اشوف المحبه في عيون الزحول آنصاف مثل يوم اشوف الحزن في عيون حسادي زايد بن ذعار

طارقً باب السلامه .. ولا حولي سلام كيف اعيّن لي سلامه، وليلي سرمدي فيني مْن الضيق .. مايكبت صدور الانام وفيني مْن الشوق مايجعل العقل يغدي الوحيد .. اللي مابين المعارك والغرام هو يرد الشوق … ولاّ يرد المعتدي ؟ واحدً فارق مرابيك .. ياغضّ القوام فارق الضحكه وسافر مع الحزن المدي من فقد لذّة وصالك تعشّاه الظلام مغترب، لو ماتعدّيت ربعي وابلدي في عيوني حرّ دمعه وفي صدري كلام تايهً من وين اوقّف، ومن وين ابتدي يابعيدة … يرحم الله لياليك القدام يوم كان البعد مسفوه، والوصل اجودي ان ضمينا ؟ نارد العشق ميراد الحيام وان وردنا ؟ سالفتنا على نجم الجدي كان عمري قبل يوم اللقاء عشرين عام ومن لقيتك صار لقياك ساعة مولدي! استبيحك عذر، والعذر ساس الاهتمام من وداعً لا بكيفي .. ولا هو في يدي ): ان قدرت اجيك، غنّي مادام الحظ قام وان تباطيتيني" إبكي على الحظ الردي

" اسلم .. و سلم لي على كل رجال اليا نصوه الناس ؟.. راسه يكيّف ماهوب فـ ارض المجد نازل و رحال على عدود المجد " شتّى و صيّف " بشاشة الرجال !.. في كل الاحوال كرامة الضيفان .. عند المضيّف الطيب : وهبه كنها وهبت المال على ملاك الكفو !.. خل الضعيّف " اللاش " عمره راح ماعنده افعال و ان طاب غيره صاب كبده تليّف وجه الردي لا شاف وجه الزمن مال براده .. اقوى من ( براد المكيّف )

كل ما هيفت شمس العصر لـ المغيب اسري الليل مسرا الي تباطا هله يالقريب البعيد و يالبعيد القريب اخر الدرب يا شينه و حلو اوله انت ريمً تذير في جراهيد ذيب وين ما هب ذعذاع الهوا جفله عاد جرحي بعد يوم الموادع عطيب و عاد قلبي حزين و خاطري ما دله مشكلة شاعرك قافه لا يمكن يشيب لو تراعي شعوره شعره المشكله

يطول الوقت بـ غيابك بدون قياس يا ليت الوقت يقصر مثل تقصيرك على درب المحبه .. معلن الأفلاس و آخاف إن قل وصلك قل تقديرك تركت القلب عايش بين هم و ياس ولا تقدر !.. تبرّر لي ( معاذيرك ) ؟ لاتجبرني آشوفك مثل : كل الناس و أنا ماودي آشوفك .. مثل غيرك

عذوبة سبيع '' '

القصيده كتابه يآصدقاء ' دمعتنُ حايره بين النصر والهزيمه كل ماهبت أنسام الهواء حركتها في زوايا العيون ألقى العلوم القديمه مايداري القلوب اللي مايعرف لغتها العتب تذكرة فرقاء عليها وسيمه كل ماعانقت بيض القلوب جرحتها مغريات الزمن تقلط بليا عزيمه كان ماجات بأخرتي بجيب أخرتها عقلي اللي يوازن له بلد وصّل تيمه ضيعته المهاه بضحكها وأسالتها كل وادي تثنى في مرابيه أهيمه من عذوبة سبيع أغني معلقاتها فارعٌ تنطح الغربي وتقسم نسيمه ودك إن الهواء لاهب جاء من جهتها عيفتني هواء سمحه وحلوه وريمه بعد ماكنت من خلفاتها لا جنبتها ياصديق الحياه الصدق ذّب الخريمه طالع الناس يوم الناس تظلم بختها الشّجاع تهزم نفسه دموع اليتيمه وده يعوضها في الدمعه اللي بكتها أنت راعي الشداد اللي مايِفرح خصيمه تحت مآطاك من هرج القفى مرجلتها أن تشيمت في وجيه الرياجيل شيمه وأن تلفتَ نزلت العرب منزلتها عاد سنك شباب وعاد خيلك مقيمه كم غرابيتّن تكسر عليك رقبتـها

