Minisitiri @DrDamascene yasoje ikiganiro ashimira Itorero ry'Abapresbyterienne mu Rwanda (EPR) ryateguye iki gikorwa cyo kwibuka ku nshuro ya 32 Jenoside yakorewe Abatutsi, ndetse kikaba ari igikorwa ritegura buri mwaka, arishimira uruhare rwaryo mu kubungabunga amateka y'u Rwanda. Yakomeje abarokotse Jenoside yakorewe Abatutsi abasaba gukomeza gutwaza gitwari, ati "Mugire imbaraga, nta Kabasha uzongera kubabasha." Kabasha Tharcisse ni we warimbuye Abatutsi bo yahoze ari Komini Bwakira iherereyemo aka gace ka Kirinda, ubwo yari Burugumesitiri wayo muri Jenoside yakorewe Abatutsi. #Kwibuka32

Amateka y'uruhare rw'abayobozi b'amadini n'amatorero muri Jenoside yakorewe Abatutsi tuyavanemo somo ki? Igisubizo cya Minisitiri @DrDamascene: "Icya mbere ni uko umuntu wumva ari umuyobozi w’idini, wumva ari umushumba, uhari muri iki gihe cya nyuma ya Jenoside yakorewe Abatutsi, akwiye kuvanamo isomo ry’impinduka, akareba icyerekezo gikwiye umuntu koko, ntidufate ko aba bantu bari mu mateka yahise gusa kuko ingengabitekerezo ya jenoside, ipfobya n'ihakana rya Jenoside yakorewe Abatutsi biracyahari no mu banyamadini no mu banyamatorero. Ibi rero buri wese akwiye kuvanamo isomo ryo kuba Umunyarwanda mushya." "Icya kabiri, ababyeyi bakwiye kuvanamo isomo ryo kurera abana babatoza indangagaciro na kirazira by'umuco nyarwanda aho kubarerera mu rwango, kuko birangira urwango rubagejeje habi. Iyo urebye abana barerewe mu rwango n'ingengabitekerezo ya jenoside bakagenda bakarundukana na ba se na ba nyina, ni benshi. Ntibikwiye kuzongera kubaho." #Kwibuka32

.@DrDamascene: "Nta dini na rimwe ridafite abayobozi, abari abashumba, abasenyeri n’abakilisitu, babaye abajenosideri. Aho harimo ikibazo kinini. Ntegura iki kiganiro narebye amatangazo amadini yagiye yandika muri Jenoside yakorewe Abatutsi hagati, mbona inyandiko yanditswe n’Abasenyeri bane n’Abashumba b’Abaporotestanti umunani. Muri Gicurasi 1994 barahuye ngo barebe uko ubwicanyi bwahagarara mu Rwanda, bakora itangazo ribabaje. Inyito Jenoside barayihunze. Baravuga ngo hari kwicana ku mpande zombi, kandi bagahamagarira FPR guhagarika intambara, ngo nihagarika intambara ingabo za Leta zizatunganya umutekano w’Abanyarwanda. Izo ngabo za Leta ni zo zarimburaga Abatutsi, ni zo zayoborwaga na Serubuga Laurent Perezida Habyarimana yohereje ku Kabaya mu 1992 ari hamwe na Leon Mugesera, Mugesera akajya kuvuga ko Abatutsi bazakegetwa amajosi bagatabwa muri Nyabarongo." #Kwibuka32

"Kuroha Abatutsi muri Nyabarongo mu 1994 ntabwo byari bishya, uburyo bwose bwakoreshejwe mu kwica mu 1994 bwari bwakoreshejwe na mbere kuva mu 1959. Babataga mu migezi babanje kubatema." "Aha ku Kirinda hari umwihariko wo kuba twibuka Abatutsi imibiri yabo ikaba idahari. Ahandi henshi twibukira haba hari imibiri ihashyinguye, ariko aha ntihari kuko yajugunywe muri Nyabarongo. No mu bwicanyi bwo mu 1963 Abatutsi baratemwe bajugunywa muri Nyabarongo no mu yindi migezi." Ubutumwa bwa Minisitiri @DrDamascene mu kiganiro arimo ageza ku bitabiriye igikorwa cyo kwibuka ku nshuro ya 32 Jenoside yakorewe Abatutsi, ku Rwibutso rwa Kirinda, mu Karere ka @KarongiDistr.

