ياليت الهوى لا هب يا الخاطر المجروح ما ينبش جميع جروح روحي على غره كتمت المحبه , لا يجي سرها مفضوح وانا العاشق اللي ما يبي ينكشف سره ! غريق المحبه ما يدور , بقايا لوح قبل ياخذ المرجان واللول والدره من اللي سوالفها المليحه تثير البوح كفيله تنسيني , عن البعد والحره !! يجي لـ القصيد اليا تغنيت فيها روح ولا ينبعث له روح , في غيرها مره !!

من الموده والمحبه والحنين اعتب على نفسي واحملها ملام وقع المفارق ولله ان ماهوب زين ماقد عبر مع المعاليق بـ سلام اي ولله اني ضايق وصدري حزين وانه بعد ما باقيً عندي كلام عليّ لا مرت طيوف الراحلين صرت انجرح حتى من اصوات الحمام اللي ابي منّك يا عمري حاجتين وتصير اموري كلها تب وتمممام من الكلام اللي احبه كلمممتين والاهتماااام الاهتماااام الاهتمام .!

استوطن الهم لين النور أصبح ظلام مال الليالي سوى ذكرى ودمع ورق لو كان ما لي على النفس الكريمة ملام تشتت الراي خلاها تعيش فـ ارق يمرها الحزن كنه ياخذ الفين عام والضحكه اللي رسمها شافها تنحرق من عاش عمره مابين التضحية والغرام ، الفرحه اللي تمره مره وتنسرق خالد ابن غصن

طارقً باب السلامه .. ولا حولي سلام كيف اعيّن لي سلامه، وليلي سرمدي فيني مْن الضيق .. مايكبت صدور الانام وفيني مْن الشوق مايجعل العقل يغدي الوحيد .. اللي مابين المعارك والغرام هو يرد الشوق … ولاّ يرد المعتدي ؟ واحدً فارق مرابيك .. ياغضّ القوام فارق الضحكه وسافر مع الحزن المدي من فقد لذّة وصالك تعشّاه الظلام مغترب، لو ماتعدّيت ربعي وابلدي في عيوني حرّ دمعه وفي صدري كلام تايهً من وين اوقّف، ومن وين ابتدي يابعيدة … يرحم الله لياليك القدام يوم كان البعد مسفوه، والوصل اجودي ان ضمينا ؟ نارد العشق ميراد الحيام وان وردنا ؟ سالفتنا على نجم الجدي كان عمري قبل يوم اللقاء عشرين عام ومن لقيتك صار لقياك ساعة مولدي! استبيحك عذر، والعذر ساس الاهتمام من وداعً لا بكيفي .. ولا هو في يدي ): ان قدرت اجيك، غنّي مادام الحظ قام وان تباطيتيني" إبكي على الحظ الردي

" اسلم .. و سلم لي على كل رجال اليا نصوه الناس ؟.. راسه يكيّف ماهوب فـ ارض المجد نازل و رحال على عدود المجد " شتّى و صيّف " بشاشة الرجال !.. في كل الاحوال كرامة الضيفان .. عند المضيّف الطيب : وهبه كنها وهبت المال على ملاك الكفو !.. خل الضعيّف " اللاش " عمره راح ماعنده افعال و ان طاب غيره صاب كبده تليّف وجه الردي لا شاف وجه الزمن مال براده .. اقوى من ( براد المكيّف )

الناس شيطانها تالي الزمن راقص وعقولها امن الجهل عيى يحررها والكلمه الناقصه من واحدً ناقص لامرت الواحد العاقل يمررها فراج بن عبيد

كل دمعٍ سال منْك وكل غصّة عبره مستعد اخذ قضاها من رحيب ايامي كيف بنسى نبرتك وقت الحزن والنبره فلمي الي ما توقعته يكون درامي راسمٍ فـ مواصلك على سبيل الخبره حلمٍ يخليني اسمح من جميع احلامي بس الايام رهنتني ( للعضه والعِبره ) و جاني الي ما تمنيته يجي لاخصامي

" جميع من مرك سلبتيه نفسّه "

قفل ملف , الذكريات السعيده وعده مع اللي طيب الله ثراهم ماينفع افتح معك صفحه جديده انس الغلا اللي كنت انا فيه واهم ! ماكنت سيده ؟ يوم انا كنت سيده ! خلاص ما بيني , وبينك تفاهم الله يجيب اللي يجيب القصيده ولا يجيب اللي يجيب الدراهم !!

