« مستعد اقطف لك النجمه و اخليها زمامك شاعرك حتى الفضاء من نشوته يقدر يهيمه »

جعل هقوات الرياجيل فينا ماتبور وان بغينا شي ربي لا يحرمنا عطاه

سعيد جداً بالظهور عبر بودكاست شطر مع الاخ والصديق سلطان العليّان @iSLTN3_ واقدم لكم هذه الحلقه واتمنى ان تنال على استحسانكم 🙏🏻

حبيب الليال الساريه .. و اول المشوار و قصيدٍ على وجهك تغنّى طواريقه معي ما يباعد خطوتي بين دار و دار ومعك مايقرّب حلم عمري لـ تحقيقه شعور السكينه في حضورك شعور البار ليا مازح امه وضحكت له بعد ضيقه

كل عام وأنتم بخير، وعيد أضحى مبارك أسأل الله أن يعيده عليكم بالصحة والسعادة والبركة، وأن يتقبل منا ومنكم صالح الأعمال.

محبته ورثٍ من اجيال لـ اجيال الكل منّا في عروقه نقلها 💛💙

ياللي ترجّى غيرك وغيرك دريك منت بـ على الدوري ولا انديته وصي بدري عليك اللي تبي ، بدري عليك قد قاله كحيلان .. ما فيه " معصي " #النصر_ضمك

" الكاس دونه صملة ابطال و رجال " #النصر_ضمك

من الآن إلى يوم عرفة: ادعُ اللّٰه أن يعينك على حضور قلبك أثناء الدعاء، وأن يُلهمك اليقين التّام أن كل ما ترجوه من اللّٰه في أمر دُنياك وآخرتك لا يعجزه ولا ينقص من ملكه شيء .. (ولله مِيرَاثُ السَّمَاوَاتِ وَالْأَرْضِ) اللهُمّ بلّغنا يوم عرفة بلاغ رحمة وتوفيق وبركة، واجعل لنا فيه دعوةً لا تُرَد يا ربّ

🤍

من يقول ان المساء ماهو بـ يوحي للجروح و للحنين ولـ اعتراضي يعرف ان الصبر ما يسكن فـ روحي يوم احاضي لي زمانٍ ما يحاضي كل ذنبٍ عدته مْسجل فْـ لوحي ما خذيت من القديمات اتعاضي يا حمامه ما يمل الغصن ، نوحي اسجعي وليا سمحتي لك فياضي قلت لك روحي ، و انا ما اقول روحي كان قصدي " روحي " بشكل افتراضي بعدك سكاتي غلب ضحكة مزوحي عن مشاوير الفرح صرت مْتغاضي طاحت دموعي ، ولا طاحت صروحي ليتنا يوم افترقنا .. بالتراضي لا جبرتيني على سكة نزوحي صرت اشوفك موطني فوق الاراضي كل بيتٍ فيك يستاهل طموحي والقصيد فـ غيرك اصلاً حكي فاضي ماني بـ خايف من احساسي وبوحي كثر ماني خايف تصيرين ماضي ارجعي ، تفدا معاذيرك جروحي لو رجوعك صوره فـ مخباي، راضي .

رفيق صباي ، و ايام الشقى و التجربه و الخوف انا يؤسفني انك تنتقل ما بين دار و دار تحدينا الظروف ولا انثنينا و العيون تشوف و اخذنا قسمنا يوم النشاما بين غار ونار تجرى يارفيقي و اخذ حقك و التعب مخلوف ولا تاقف مابين الشك والتفكير ، لاتحتار لك اسمٍ يجعل الدنيا أمان وموقفٍ معروف وفعلٍ ما يجاريه الثنا في مدحة الشعّار مجرد معرفتك لحالها تملكني بـ معروف اعرفك ماتغير لو تغير وقتي البوار @9jilq

