ఆంధ్రప్రదేశ్ను సరికొత్త నిర్మాణ హబ్గా మార్చే లక్ష్యంతో, నేడు మంగళగిరి సి.కె. కన్వెన్షన్ హాల్ లో “నేషనల్ వర్క్షాప్ ఆన్ స్కిల్లింగ్ ఇన్ కన్స్ట్రక్షన్ టెక్నాలజీస్”ను అత్యంత విజయవంతంగా నిర్వహించాం. అమరావతి పునర్నిర్మాణం, మౌలిక సదుపాయాల విస్తరణ నేపథ్యంలో పెరుగుతున్న డిమాండ్కు అనుగుణంగా మన కార్మిక శక్తిని అధునాతన నైపుణ్యాలతో సిద్ధం చేస్తున్నాం. గత ప్రభుత్వ ఉదాసీనత వల్ల నిధులున్నా స్కిల్ డెవలప్మెంట్కు ఒక్క రూపాయి కూడా ఖర్చు చేయక యువత తీవ్రంగా నష్టపోయారు. అయితే, ప్రస్తుత మా కూటమి ప్రభుత్వంలో గౌరవ ముఖ్యమంత్రి శ్రీ
@ncbn గారు మరియు
@naralokesh గార్ల కృషితో లక్షల కోట్ల పెట్టుబడులు, గూగుల్ వంటి అంతర్జాతీయ దిగ్గజ కంపెనీలు మన రాష్ట్రానికి వస్తున్నాయి.
మన కార్మికులు 'హార్డ్ వర్క్' నుండి 'స్మార్ట్ వర్క్' వైపు మారేలా ఆధునిక టెక్నాలజీ, గ్రీన్ బిల్డింగ్స్, మరియు భద్రతా ప్రమాణాలపై NAC (నేషనల్ అకాడమీ ఆఫ్ కన్స్ట్రక్షన్) సహకారంతో శిక్షణ ఇస్తున్నాం. ఈ విప్లవాత్మక కార్యక్రమాలను రాబోయే 2026-27 ఆర్థిక సంవత్సరంలోనూ మరింత విస్తరిస్తాం. ఈ శిక్షణ కోసం జాతీయ స్థాయిలో పేరుగాంచిన అగ్రశ్రేణి నిర్మాణ సంస్థలతో రాష్ట్ర స్కిల్ డెవలప్మెంట్ అండ్ ట్రైనింగ్ విభాగం ద్వారా కీలకమైన అవగాహన ఒప్పందాలు (MoUs) కుదుర్చుకోవడం జరిగింది.
'స్కిల్ ఇండియా' లక్ష్యాలకు అనుగుణంగా లేబర్ సేవల డిజిటలైజేషన్ పూర్తి చేస్తూనే... కార్మికులకు ప్రసూతి సహాయం, వివాహ కానుక, మరణ మరియు అంత్యక్రియల సహాయం కింద బలమైన ఆర్థిక భద్రత కల్పిస్తున్నాం. సంఘటిత, అసంఘటిత రంగ కార్మికుల, మరియు మహిళల భద్రత, గౌరవం కొరకు రాష్ట్రవ్యాప్తంగా 15 కీలక ప్రాంతాల్లో “ఇంటిగ్రేటెడ్ లేబర్ అమెనిటీస్ కాంప్లెక్స్ (ILAC)” కేంద్రాలను, లేబర్ అడ్డాలను ఏర్పాటు చేస్తున్నాం. మాతో చేతులు కలిపిన పరిశ్రమ భాగస్వామ్య సంస్థలన్నింటికీ నా అభినందనలు.
ఈ ప్రతిష్టాత్మక కార్యక్రమంలో ఆంధ్రప్రదేశ్ భవన మరియు ఇతర నిర్మాణ కార్మికుల సంక్షేమ బోర్డు చైర్మన్ శ్రీ వలవల బాబ్జి గారు, మానవ వనరుల శాఖ (పాఠశాల విద్య) కార్యదర్శి శ్రీ కోన శశిధర్ గారు, కార్మిక శాఖ సెక్రెటరీ శ్రీ శేషగిరి బాబు గారు, లేబర్ కమీషనర్ శ్రీ గంధం చంద్రుడు గారు, స్టేట్ స్కిల్ డెవలప్మెంట్ అండ్ ట్రైనింగ్ ఎండి శ్రీ గణేష్ కుమార్ గారు, ఇతర ఉన్నతాధికారులు మరియు నిర్మాణ రంగ ప్రముఖులు పాల్గొన్నారు. కార్మికుల శక్తికి ఆధునిక నైపుణ్యం జోడించి రాష్ట్రాన్ని ప్రగతిపథంలో అగ్రస్థానానికి తీసుకెళ్తాం.
#NationalWorkshop #constructionmanagement
#skilldevelopmenttraining
#MemorandumOfUnderstanding
#Amaravati #AndhraPradesh