اطّلعت ع ملف التنشيف المجاني ولا باقي ؟ 👀 اذا تبغى تنحف قبل العيد وضايع بتلاقي فيه كل شيء تحتاجه بملف واحد: - من جداول غذائية متنوعـة/جداول تمرين متعددة - لجداول جاهزة لمتابعة نتائجك - لكيف تنحف بدون حساب السعرات وكيف تطبق نظام الصيام المتقطع والتغذية الحدسية بشكل صحي ! شاركه مع أي شخص مهتمّ ⬇️

فيه فكرة خاطئة متكررة حول إنك لازم يصير ظهرك بوضعية معيّنة وانت تتمرن ديدليفت عشان ماتجيك اصابة، ولازم شكل جسمك يصير بوضعية معيّنة وانت بالسكوات وخارج التمرين ايضا مثل: حاول تخلي ظهرك دايم مستقيم، ولازم تجلس جلسة صحيحة، ..الخ وش مدى صحة هالكلام؟ العلم يثبت ان مافي وضعية صحيحة

- ظهرك غير مستقيم - جلستك غير مستقيمة - حوضك مايل للأمام …الخ وغيرها من هذي المشاكل، هل هالوضعيات تدل ع مشكلة فعلًا عندك مثل ماهو منتشر الآن مثل ضعف عضلات وقوة عضلات اخرى؟ ببساطة لا غير ضروري - لانك علميًا صعب تحدد وضعية الشخص هذي فيها خلل او لا بناءً ع وقفته وشكله فقط

بالاضافة لهالنقطة الصيام المتقطع حتى لو ضبطنا السعرات ممكن مايناسب أغلبية النساء الاستمرار عليه مدة طويلة كأسلوب حياة

طحت ع هالبروتين من ايهيرب وحرفيًا واو اول مرة اشتري بروتين وتكون ريحته حللوة بالشوكولانة الداكنة 🤍

الخاص مفتوح اذا عندك سؤال وتعتقد اني اقدر افيدك 🤍

نصائح للمبتدئ فيه امور كثير ممكن تسبب لك قلق لكن حبيت اوضح لك: -عادي اول اسبوعين من التزامك ماتشوف نتيجة لأنك قاعد تجرب كمية الاكل المناسبة لك - عادي قياساتك ما تتغير كلها واكثر مناطق مضايقتك ماتتغير مباشرة - عادي وزنك يثبت لكن تابع قياساتك ولا تكتفي بالميزان - عادي قياساتك تتغير ١-٣سم ويعتبر تغير ممتاز لاغلب الاشخاص لاتتوقع انك كل اسبوع بتنزل بشكل خرافي - عادي بعد فترة من التزامك يثبت وزنك، قلل سعراتك شوي بس - عادي اول اسابيع مايكون تكنيكك بافضل شكل لكن حط ببالك ان مافي تكنيك مثالي وحتى لو كان تكنيكك سيء فانت جالس تستفيد - عادي اول الاسابيع ماتلتزم بكل الأمور الي مفترض تلتزم فيها : خطواتك نومك اكلك تمرينك (تدرّج ) - عادي اذا اكلت من برا لأي سبب من الأسباب انك وترجع تلتزم باقي اليومم بالي تقدر عليه، لاتنتظر تبدا يوم جديد ولا اسبوع جديد .

قاعدة عامة مهمة 🛑 لا ينصح بأخذ المكملات المتعددة ولا أي نوع من الفيتامينات دون وجود داعي صحي كوجود نقص او حالة صحية "مثل مشاكل امتصاص التغذية بالجهاز الهضمي" يفضل تغطية الاحتياج من الغذاء المتنوع والمتوازن استشر طبيبك لمعرفة حاجتك

ممكن اكون شخص مزعج نوعًا ما 😂 لكن اذا انك مبتدئ وبتخسر دهون ، اتمتى تخصص من وقتك نص ساعة تطّلع فيها ع الملف الي بالتغريدة المثبّتة لأني فصلت فيه بشكل كبير عن كيف تتعامل مع الثبات، الجوع، الطاقة، كيف تسوي جدول مناسب لك مع جداول جاهزة ..الخ واتمنى انه يكون مرجع مفيد لك🤝

- وزني ثابت، مع اني ملتزم جدًا هل اكيد تاكل اقل من سعراتك؟ - ما أحسب سعراتي لكن اكلي نظيف وقليل .. يا صديقي مو بالضرورة تحسب سعراتك ومن حقك لكن ايضًا مو بالضرورة اذا اكلك "نظيف" انه اقل من احتياجك، حتى لو كان قليل، ممكن زيادة ملعقتين بوجبة او سناك خفيف نقنقه تزيدك ٢٠٠-٣٠٠ سعرة زيادة وتصير بسعرات محافظة الي أنصحك فيه اذا ماتحب تحسب أكلك انك تحط حدود لك بالوجبات تلتزم بكميات معينة يوميًا ١-مثلًا تمنع اللغوصة والاكل عالي السعرات ٢-تاكل حصة لحصتين فاكهة يوميًا ٣-ماتشرب سعراتك ٤-تختار الاطعمة الاكثر اشباع وكميتها أقل ٥-تضيف حصة أساسية من الياف بكل وجبة كمية بروتين كافية آخر نقطة تحتاج تلتزم بالنظام اسبوع لاسبوعين وترجع تاخذ قياساتك لو نزلت امورك تمام استمر لو مانزلت بكل بساطة قلل الكمية / ارفع نشاطك

ع هالطاري للي مايعرفون جمعية رفيدة @RofaidaOrg عندهم برامج ومحاضرات ودورات وعدة مقالات ولقاءات مثرية جدًا ومجانية فيما يتعلق بصحة المرأة والتغذية السليمة والتدريب والدورة الشهرية وصحة الحوض ومن قِبل نساء سعوديات مختصات وطبيبات مصدر اعتقد بأنه مفيد جدًا للتثقيف بصحة المرأة والتمرين والتغذية من اهل الاختصاص وخاصة بأن مجتمع النساء يفتقد نوعًا ما للوعي الصحي بهالمجال

أشوف بعض الناس يضيع جزء كبير من تمرينه يتدرج بالأوزان بكل تمرين من أول جولة الى آخر جولة وتطلع هي الوحيدة المحفزة للبناء العضلي أو قريبة والباقي مجرد تجهيز وتحمية المصيبة انه يحسبها كلها ضمن جولاتة الاسبوعية التدرج مهم لكن المبالغة فيه بكل تمرين تخليك تضيع مجهود وتعب على الفاضي وتخسر جزء من تطورك وكان يمديك توصل للوزن المستهدف من اول جولة وتكون جولاتك كلها فعّالة للبناء العضلي

- وصولك لنسبة دهون طبيعية ومحاولتك لتقليلها أكثر هذا فيه احتمالية ضرر ولا انصحك بمقارنة جسمك ببنت أخرى وصلت لنسبة دهون منخفضة ودورتها منتظمة لأن الاجسام مختلفة - قربك من مستويات نسبة الدهون الطبيعية ومحاولتك لزيادة عجز السعرات بشكل أكبر بسبب عدم تقبّلك "للنتائج البطيئة بالنزول" الي جسمك يسويها لأجل صحتك - ممارستك للكارديو عالي الشدة لأكثر من مرتين بالأسبوع وفي عجز بالسعرات (تأثير هالنوع من الكارديو ع الانثى عالي جدًا فتحتاجين تروحين لبدائل أقل شدة)