Uyu munsi, Minisitiri @DrDamascene yifatanyije n'Itorero Presbyterienne mu Rwanda (EPR) n'abaturage b'Akarere ka @KarongiDistr mu gikorwa cyo kwibuka ku nshuro ya 32 Jenoside yakorewe Abatutsi, ku Rwibutso rwa Kirinda. Tariki 14 Mata 1994, mu Bitaro bya Kirinda no mu Ishuri ry'Ubuforomo n'Ubuforomokazi bituranye, hiciwe Abatutsi bari bahahungiye, barahatikirira harokoka umwe gusa. Abishwe bose baroshywe mu mugezi wa Nyabarongo. Iki gikorwa wagikurikira hano: youtube.com/watch?v=46UDKts-…

“Nk’urubyiruko, kurwanya abahakana n’abapfobya Jenoside ni inshingano zacu. Kuvuga ukuri no gusigasira amateka ni umusingi ukomeye muri urwo rugamba.” #Kwibuka32 #TwibukeTwiyubaka

Kuri uyu wa 5 Kamena 2026, Abanyamuryango ba Unity Club Intwararumuri bifatanije n’Akarere ka Rulindo mu gikorwa cya #Kwibuka32 Jenoside yakorewe Abatutsi mu 1994, byumwihariko uyu munsi hibutswe abagore n'abana bishwe muri Jenoside yakorewe Abatutsi. 📍 Ku Rwibutso rwa Jenoside rwa Mbogo haruhukiye imibiri isaga 670 y’abazize Jenoside yakorewe Abatutsi. Umurenge wa Mbogo kwica no gutoteza Abatutsi byatangiye 1992. Umurenge wa Mbogo kandi uza ku mwanya 2 mu mirenge ifite Imiryango yazimye @rulindodistrict Urwibutso rwa Mbogo ni rumwe mu nzibutso esheshatu zibitse amateka ya Jenoside yakorewe Abatutsi mu Karere ka Rulindo. #Kwibuka32 #TwibukeTwiyubaka

Kuri uyu wa 12 Kamena, Abanyamuryango ba Unity Club Intwararumuri basuye Ikigo cya Mutobo , gishinzwe Kwakira no Gusubiza mu buzima busanzwe abahoze mu mitwe yitwaje intwaro muri DRC, giherereye i @MusanzeDistrict ; banitabira ikiganiro nyunguranabitekerezo ku mateka ya Jenoside yakorewe Abatutsi n’urugendo rwo kubaka Ubumwe n’Ubudaheranwa bw’’Abanyarwanda. Igikorwa cyatangijwe basura ibikorwa by’abahoze mu mutwe wa #FDLR bemeye kurambika intwaro hasi bagataha mu Rwanda. Ubu Ikigo cya Mutobo cyakiriye abantu 682 bari mu cyiciro cya 77. #UnityClubIntwararumuri #MutoboDC

Ijambo ry’ikaze ry’Umuyobozi Mukuru wa @demobrwanda , Madamu Valérie Nyirahabineza, mu kiganiro nyunguranabitekerezo cyateguwe na Unity Club Intwararumuri cyabereye i Mutobo DC ku wa 12 Kamena 2026. Yagaragaje ko kuri ubu Ikigo cya Mutobo DC cyakiriye icyiciro cya 77 kigizwe n’abahoze mu mutwe wa FDLR n’imiryango yabo bangana na 682, barimo abari abasirikare, abasivili bafatanyaga n’imitwe yitwaje intwaro, abana bahoze muri iyo mitwe ndetse n’abagize imiryango yabo. Yavuze ko aba biyongera ku 12,714 bamaze gusezererwa no gusubizwa mu buzima busanzwe kuva mu 2001, ndetse ko kuva Komisiyo yatangira inshingano zayo mu 1997, hamaze gusubizwa mu buzima busanzwe abari abasirikare 72,109. Yanashimangiye ko intego ari “Kugarura abantu mu Rwanda no kugarura u Rwanda mu bantu”, binyuze mu kubafasha kwitandukanya n’ingengabitekerezo mbi, gusobanukirwa amateka nyakuri y’u Rwanda by’umwihariko aya Jenoside yakorewe Abatutsi, no kumenya amahirwe Igihugu gitanga binyuze mu miyoborere myiza, gahunda za Leta na #NdiUmunyarwanda, kugira ngo bagire uruhare mu iterambere ry’Igihugu.

