🔺 کوردستان ئۆنلاین | ڕیوار ئاودانان وتەبێژی پارتی ژیانی ئازادی کوردستان -پژاک- لە وتارێکدا لە ساڵی ٢٠٢٤ پێشنیار بە ئێران دەکات لەجیاتی هێرشی ڕاستەوخۆ بۆ سەر ئیسرائیل، هێرش بکاتە سەر ناوچەکانی ژێر دەسەڵاتی بارزانی لە هەرێمی کوردستان؛ ▫️ریوار ئاودانان ئەندامی پێشووی کۆنسەی سەرکردایەتی کۆما جڤاکێن کوردستان (کەجەکە) و وتەبێژی ئێستای پژاک لە وتارێکدا کە دوو ساڵ پێش ئێستا لە پێگەی فەرمی “تەڤگەری ئاپۆیی” ANF-Farsi لە رێکەوتی ٧ی ٤ی ٢٠٢٤ بڵاوکراوەتەوە باس لە ئاڵۆزییەکانی ئێران و ئیسرائیل دەکات کە لە پەرەسەندندایە. وتارەکەی ئاودانان دەگەڕێتەوە بۆ ئەو کاتەی کە ئیسرائیل هێرش دەکاتە سەر کۆنسولخانەی ئێران لە دیمەشق، کە بە هۆیەوە چەندین فەرماندەی تیرۆریستی سوپای قودس سەر بە سوپای تیرۆریستی پاسدارانی ئێران تێدا کوژران. لە وتارەکەدا ریوار ئاودانان ئێران بە هاندەری سەرەکی حەماس دەزانێت بۆ هێرشکردنە سەر ئیسرائیل و دەڵێت: “ئێران بۆ پاراستنی ناوچەکانی ژێر دەسەڵاتی خۆی ناچار بوو شەڕی غەززە هەڵبگرسێنێ” و پێوایە کە “ئیسرائیل بۆ پاراستنی باڵادەستیی هێژموونیی خۆی لە ناوچەکەدا، ناچارە ڕووبەڕووی داڕێژەری سەرەکیی شەڕی غەززە واتە ئێران ببێتەوە. ئەگەر وا نەکات، شەڕی غەززە و قۆناغەکانی دواتری ئەو شەڕە، لێکەوتەکانی کوشندە دەبن بۆ ئیسرائیل.” ئاودانان لە وتارەکەیدا بارزانی بە هێزی وابەستە بە ئیسرائیل پێناسە دەکات و پێوایە “باشترین بژاردە کە ئێران بتوانێت بۆ تۆڵەسەندنەوە لە دژی ئیسرائیل هەڵیبژێرێت، بەئامانجگرتنی ئەم هێزە وابەستانەی ئیسرائیلە، کە ئەگەر دەرفەتی زیاتریان پێبدرێت، بێگومان ڕێڕەوەکانی هەناسەدانی ئێران لە قەفقاز و ئاسیای ناوەڕاست دەبڕن. بەتایبەت ئامانجە سەربازی و ستراتیژییەکان لە خاکی تورکیا ـ ئازەربایجان ـ ناوچەکانی ژێر دەسەڵاتی بارزانی، سەرەکیترین ئەو خاڵانەن کە دەکرێت لەلایەن ئێرانەوە بکرێنە ئامانج. ئێران لە ڕێگەی هێرشکردنە سەر پێگەکانی تورکیا، ئازەربایجان و بارزانی، دەتوانێت هەم وەڵامی هێرشی ئیسرائیل بۆ سەر کۆنسوڵخانەکەی بداتەوە، هەمیش ڕێگری لەو مەترسییە گەورەیە بکات کە لە قەفقازدا هەڕەشەی لێدەکات. بە پێچەوانەوە، دەبێت چاوەڕوانی ئەوە بکرێت کە لە مانگەکانی داهاتوودا، مەیدانەکە زیاتر لە جاران لە ئێران تەنگ بکرێتەوە. لەلایەکی دیکەوە، ئەگەر ئێران لەبری بەئامانجگرتنی سەنگەرەکانی ئیسرائیل لە قەفقاز و ناوچەکانی ژێر نفوزی بارزانی، دەست بکات بە ڕووبەڕووبوونەوەی ڕاستەوخۆ لەگەڵ خودی ئیسرائیلدا، بێگومان شەڕەکە پەل دەکێشێت بۆ قۆناغێکی ترسناک و وێرانکەر”. #کوردستان | #کورد | #بارزانی | #پژاک

بەستنەوەی کەیسی ژنانی #کۆمەڵە بە ناوەندەکانی چەپی ڕادیکاڵ و پرۆحەماس، هەم بۆ کۆمەڵە و هەم بۆ کورد مەترسیدارە، ئەم چاپخانە لاکۆڵانانەی جیهان کە ئەمانە کتیبی تیا چاپ دەکەن، هیچ گرنگی میتۆدیکیان نییە و پۆپاگەندای جەپی ئیسلامی جیهانین و کۆمەڵە دەخاتە ئەو بەرەوە.

دەقی وەرگێڕدراوی "ستراتیژیی دژەتیرۆری ویلایەتە یەکگرتووەکانی ئەمریکا ٢٠٢٦" t.me/AttaJamali1/222?single