Tbh, kapag ang scammer ay scammer, walang use 'to. Irl exhibit - this person, notarized, may ID, nakikipag meet up pero scammer. Nawala na lang ng parang bula and walang napala lahat ng "bumili" 🤷

IPASA ANG ANTI-SCALPING ACT! Nanawagan tayo ng agarang pagpasa ng ating panukalang Anti-Scalping Act sa gitna ng mga ulat na natatanggap ng ating tanggapan mula sa mga concertgoers tungkol sa napakataas na presyo ng reselling ng BTS concert tickets. Hindi tama na pagsamantalahan ng mga scalper ang pananabik at paghihintay ng mga fans. Layunin ng panukala na sugpuin ang abusive resale practices sa pamamagitan ng pagpapataw ng parusa sa mga indibidwal at organisasyong magbebenta ng tickets lampas sa itinakdang regulated price. Layunin din nito na palakasin ang pananagutan ng mga ticketing platforms at event organizers sa pamamagitan ng mas mahigpit na monitoring at enforcement mechanisms. Nagpapakahirap ang mga tunay na fans na ipunin ang pambili ng mga tickets na ito. Nagpapakahirap sila na mag-queue sa mga ticketing platforms para makabili. Lumalaban sila nang tama at patas, pero ninanakaw ng mga scalper ang oportunidad nilang makita ang mga iniidolo nila. Ipasa ang Anti-Scalping Act!