عدوك الحقيقي: -نفسك -افكارك -شهوتك -مخاوفك -غرورك -كسلك -ضعف ارادتك -عدم تقديرك لذاتك -تعلقك بالماضي -تبريرك الزائد (ليس الآخرين)

بعض من المصادر اللي جالس استخدمها بشكل يومي في فترة عجز السعرات

عدنا لتقفيل الخطوات بشكل جدي و الله المستعان😬 العادة خطواتي ماتنزل عن 7 الاف لكن راح احرص اكثر انها ما تنزل عن 10 الاف

من لم يجرب ان ينهض ويُكمل وهو فاقد للدافع و المحرك… فصل من حياته محذوف

الايام الماضية كنت في مرحلة توديع اكل المطاعم و التقاط اخر صوري معهم😂🤝 و اليوم بعد سنتين تقريبا قررت ارجع انشف ثاني و انزل وزني🥶 اخر تنشيف لي كان 2024/6/21 كبداية قررت اخلي العجز ١٠٠٠ سعرة يومياً و بالتدريج اقلل العجز الطريقة هذي تناسبني، ممكن البعض تسبب له انخفاض كبير في الطاقة وخمول فالهدف هو مشاركة الرحلة بس مو انك تسوي زيي

انت مو مكتئب.. انت بس ما جربت تتأمل الشروق ما جربت تتعرض لضوء الشمس يومياً ما جربت تستمتع بصوت الامواج ما جربت تصفي ذهنك بدون جوال ما جربت تمشي بدون وجهة محددة ما جربت ترفع راسك للسماء بدال ما تنزلها للجوال ما جربت تسكت شوي و تسمع صوت افكارك الحياة ما تحتاج تغيير كبير تحتاج منك بس ترجع للأشياء البسيطة اللي خلقنا الله قريبين منها من البداية..

تمرين Leg press🦵 من اكثر التمارين اللي راح تساعدك تبني قوتك في السكوات بجهد منخفض اذا ما يهمك كثير اقصى تفعيل و مدى حركي خلي وسع القدم يكون مشابه لنفس وسع السكوات اللي تلعبه عشان تعود نفسك على قوة دفع الارض بقوة اثناء حركة السكوات الطبيعية دايما اقول من الذكاء انك تحط تمارين و تغير من استخدامها عشان تخدم اهدافك

والله ان اليوم اللي ترجع فيه بيتك وتحط يدك على راسك من التعب بعد انجاز مهام كثيرة انه نعمة عظيمة و احمد الله عليها غيرك همه مو عارف كيف يستغل وقته..

مقتطفات من التمرين، جلستين من كل تمرين وصلى الله وبارك قررت اني اريح عن Squat و Deadlift كم يوم نعيش اجواء الBodybuilders شوي🥶

تدروا لما اي احد في النادي يسألني اي سؤال قبل ما اجاوبه اسأله انت مع مدرب ولا لا؟ عشان ببساطة امتنع عن الجواب وما اشوش على الشخص، في نظرتك المحدودة قد تشوفها بخل بالمعلومة، لكن فعليا انا جالس افيده دايماً المبتدئين يطيحون في مشكلة التشتت و كثرة المصادر حتى لو انه مع مدرب يروح يسأل شخص ثاني! ياخي اذا انت من البداية مو واثق من مدربك اشتركت معاه ليش اذا بتروح تسأل فلان وعلان!

خسارة الكتلة العضلية اكيد

اكثر معلومة مغلوطة منتشرة عن اللي هدفه زيادة القوة انه يلعب بس Squat, Bench Press, Deadlift ❌ عشان تزيد قوتك انت محتاج تزيد حجمك العضلي🤷‍♂️

استرجعت قوتي في Bench press خلال شهرين بس لعبت 125 Kg وكانت سهلة بشارك معكم الطريقة اللي دايما تساعدني و تساعد لاعبيني في استرجاع القوة في هذا التمرين.. - التمارين المساعدة بدون اي فزلكة شبه ثابتة، حرفيا العب تمرينين فقط (incline machine press / weighted dips) - العب البنش من ٣-٤ مرات في الاسبوع و عدد الجلسات مقسمة في الاسبوع ما بين ١٢-١٥ ، اكيد راح تراعي انه عندك يوم واحد ثقيل و باقي الايام مجرد ممارسة للحركة و زيادة للحجم التدريبي - البنش اكثر رفعة تحتاج منك ممارسة متكررة و عدد جلسات عالي لكن بدون شدة عالية في اغلب الجلسات، بسبب انها رفعة تتطلب مهارة كبيرة و حجم تدريبي كبير - فيه عضلات في جسمك ضعفها راح يأثر بشكل مباشر زي عضلات الظهر يعني لا تحسب عشان تكون قوي في تمارين الدفع تحتاج تركز على تمارين الدفع بس، قوي جسمك كامل

على ان اجهزة TechnoGym سيئة لكن T bar حقهم اسطوري

Squat 190 Kg 🥶 ال200 تطبخ👨‍🍳

طيب تذكر اول يوم لك في النادي وانت تشوف اقوياء في النادي و انت مذهول و ودك تصير زيهم و حاس الرحلة صعبة وطويلة؟ و اليوم انت الثاني على المملكة🥈 و اليوم انت حكم على المتأهلين لبطولة اسيا و ابطال المملكة👨‍⚖️

اللي ينغث من طعم البروتين و After testing جربوا هذا النوع رهيب وخفيف كأنه عصير اناناس ولا فيه اي طعم بروتين

انا شخص ما احب استخدم مكملات Power نفس Pre-workout بسبب المكونات اغلبها مالها فايدة و الكميات يا تكون قليلة او مبالغ فيها و خسارة فلوس انا شخص احب القهوة واستمتع فيها عن نفسي دايما اعتمد اخذ المكونات الفعالة لحالها وانا اتحكم بالجرعات بكيفي مثلا Alpha GPC راح يساعدني بشكل كبير في الحضور الذهني L-Theanine اخذه مع القهوة، يعطيك احساس هدوء اكثر مع مفعول القهوة تركيز افضل مقارنة لو اخذت القهوة لحالها و مكملات الPower على الاغلب بتلقى فيها بعض المكونات اللي ما راح تفرق معاك كلاعب مقاومة مثل مركبات Beta Alanine و Citrulline Malate حتى لو تبغا تأثير الكافيين تقدر تاخذ مكمل كافيين و تتحكم بالجرعة براحتك بتكون اوفر لك و افضل

كل عام وانتم بخير🤍

﴿وَآخَرونَ اعتَرَفوا بِذُنوبِهِم خَلَطوا عَمَلًا صالِحًا وَآخَرَ سَيِّئًا عَسَى اللَّهُ أَن يَتوبَ عَلَيهِم إِنَّ اللَّهَ غَفورٌ رَحيمٌ﴾ يارب ارحم ضعفي وقلة حيلتي وتوفني مسلمًا والحقني بالصالحين

اللهم إني أعوذ بك من أن أفقد شغفي، ومصادر بهجتي، وحبي للحياة، أعوذ بك من درب أسير فيه بلا جدوى، ومن زرعٍ أتعب عليه بلا ثمر، من يأس يخيم علي، ومن حزن يحجب النور عن عيني، و من هم يَثقل كاهلي، و زدني عِلمًا بك، وقربًا مِنك، وفهمًا لمُرادك، والتزامًا بكتابك، وبَعَدَا عمّا نهيت، وحياة لك وحدك، وخذني إليك حين رضاك🤍