عذوبة سبيع '' '

دون عز النفس لو طحت متساوي اتحمل والمذله ، ما احتملها حاجةٍ عيت تجيني , بـ المناوي جعلها لا راحت ، تروّح قبلها الحيا لا طاول , الوجه الحياوي ضيقته وشلون , بيعين بدلها ؟ وش علي لو قالو ان الليل ضاوي النشاما علمها , يفني جهلها المصايب , لو ما يقواها مقاوي ؟ العزوم تورد , السمعه لـ اهلها ! انتزع وجه الطموح مْن الهقاوي من يحاول يوصل القمه وصلها !!

خيالك اللي مر في بالي وحام ابلشني الله يبلشه "وش يبيبي "! أحاول أنسى العام واللي ورا العام يارب ياجعل الفرح ، من نصيبي اللي معاه أبني ،، طموحات وأحلام هو نفسه > اللي منه " أطر جييبي" بكره يدور الوقت وتدور الايام و يصير حبك مختلف ياحبيبي

مستعَّد أخلي بلاد، وأنزل في بلاد دام ذعذاع الكرامه لا هب، يـهبْني والقلوب، إللي خذاها التغطرس والعَّناد مستحيل أشري رضاها عشان تحبني - سعد بن لويبه

الصدر ما عاد له ، في راحته راحه و العين لا مرها ، النسناس يبكيها بعض الاماكن وبعض الناس والساحه لو عاد بي الماضي اللي راح ما اجيها !

في حضور اللي خذلني على الضيق السلام وكل فرحه في غيابه عليها ما عليه مدريت ان البدايات هي مسك الختام ولادريت ان وجه حظي مثل بعض الوجيه ليه اكابر واستر الدمع واخاف الكلام وليه اخلي راحت البال في راحة يديه وليه يوم الشمس غطى سفايرها الظلام جالس لحالي وضايق واردد ليه ليه ليت كسرة غايتي تشبه لْكسر العظام كان بلقى حلها عند مستشفى الفقيه خاطري يرتابه الخوف من صوت الحمام ومن نسانيس الهوآء الشرقي الياء هب فيه لايمي من بعد فرقاه خفف فـ الملام ما يلوم اللي مفارق حبيب الا سفيه تسقط الدوله لياء جاء تهاون فـ النظام وهو نظام الدوله اللي ورا الصدر النزيه والمقال ان صار ماهوب في قد المقام هون اللي قايله في عيونن تهتويه من يبي لا نامو الناس يجفاه المنام يتعرض للمحبه وجاه اللي يبيه فراج بن عبيد

يالاوله فـ البشر ( زين وتبجاحه ) المعجزه معجزه يا فاتنة عصرك ! من يحصر المعضلات بـ خيط مسباحه اليا بغى يوصفك يعجز على حصرك فيك الحلا " مودعٍ " قفله ومفتاحه لله در القوام . . اللي كتب نصرك سوارتك ( ترهم وتركب ) . . " على الراحه " ان جات في معصمك وان جات في خصرك

قصيدة المشاركة في موضوع التكاتف " يوم اقول انّ الجماعة عز .. ياخي لا تغارب الكلام يزيد ثقل ان ضفت له واو الجماعه لو ندقق نكتشف وش سر لـ الساعه عقارب الثواني و الدقايق تتحد !.. و تصير ساعه

خسرت كل اللي ، جمعته ولا نلت شيٍ من اللي فات ، غير الهزيمه عايش على الذكرى القديمه ولا زلت ؟ استعذب احداث ، الليال القديمه !!

- سعد بن لويبه يقول/ «ان كانك تروح مره وتحضر مره انا اقدر اروح لكن ما اقدر اعود» ـــ وداعًا وعدم اللقاء .

في سلهمة عينها دايم اغيّب وافيق ومن حظي الطيب اني كاسب اعجابها