"Turasaba imiryango n’abaturage bazakira abagize uruhare muri Jenoside yakorewe Abatutsi bitegura gusoza ibihano, gukomeza kugira uruhare mu kubafasha kwisanga mu buzima busanzwe, babakira mu bwubahane no mu bwizerane, ariko banabafasha gukomeza inzira yo guhinduka no kubaka imibereho myiza ishingiye ku mahoro n’ubufatanye." - Guverineri w'Intara y'Amajyepfo @AKayitesiAlice.

Impanuro za Guverineri w'Intara y'Amajyepfo @AKayitesiAlice asoza aya mahugurwa: "Mu gihe mumaze muhugurwa mwahawe inyigisho zitandukanye zagarutse ku mateka y'u Rwanda, kuri Jenoside yakorewe Abatutsi, ku rugendo rw'Ubumwe, Ubwiyunge n'Ubudaheranwa, ku miyoborere myiza, ku mutekano, ku gushyira imbere Ubunyarwanda, ku kubana n'imiryango yanyu n'umuryango mugari ndetse no ku gukumira no kurwanya ingengabitekerezo ya jenoside n'andi macakubiri. Ibyo mwize bibabere urufatiro rwo gutangira ubuzima bushya bushingiye ku kuri, ku kwicuza, ku kubaha abandi no gukorera Igihugu." Intara y’Amajyepfo ifite umwihariko wo kuba ariyo ifite umubare munini w’abarangiza ibihano ku byaha bya Jenoside yakorewe Abatutsi. Muri iki cyiciro cyonyine ku bagororwa 644, 287 ni abo mu Ntara y’Amajyepfo. Ibi bifitanye isano n’ubukana Jenoside yakorewe Abatutsi yagize muri iyi Ntara, aho Abatutsi benshi bishwe urw’agashinyaguro, ibikorwa remezo n’imiryango bigasenyuka, ndetse ingaruka zayo zikaba zikigaragara no kugeza uyu munsi.

Uyu munsi hasojwe icyiciro cya munani cy'amahugurwa ku kwimakaza Ubumwe n'Ubudaheranwa, yahabwaga abagororwa bahamijwe kugira uruhare muri Jenoside yakorewe Abatutsi bitegura gusoza ibihano, mu Igororero rya Nyamasheke, kuva ku wa 18 Gicurasi 2026. Umuyobozi Nshingwabikorwa ushinzwe Ubumwe bw’Abanyarwanda n’Ubudaheranwa @alice_kayumba, yagaragaje ko aya mahugurwa yatanze umusaruro ushimishije kuko yafashije abagororwa bitegura kurangiza ibihano kurushaho: 👉Kumva neza uruhare rwabo n’uburemere bw’ibyaha bakoze; no gusobanukirwa imbaraga zo gusaba imbabazi; 👉Gusobanukirwa umurongo Igihugu cyiyemeje kugenderaho n’uruhare rwabo mu gutuma Icyerekezo cy’Igihugu kigerwaho; 👉Kwiyemeza gufatanya n’abo bazasanga (imiryango yabo n’abaturanyi) mu kurinda ibyagezweho no guharanira kubana neza n’abandi. Abagororwa bashimye aya mahugurwa kuko yabafashije kumva uburemere bw'ibyaha bakoze banzura kutazongera kurangwa n'ingengabitekerezo ya jenoside, ndetse bamwe biyemeza gusaba imbabazi abo bakoreye ibyaha, abandi batanga amakuru y'ahari imibiri y'abishwe muri Jenoside yakorewe Abatutsi kugira ngo bashyingurwe mu cyubahiro. Kuva hatangijwe aya mahugurwa muri Werurwe 2025, hamaze guhugurwa abagororwa 2.748 barimo abagabo 2.544 n'abagore 204. Abagabo bahugurirwa mu Igororero rya Nyamasheke, abagore bagahugurirwa mu Igororero rya Nyamagabe.