.. انا الكتاب اللي ما تكفيه الرفوف عنوانه اللي ما بعد ليل ( ارقده ) الوقت ماجاني على حسب الشفوف الموت حتى صايرٍ .. ما استبعده طرحني الواقع : و انا احب الوقوف و المجتهد .. ما عاد ينفعه جهده ماعاد عندي شي احب وشي اعوف الا اني اشكر من خلقني !.. و اعبده صارت همومي لا اقبلت تقبل صفوف مافيه هم !!. الا معه هم بـ يده صدري مهوب من الضلوع من السيوف و لـ كل سيف مقطعه ( على حده ) اضيق لين الضيق جاني منه خوف لا آصير انا اول من يورّثه ( ولده ) الحب كلمه كلبوها .. اربع حروف فيها من الاحزان " قومه وقعده " حتى الحبيب يشوف ماكنه يشوف رغم اني اكثر من دعا ما يفقده ! لي مده وحالي تحت ضغط الظروف اللي يبي له ظرف " يبشر بسعده "

قفل ملف , الذكريات السعيده وعده مع اللي طيب الله ثراهم ماينفع افتح معك صفحه جديده انس الغلا اللي كنت انا فيه واهم ! ماكنت سيده ؟ يوم انا كنت سيده ! خلاص ما بيني , وبينك تفاهم الله يجيب اللي يجيب القصيده ولا يجيب اللي يجيب الدراهم !!

صباح الخير، هذا والله الشعر الحقيقي البيور العذب اللي انتقاه زايد من الوديان

أنا زايد ذعار مانيب حي الله 😁

لله درك لله درك يامبدع . 👏🏻 ياصديق الحياه الظلم ذب الخريمه طالع الناس يوم الناس تظلم بختها

فارعً تنطح الغربي وتقسم نسيمه ودك ان الهوا لاهب جاء من جهتها عيفتني هوا حلوه وسمحه وريمه بعد ما كنت من خلفاتها لجنبتها يسسسلام يبو ذعار ياسسلام 👏👏

الحاسد أكبر حلمه يشكّل مع الطيّب خصام و حنا نخلّي مثله و شرواه .. لـ الحلم درجه

لا اخنقتني ليه ما اقول اخنقتني ؟ ( عبرت ٍ ) رقتني الضلع المشرف يا بعيد الدار لو .. دارك .. جفتني ! جيت لك بـ العرف ماجيت اتعرف لا تقول .. ان الضغوطات ابعدتني لقّني وجهك وانا اللي .. بـ اتصرف استباحت عينك حماي .. و رمتني وانا !.. من حماية " الحد المطرف "

قصيدة المشاركة في موضوع التكاتف " يوم اقول انّ الجماعة عز .. ياخي لا تغارب الكلام يزيد ثقل ان ضفت له واو الجماعه لو ندقق نكتشف وش سر لـ الساعه عقارب الثواني و الدقايق تتحد !.. و تصير ساعه

دون عز النفس لو طحت متساوي اتحمل والمذله ، ما احتملها حاجةٍ عيت تجيني , بـ المناوي جعلها لا راحت ، تروّح قبلها الحيا لا طاول , الوجه الحياوي ضيقته وشلون , بيعين بدلها ؟ وش علي لو قالو ان الليل ضاوي النشاما علمها , يفني جهلها المصايب , لو ما يقواها مقاوي ؟ العزوم تورد , السمعه لـ اهلها ! انتزع وجه الطموح مْن الهقاوي من يحاول يوصل القمه وصلها !!

" لا تيئسين انا عدو الياس لو قلتي انا وين وانتي وين اللي يميل لعودك المياس ما مال لضروف الزمان الشين

يستاهل آبو مفلح التاهل والعلم الغانم '🥇 #ناصر_بن_مفلح_في_مثايل