لو طعت نفسي تهت في معمعتها رديتها عن كل مطرود ملحوق هذبتها .. حتى طغت معرفتها و حشمتها عن سلعةٍ مالها سوق و اسندتها .. بالتجربه و رفعتها واخذت حقي .. فوقه الطاق مطبوق و اجبرت نفسي تنزل فْـ منزلتها عشان ما اشوف الرياجيل من فوق

كثر ما توقف خطوتي في طريق الياس ما اعرف اشتكي واقول للناس وش فيني من الكلمه المره جزع خاطرٍ حساس ولا عاد احب اللي بـ كلمه يواسيني نويت انعزل .. و اغيب عن لمة الجلّاس يكفيني ان الناس تقرا ، وتوحيني اشوف الرحيبه تشتكي حزني ، ولا باس عليها السلام .. ولا عليها عناويني لو ان الدروب أحدّ من شفرة الامواس تمثنيتها .. عن قولة انه ما يمديني ماعاد اتمسك فالمحبه لـ بعض الناس ما توثق يديني غير في راحة يْديني يعيش الذهول وتنقتل لهفة الاحساس على ايامي اللي راحت بـ زهرة سنيني يا كثر الكلام اللي كتمته ورا الاقواس عشان البشر ما تلمح الحزن في عيني

طويل البال يرهقه السكوت وماعرف يحتال يحاضي كلمته قبل الكلام يفك ازاريره يقول ان الثقال خفاف ، و يشوف الخفاف ثقال على اللي تجرحه نظرة حبيبه في وجه غيره يعرف ان العيون ابواب ويعرف القلوب اقفال تزاحم دونها اسراب الجموع و مالها ديره كثر ما اهتم في قلبٍ يحبه .. واجه الاهمال و اخذ له جرح ما يقدر خبير البنج تخديره رغم ذلك تبسم للحياه و غادر الاطلال بـ قلبٍ يشكر الله لو تعنّى من مقاديره يخفّي عبرته وتطيح في صدره كِبر واجلال لو ان صدره قفر ما دار فيه إلا معاصيره عصى نفسه و يغويه الهوى و يجر له موال « وش يردك تحب اللي توده لا بدت سيره » يخاف ان قلبه اللي لملم شتاته من الاهوال تعنيّه الحياه وما يعرف يعيد تدويره وانا ما لدني و اقتاد روحي و المطر همال على عدٍ ما جاذب دلو ماه الا عصافيره سوى حلو الكلام ، و قدٍ ارهف يسحر الرجّال و وجهٍ ، يستحق اقبّله في شره وخيره غزالٍ مستذيره صايدت بعيونها ختّال خذت روحي و خلتني مابين رضاي و الحيره لا داعبها الهوى و اومى بـ غرتها و طار الشال اشوف الموت بين عيونها تركض مغاويره تثنى عودها وانشدت اعصابي و قلبي مال وانا لا مال قلبي ما رجيت الخير و الخيره اسلمها الشعور اللي يِلَبِّس عنقها سلسال و اصير الشاعر اللي تلمس احساسه جماهيره انا لو اني اتعب في هواها والدروب طوال تراها حلمٍ احب التعب فـ اطول مشاويره

جرّيت صوتي واستبحت المواويل حتى هجَر سرْب النوايح جريده ماعاد لي قوَّة ولا عاد لي حيل درب الهوَى ما عاد خلَّا شريده جايز لي أتعب في هوَى قبلة الجيل جعل التعب يفدى سلاسيل جيده عليه ظامية المشاعر زرافيل .. يطوي له الضامي من الحبّ بيده فدوة رضا وجهه هل القال ، والقيل وأهل القلوب القاسية ، والبليده أحبّ صبحٍ يسكن فـْ نوره الليل .. قبل تماهى جمرته مع جليده ! وجهٍ أعرفه قبل أعرف التفاصيل : وشلون تستوعب جماله قصيده ؟

