгаа. Тэрийг яриач 🤷‍♂️

Амжилттай явах улс орнуудад удирдлагын шийдвэр гаргахад оролцогч 3 давхар үе байдаг - Улс төрийн (активистууд), Профессионал (технократууд), Аналитик (эрдэмтэн судлаачид) институцүүд. Манай асуудал бол Профессионал, Аналитик хоёроо бүрэн хаяад бүх зүйлийг Активистуудаар хийлгэх гэж оролдсоор 30 жил боллоо. Харамсалтай нь, сонгуулиар л дэвшиж явдаг Активистууд түүнийг дангаараа хийж чадахгүй. Учир нь, тэд муудаа ч биш. Маш олон асуудлыг шийдэх, ажлыг хийхэд мэргэжлийн мэдлэг, технологи, дадлага туршлага зайлшгүй шаардагдана. Удирдахад судалгаа, тооцоо их шаардагдана. Тэр бол бодит ертөнцийн хууль. Бид тэр хуулийг хуурч чадахгүй. Харин түүнийг ойлгож хүлээж автлаа гацсаар, будилсаар л байх болно... Энэ байдал хэр удаан үргэлжлэхийг мэдэхгүй. Хулгай хийхэд бол харин Профессионал, Аналитикууд огт хэрэггүй. Тэд "ажилд" саад л болно.

Ченжүүд мэдээж хэрэгтэй, тэд маш чухал оролцогчид. Гэхдээ ченжүүд нь төрийн санхүүжилтийг санаачилдаг, хуваарилдаг яамны дарга нар нь өөрсдөө байхаар бүх зүйл урвуугаар эргэнэ. Төрийн шууд оролцоог халчихвал ченжийн сүлжээ эрүүлжиж, хэл ам эрс багасах нь гарцаагүй.

Галзуугийн нэгэн эмнэлэгт хэн өглөө эрт босч цагаан халаат түрүүлж олж өмссөн нь тэр өдөртөө эмч болж бусдыгаа эмчилдэг ажээ. ~ Онигоо

Төрийн нэгдмэл байдал алдагдсан нь улам тод харагдах боллоо. Албан тушаалтнууд хувийнхаа болон бүлэглэлийнхээ эрх ашгийг л төрийн нэрээр халхалж хэрэгжүүлж байна. Нэгдмэл байдалгүй болсон гэдэг нь систем задарч байна гэсэн үг. Систем нийтийн эрх ашгийн төлөө ажиллахаа болино гэдэг нь ардчилсан төр үгүй болж байна гэсэн үг. Цаашаа яах вэ? Хамгийн муу хувилбар бол дарангуйлал тогтоно. Учир нь систем задрахад түүний удирдлагын орон зай хоосорч, улс орон инерцээрээ явж эхэлдэг гэдэг. Ихэнх хүн төр байсаар байна гэж хэсэг харах ч бүх зүйлс эзэнгүй, дүрэмгүй болж, замбараагүйдэл нь ердийн зүйл болно... Задарч буй системийг тогтоох сүүлийн арга нь түүнийг хүч хэрэглэж, дарангуйллаар хадгалах зам. Дарангуйлал нь ардчилсан төрийн задралын гол шалтгаан болсон авлигыг засаглалын механизмынхаа ажиллах дүрэм болгоно. Систем огт өөр систем болж төрөл арилжина. Авлига бүрэн ялна. Харамсалтай нь, авлигын сүлжээг сууриа болгосон хатуу гараар улс орныг хэсэг удирдаж болох ч түүнийг хөгжилд хүргэхгүй. Учир нь авлигад үндэслэсэн шийдлүүд хэзээ ч зөв, оновчтой, тогтвортой байх боломжгүй. Энэ бол өнөө цагийн олон ядуу орны оршин тогтнож, явж буй зовлонт замын загвар.

Өнөөдөр Учралын засгийн газрын санаачилж 100,000 иргэдийн санал, УИХ-ын шийдвэрийг цуцаллаа. НӨАТ-ын 500 мянга хүртэлх орлоготой бол 100 хувь буцаан олгох, 1 сая хүртэлх бол 50 хувь буцаан олгох, 1 саяас дээш бол 20 хувь буцаан олгох НӨАТ-ын хуулийг хүчингүй болгов.