نیکی میں پہل کرنا، بارگاہِ الٰہی میں مقبول ترین عمل نیکی کرنا یقیناً باعثِ اجر ہے، لیکن کسی نیک عمل میں پہل کرنا ربِ ذوالجلال کی نگاہ میں ایک منفرد شان اور خاص مقام رکھتا ہے۔ جو افراد دین، جماعت، تحریک یا کسی بھی بھلائی کے کام میں سب سے پہلے آگے بڑھتے ہیں وہی درحقیقت راہ ہموار کرنے والے ہوتے ہیں۔ ان کی ہمت سے سفر کا آغاز ہوتا ہے اور ان کی ثابت قدمی سے نیکی کا کام جڑیں پکڑتا ہے۔ پھر اُن کی پیروی کرنے والوں کے اعمال کا اجر بھی اُنہیں برابر ملتا رہتا ہے۔ یہی وہ مخلص ہاتھ ہوتے ہیں جو کسی کارِ خیر کو زندگی عطا کرتے ہیں۔ یہی لوگ دوسروں کے دلوں میں بھی نیکی کا جذبہ جگاتے ہیں اور ان کے سبب خیر کا سلسلہ مسلسل پھیلتا چلا جاتا ہے۔ ایسے لوگ دراصل بارش کا وہ پہلا قطرہ ہوتے ہیں جو دوسروں کو بھی عمل کی تحریک دیتے ہیں۔ لہٰذا، نیکی میں پہل کیجیے! کیونکہ پہل کرنے والوں کو اُن کی پیروی کرنے والوں کی بدولت دنیا و آخرت میں عظیم انعامات سے نوازا جاتا ہے۔ #DrHussainQadri #GoodDeeds #FirstToDoGood #SadaqahJariyah #InspireGoodness #SpiritualLeadership #RewardFromAllah #PathOfRighteousness #BarakahInAction #FaithInAction #LeadingWithIkhlas