انا الذكي وانا الفطن وانا الذهين وبعد اختبارك صرت عكس وصوفها لمحّت لي لكن طبوع العاشقين كنها تغم عيونها بكفوفها اهل العقول بشارتك ماتستهين واهل القلوب تمرها وتطوفها وبعض الفرص تشبه وجيه العابرين لامرتك مره ماعاد تشوفها

المبدع اللي مالقى منصف ابداع ينشر قصيده ولا يحفظ قصيده؟

ماعاد ادور منك حب ومعاذير من صرت حتى فالخطايا تبيِّت عندك شعور؟وصال؟توضيح؟تبرير؟ خله على قبري ليا صرت ميت

على كثر مادمح واسامح من اسنين الملتزم بالحلم مافاد حلمه قانوني الاول ماهو مثل ذلحين اللي تبنى سلم عود ل سلمه اسامح اللي قد جرحني بسكين ولا اسامح اللي قد جرحني بكلمة

صبري من الايام وضروفها باح ماخلته سود الليالي لحله الوقت متبني له سيوف ورماح اتصاوب الرجال ويجيه خله ماهيب صيده وازهب رصاص وسلاح ولا هيب سلعه وادفع المال كله بين الرجاء والياس ذا جاء وذا راح تقول كني عايشً في ممله احزن من البلوى ولكني ارتاح اليا ذكرت انها محبه من الله ولساني اللي تقل دلوً بميّاح قامت ترده عبرتي عن محله اصعب على الحيين من نزع الارواح منه انزع الترحيب والحمدلله

راح عمري ما تريّحت يالله المستعان و الأمل في مقبلات السنين أربها كل يوم اسجها من مكان اليا مكان الدروب ادلها والرجوم اذبها من غلا الي شانها في سويدا القلب شان جادل سبة جروح الضمير وطبها غاب عني بعد دارت دواليب الزمان وذكرياته كل نسمة هبوب تهبها جامعً صوته مابين التغنّج والحنان ودي امسك كلمته لاهرج واحبها

للحزن والقسوه على حالي اعراض ومابيك تلمح طيحتي واحتياجي وودي ماتنظرلي وانا كلي امراض حاول تصد الين اخلص علاجي

شاعر شاب ومبدع اسمه عبدالله مطلق ما اعرف والله وش يرجع لكنه يقول فدى الطيّب اللي طاب فينا وطبنا فيه ضعيف بيدفن ماظهر شي من طيبه ماهو بأي واحد لا بغى حاجه نلبيه نعرف الحصان اللي نلبي مطالبيه بعضهم لزومه في يدينا ولا نعطيه وبعضهم لزومه في يد الناس ونجيبه

فدا الطيب اللي طاب فينا وطبنا فيه ضعيفً بيدفن ماظهر شي من طيبه ماهوب اي واحد لا بغى حاجه نلبيه نعرف الحصان اللي نلبي مطاليبه بعضهم لزومه في يدينا ولا نعطيه وبعضهم لزومه في يد الناس ونجيبه

على ذكرى وصالك عافت الدمعه جفون العين تفلت منّها كنها شجاعً بين فراعه يضيق الخاطر اللي مايضيق الا على الغالين ويرتاع الفواد اللي ماغيرك داج مرتاعه ياللون الورد يارق الجفن ياشفرة السكين تواصيتي على اللي مابقى له ظرف مالاعه تعلق يوم شافك والمحبه والوله مقفين من الاقفايه وعينه على الجوال والساعه تمنى الوصل لكن الاماني سلوة الهاوين تواعد بالنعيم وتوهم اللي مشهبً قاعه تعيش الناس ترجي والامل عيّش ميات سنين بدونه مايعيش المؤمن الا في رجى الطاعه لا يأسً في حياتي لين اعيش مواجه المقفين والى خذني الممات الموعد اليا قامت الساعه

