اِنَّا لِلّٰهِ وَإِنَّا إِلَيْهِ رَاجِعُونَ میری دنیا کی سب سے عزیز اور محترم ہستی میری والدہ محترمہ، 4 جون کو ہمیشہ کے لیے اس فانی دنیا سے رخصت ہو گئیں۔ یہ صدمہ اور غم الفاظ میں بیان کرنا ممکن نہیں۔ دل غم سے نڈھال ہے اور یقین کرنا بھی دشوار محسوس ہوتا ہے کہ وہ اب ہمارے درمیان نہیں رہیں۔ اللہ تعالیٰ سے دعا ہے کہ میری والدہ اور والد کی کامل مغفرت فرمائے اُن کی لغزشوں سے درگزر کرے، اُن کی قبر کو نور سے بھر دے اور انہیں جنت الفردوس میں اعلیٰ ترین مقام عطا فرمائے۔ آمین۔ اس دکھ کی گھڑی میں جن تمام احباب اور خیر خواہوں نے تعزیتی پیغامات بھیجے، دعاؤں میں یاد رکھا اور غم میں شریک ہوئے، دل کی گہرائیوں سے ان سب کا شکر گزار ہوں۔ اللہ تعالیٰ آپ سب کو جزائے خیر عطا فرمائے، آپ کو سلامت رکھے اور آپ کے اہلِ خانہ کو اپنی حفظ و امان میں رکھے۔ آمین۔ اللہ تعالیٰ ہمارے تمام مرحوم والدین اور عزیز و اقارب پر اپنی رحمتیں نازل فرمائے اور انہیں اپنی جوارِ رحمت میں جگہ عطا فرمائے آمین۔

وفاق کی مثال اُسی بوڑھے بشیر دین جیسی ہے جو رات دن محنت کر کے پورے خاندان کے لیے کما کر لاتا، چاروں بیٹے حصہ لیکر الگ ہو جاتے محلے کا دکاندار پرانے قرضوں کا سود مانگنے آتا، تو بیٹے کہتے: "ہمیں کیا معلوم، قرض ابا نے لیا تھا، وہی چکائےگھر کی چھت کی مرمت یا ہماری سیکیورٹی کا خرچہ بھی ابا دے بل بھی ابا دے لیکن ابا اب کہاں سے دیں؟ چنانچہ باپ سفید پوشی کے بھرم کے لیے در در مزید قرض مانگتا اور بیٹے عیاشی کرتے... پاکستان کے موجودہ مالیاتی نظام (NFC) میں وفاق اور صوبوں کی مثال بالکل بشیر دین اور اسکے بیٹوں جیسی ہے وفاق (باپ) دن رات محنت کر کے پورے ملک سے ٹیکسوں کی شکل میں کمائی اکٹھی کرتا ہے۔ لیکن نیشنل فنانس کمیشن (NFC) کے قانون کے تحت، اس کل کمائی کا 57.5 فیصد حصہ چاروں بیٹے (صوبے) اپنے پاس رکھ لیتے ہیں ۔ باپ کے پاس گھر چلانے کے لیے صرف 42.5 فیصد رقم بچتی ہے۔ صوبے اپنا پورا حصہ لے کر الگ ہو جاتے ہیں اور وفاق سے کہتے ہیں: "ہمیں ہمارا حصہ مل گیا، اب تم جانو اور تمہارا کام۔" اب باپ وفاق کے کندھوں پر درج ذیل سنگین بوجھ ہیں: خاندان یعنی پاکستان نے ماضی میں جو بھی تاریخی قرضے لیے، ان کا سود اور اصل رقم اکیلے باپ یعنی وفاق کو چکانی ہے۔ بجلی، گیس اور دیگر خسارے میں جاتے نیم مردہ سرکاری اداروں کو اربوں روپے کی سبسڈی دے کر زندہ رکھنا بھی وفاق کا کام ہے۔وفاقی ملازمین کی تنخواہیں پینشن بھی وفاق کے زمے، دہشتگردی سے نبٹنے اور پورے ملک کے دفاع پر آنے والے اخراجات بھی اکیلے وفاق کے ذمے ہے۔ جیسے کہ مالیاتی سال 2024-25 میں ایف بی آر (FBR) نے کل آمدنی کا ہدف 12,970 ارب روپے رکھا۔ اس میں سے این ایف سی فارمولے کے تحت 7,438 ارب روپے سیدھے چاروں صوبوں (بیٹوں) کو منتقل کر دیے گئے۔