قادت الشمس و تهادت على درب الغياب و انسدل ثلثٍ من الليل فوق امتانها و انكفت روحي و ذابت على قلبي و ذاب مثل زعجولٍ تلافت على حيرانها سنّدت كل المشاريه مع درب العتاب وحدرت دمعه من العين قبل آوانها صافحت كفي وطاحت على وجه التراب و انبتت في نفسي جروحها و احزانها تل روحي .. تل روح الزناتي من ذياب حزةٍ تكبى العبيه على ذرعانها من غرام اللي هواها عذابٍ في عذاب درةٍ مالله خلق مثلها فـ اقرانها في ملامحها سكينه .. و نظرتها سراب كل ما سلهم هدبها رقص شيطانها ماتعرف الفتنه اشد من قتل الشباب تعرف ان الحُب يستاهله من صانها يوم صك الوقت دوني من التجريح باب احتوتني وفتحت لي غلا .. بيبانها كل ما اخطي قالت اخطائك فـ عيني صواب قبل اقدم حجتي .. قدمْت برهانها مالقيت من الاجابات لـ رضاها جواب غير زود التضحيه .. في سبيل ايمانها ليلةٍ يطلع قمرها ونور النجم غاب ليلةٍ ما اغبط هل المملكه فـ امانها قلت انا خايف من الفقد و اشعر بـ ارتياب و احضنتني .. لين خوفي غفى فـ احضانها اطهر من الماء ليا صب من بطن السحاب من طهارتها يصلى على فستانها

أكثِرو من الصّلاة على النبي ٌ اللَّهُــمَّ صَلِّ وَسَلِّمْ وَبَارِكْ على نَبِيِّنَا مُحمَّد ﷺ.

نطحت الصبح ادور مطلعه واسعى ورا الالهام وعيا الليل يعتق من قفص صدري مساجيني عتادي دمعةٍ حارت ورا موقي و جرحٍ خام ولا ينقص عتادي غير منديلي و سكيني كثر ماقلت هانت ، و الفرح يا خاطري قدام لقيت الدرب يخلف وجهته و اقول يمديني توشحت الرضا ، و اقنعت نفسي للظروف احكام وصلت لمرحله .. ماعاد احب اللي يواسيني ياغايب واجه ايامك بصبرك .. و اطرد الاوهام ليا خليتني واقفيت ربي مايخليني درج سيلك على خدك و صدرت الظنون حيام ولا عاد القصيد اللي كتبته فيك يرويني سنا واديك من بعد الربيع .. و سالت الاقلام ماجفت لو تجف عروق قلبي من شراييني خذاك الوقت ، لكن ماخذا من ذكريات العام تخيل ! اني اسمع صوتك الدافي يناديني احسّك فالضجيج وفالهدوء والليل و الانسام غريبه ما يمرك فالزمن ما ذكرك فيني ؟ عفى الله عن طعونك وابتعادك وانت ماتنلام مشاريهيي على ظني ، و حظٍ ما يباريني انا لو ما عرفت ان الليالي تخطف الاحلام ما خليتك من اسرار الحياه و بينك و بيني طلبتك كل ما طال الغياب و شحّت الايام لاتنسى وقفتي يوم التفّت وشافتك عيني تثاقلت الخطاوي ، وانتهينا و الوداع ختام على قيد الشعور احاول ارضي باقي سنيني

المحبه في عروق المنجرح مثل الرجوله لو بغى قلبه يسوي شي يجرحها تعيقه

عيدك مبارك يا داري واغترابي لا حياة إلَّا معك .. لو هي بدونك كانك من إخطائي .. أجمل من صوابي الخطأ محبتي ولا جنونك؟ راضي أعيشك أمل واطرد سرابي لو دياري مجدبة برقب مْزونك زهرةٍ أرق ؛ من زهرة شبابي ولا أرق من الزهور : إلّا جفونك عانقيني ؛ قبل عطري في ثيابي وأسمحي لعيوني تعانق عيونك