ماني بملحقك شرهه ولا ملحقك لوم يفرق عيال الرياجيل مركض خيلها احسبني لانصيتك وانا راعي لزوم مثل ماتنصاني الناس والبي لها

متى تجيني؟ وينك؟احتاجك! اشتقت! من غيبتك عيت تبين الحقيقه اتجيبك الذكرى ويقفي بك الوقت وانا على ذا الحاله وذا الطريقه

ياهواء البال لا يسري بك الليل كله ' الهوى مالحق منه الهواوي شفوفه ' تارك لي تحت ضوح النجوم المطله ' وجعة الي على الاطلال طول وقوفه ' غالي صدّ ماكان الجفى عادتٍ له ' العهد فيه ساعة ماشرح لي ظروفه ' يوم راحت عيونه مزنةُ مستهله ' ودي اني فقدت الشوف قدام اشوفه ' يبطل الجرم لأبانت وجيه الادله ' لو لحقني على باقي حياتي حسوفه ' له علي دام للعشاق مذهب ومله ' اذبح آطيب عيال البل كرامة طيوفه '

صدورنا كانت اوسع من فجوج الرحاب والحين ضاقت على اللي في حماها ربا ولاعاد تقبل خطاء ولّا تلحّق عتاب واللي يبى الصده يكرّم . ويامرحبا من يحسب ان الرجوع بيده. مثل الغياب الصد للي يبي والوصل للي نبى

''الجديد'' ضريبه الحب عزله وارتعاده وضيق ولا ترددت فيها سقتها له ورق تشابه العاشقين مع اختلاف العشيق لكن انا العاشق اللي في شعوره فرق لايخدعونك عشاشيق الصور والفريق العاشق اللي لاجاء طاري عشيقه شرق وماهوب شرط الغريق يقال عنه غريق سميت عاشق وانا اللي في عيونه غرق متمسك فيه لاني كنت اظنه رقيق ماكنت اظنه شرارً من لمسه احترق القلب طبعه حذر والعقل طبعه دقيق يميزون العباد ويعرفون الطُرق وشلون بْرتاح لامني مسكت الطريق وكل الطرق في نهايتها يجي مفترق

صديقي اللي مانقص من غلاه الغياب اول من احصله لاصرت احس بخطر من كثر ماهو نظيف من الحسد والخراب الديره اللي يجي فيها يجيها مطر

درةٍ كنها من الفردوس ،، منزلها نزاله ربٍ الارض تخشع له والجبال الي عليها وجد حالي لجلها وجد الذي ماتو عياله واخذو العربان حقه لين عود يرتجيها

هود الليل واجتاح الفؤاد بنسيمه واستفز الشعور اللي له ايام سالي كل لحظه تعزف اوتار ذكرى عظيمه وادعت واقعي واستوطنت في خيالي يا رفيقي ترى بعض السوالف عقيمه نشدتك كيف حالي سم قلبي وحالي والله ان حزني اصدق من دموع اليتيمه لا ضروفي شماليه ولاني شمالي يوم اشوف انتصاراتي بطعم الهزيمه فاقدٍ في ثنايا فرحتي صوت غالي فرحتي عابره واحزان فقده مقيمه يا وجودي على وجه السنين الخوالي كل ما قلت بعده ما للايام قيمه زاهد بمكسبي فيها وفي راس مالي اتذكر لياليه الملاح القديمه يوم علمني مصادم ضروف الليالي مع دروبه رسمت دروبي المستقيمه ومن علو اهتماماته عشقت المعالي ليته يشوفني يوم اكسب شداد ريمه وافرح بضحكة محياه وارفع عقالي محمد خالد

مخوف الحكام ومهيب الغرب واهل المرض والله ان تموت بمرضها بيانه يخلي الحكومات في كرب مافيه دوله تبغضه مانفضها ودهاه ماخلاه ينقاد للحرب مخلي اخصامه تحارب بعضها