باپ (وفاق) کی جیب خالی رہ گئ صوبوں کو ان کا حصہ دینے اور دیگر نان ٹیکس آمدنی ملانے کے بعد وفاق کے پاس اپنی نیٹ آمدنی صرف 9,119 ارب روپے بچی۔ وفاق کو اسی سال پرانے قرضوں پر صرف سود کی ادائیگی کے لیے 9,775 ارب روپے چاہیے تھے اور یہ سود دینے کے لیے وفاق کو 656 ارب روپے مزید قرض لینا پڑا۔ سب کچھ صوبوں کو دینے کے بعد سرکاری ملازمین کی تنخواہیں، پینشن اور بجلی کی سبسڈیز چلانے کے لیے وفاق کو مکمل طور پر نئے قرضوں پر ہی انحصار کرنا پڑا، (جبکہ چاروں صوبوں کے پاس اخراجات نکال کر بھی 755 ارب روپے اضافی (سرپلس) موجود تھا) آئی ایم ایف جب بھی پاکستان کو قرضہ دیتا ہے، تو وہ وفاق کا بجٹ خسارہ کم کرنے کی شرط رکھتا ہے۔ جبکہ این ایف سی ایوارڈ کی وجہ سے وفاق اکیلا ایسا نہیں کر سکتا این ایف سی ایوارڈ بجٹ پر سب سے زیادہ اثر انداز ہوتا ہے جیسے گھر کے بجٹ پر آمدنی کی پہلے سے طے شدہ تقسیم اثر انداز ہوتی ہے۔ آسان الفاظ میں، یہ ایوارڈ طے کرتا ہے کہ ملک کا مجموعی پیسہ کس کے پاس جائے گا اور بجٹ خسارے میں رہے گا یا فائدے میں۔ وفاقی حکومت اپنا بجٹ بناتے وقت سب سے پہلے اپنی متوقع آمدنی (FBR ٹیکس) کا تخمینہ لگاتی ہے۔ لیکن این ایف سی فارمولے کے تحت، وفاق اس کل آمدنی کا 57.5 فیصد حصہ اپنے پاس نہیں رکھ سکتا، بلکہ اسے لازمی طور پر صوبوں کو منتقل کرنا پڑتا ہے۔ اس وجہ سے وفاق بجٹ بنانے سے پہلے ہی مالی طور پر انتہائی کمزور پوزیشن میں آ جاتا ہے۔ صوبوں کو حصہ دینے کے بعد وفاق کے پاس جو 42.5 فیصد رقم بچتی ہے، وہ اس کے بڑے اخراجات (قرضوں کا سود وغیرہ کے لیے بھی پوری نہیں ہوتی۔ نتیجہ یہ نکلتا ہے کہ وفاق کا بجٹ ہر سال خسارے (Deficit) میں جاتا ہے اور اسے وفاقی ملازمین کی تنخواہیں، پینشن اور ترقیاتی کام چلانے اداروں کو سبسڈی دینے کے لیے ہر سال کھربوں روپے کا نیا قرضہ لینا پڑتا ہےکیونکہ سستی بجلی بھی وفاق کی زمےداری ہیں ۔ دوسری طرف، این ایف سی ایوارڈ کی بدولت صوبوں کے بجٹ عام طور پر فائدے یا بچت (Surplus) میں رہتے ہیں۔ مضحکہ خیز یہ کہ صوبے اپنے وسائل (جیسے زرعی انکم ٹیکس یا ریئل اسٹیٹ) سے خاطر خواہ آمدنی جمع کرنے میں ناکام رہتے ہیں، جس کی وجہ سے وہ مکمل طور پر وفاق کے پیسے پر انحصار کرتے صوبوں کو قرضوں کے سود یا دفاع جیسے بڑے قومی اخراجات کی فکر نہیں کرنی پڑتی، اس لیے ان کے پاس اپنے ترقیاتی کاموں کے لیے وافر فنڈز موجود ہوتے ہیں۔ اکثر صوبے اپنا پورا بجٹ خرچ بھی نہیں کر پاتے اور سال کے آخر میں ان کے پاس پیسے بچ جاتے ہیں۔ اب اہم سوال کہ کیا 18ویں ترمیم جس نے صوبوں کو مالیاتی طور پر خودمختار بنایا کیا سوائے پنجاب کے کسی دوسرے صوبے نے وہ پیسہ عوام پر خرچ کیا؟؟ کیا صوبے خوشحال ہوے کیا عوام کو بہتر تعلیم صحت روزگار انفراسٹرکچر مل سکا جواب یقیناً ناں ہے این ایف سی ایوارڈ سے وفاق غریب اور مفلوج جبکہ عوام بدحال اور صوبائی حکومتیں پارٹیوں کی اجارہ داری اور کھانے کا زریعہ بن گئ حجاب رندھاوا