عاتبتني بأقسى لُغة وأفصح لسان
ما فيه شيٍ من الزعل ما نَقَصنا
الاختلاف من أبسط حقوق الإنسان
لكن حرام إنه يضيّع فُرَصنا
حاولت ألبّي رغبتك قَدر الإمكان
وأسدِل ستار آخر فصل في قِصَصنا
وبديت أحب اللي تحبّه على شان
أصير أَعاف اللي تعاف وخَلّصنا
عشرتك ماهيب منسية ولا مسلية
وين ما أحوّل تحوّل وين ما أرقى ترقى
عاد صوتك في أذني و عاده ألذّ أغنية
عادها طيوفك تخاطفني لا ناحت الورقا
و عاد صورتك بـ رموش الذاكرة مَحمية
و عاد في قدرك مقادير الأوادم غرقا
عَذب الكلام الي معك ما يجرح الحب النبيل
أعتق نسايم كلمتك .. وأسمح لها الليله تهب
سولف ترا صمتك طويل وليلي الأظلم طويل
ولا يقصّر الليل الطويل الا سوالف من تحب
أذكر إني كنت أداري خاطرك لو بـ إمتثالي
ما أنهزم عنتر زمانه ؟ غير من " قبلة زمانه "
ما نسيتك يا أبعد من الحلم و أقرب من ظلالي
بـ إعتقادي طاري النسيان نوع من الخيانه
- تركي بن جويعد