Mu kiganiro yagejeje ku bitabiriye iki gikorwa, Minisitiri @DrDamascene yagaragaje ububi bw'inyandiko ya "Manifeste y'Abahutu" yo mu mwaka wa 1957 ikubiyemo urwango ku Batutsi n’ibinyoma byinshi, nko kuvuga ko Abahutu, Abatutsi n'Abatwa ari abantu badahuje inkomoko (RACES). Yasabye Abanyarwanda kwima amatwi abatagatifuza iyi nyandiko rutwitsi ku mbuga nkoranyambaga kuko ivanguramoko ryabibwe na yo ari ryo ryagejeje kuri Jenoside yakorewe Abatutsi, bazirikana ko mbere y’umwaduko w’Abakoloni Abanyarwanda bemeraga ko basangiye inkomoko nka Bene Kanyarwanda kandi bakarinda iyo sano-muzi basangiye. Yibukije ko Ubumwe bw’Abanyarwanda bugeze ku gipimo cya 95,3% kubera imiyoborere myiza ya Nyakubahwa Perezida wa Repubulika Kagame Paul, imiyoborere twese dukwiye gukomeza gushyigikira dushyira imbere ubumwe bwacu, imitangire myiza ya serivisi n’indi myumvire ituma turushaho kubaka u Rwanda rwiza ruzira ivangura, rutazongera kurangwamo jenoside. Yasoje agira ati: “U Rwanda ruzahora ari rwiza, ibyo gusubira inyuma byararangiye.” #Kwibuka32

Minisitiri @jnabdallah yasabye abahanzi n’abakora siporo ko bajya bazirikana ko ubuhanzi na siporo bakora bikwiriye gushimangira ubumwe bw’Abanyarwanda bakarushaho gukoresha impano zabo mu kubaka Igihugu. #Kwibuka32

Aka kanya: Ku Rwibutso rwa Jenoside rwa Kigali harabera igikorwa cyo kwibuka ku nshuro ya 32 abahoze ari abakozi ba Minisiteri y'Urubyiruko n'Amashyirahamwe (MIJEUMA), abakinnyi n'abahanzi bishwe muri Jenoside yakorewe Abatutsi. Iki gikorwa wagikurikira hano: youtube.com/watch?v=EXI4GG_V…

Minister of National Unity and Civic Engagement, Dr. Jean Damascène Bizimana, began by offering comfort to survivors of the Genocide against the Tutsi from the former Prefecture de la Ville de Kigali (PVK). He reminded them that life triumphed over genocide, a reality reflected in the testimonies and memorials preserved at the Nyanza-Kicukiro Genocide Memorial and its garden of remembrance, Jardin de Mémoire. Dr. Bizimana focused on Nyarugenge, Kacyiru, and Kicukiro, the areas that formed the City of Kigali during the 1994 Genocide against the Tutsi. He explained that although PVK had been provided for in law since Rwanda’s independence, it was only established in 1990, after the launch of the liberation struggle. He noted that its creation helped facilitate the implementation of discrimination policies and atrocities targeting Tutsi. According to the Minister, local authorities were instructed to identify, arrest, detain, persecute, and kill Tutsi, who were falsely accused of being accomplices of the RPF. He also referred to the testimony of former Nyarugenge Mayor Jean Bizimana, who admitted taking part in planning meetings, distributing weapons, mobilising perpetrators, and leading attacks against Tutsi, particularly at St. Paul and Ste Famille. This testimony, the Minister said, demonstrates how the genocide was organised and carried out with the involvement of government authorities at the time. “The history of the Genocide against the Tutsi is well documented, and Rwanda cannot accept any attempt to distort or deny it. Doing so would be an insult to survivors,” he reminded. Dr. Bizimana stressed that the Genocide against the Tutsi was not spontaneous killings, but a carefully planned and executed project. He called on Rwandans to continue preserving this history while working together to build the country they aspire to. He said this is the most meaningful tribute to those who stopped the genocide and an important legacy for future generations. Remember - Unite - Renew. #Kwibuka32

RT @UrugwiroVillage: This afternoon in Paris, President Kagame and First Lady Jeannette Kagame join President Emmanuel Macron, along with s…

Livestream: À Paris, l'inauguration du Mémorial en hommage aux victimes du génocide perpétré contre les Tutsi au Rwanda. #Kwibuka32 youtube.com/live/AQJLpDnF4HQ…

Mukurikire igikorwa cyo gufungura ku mugaragaro Ikimenyetso cy’Urwibutso rwa Jenoside yakorewe Abatutsi mu 1994, i Paris mu Bufaransa: youtube.com/watch?v=AQJLpDnF…