الساعة ١١ على قهوة 🪑 فايق . 🤌🏼👌

ربنا نصر حسام حسن لأنه ببساطة مخلص لشغله وشخصية قيادية وقراراته من دماغه .. ربنا نصر حسام حسن اللى طلع ضده بيان من الاتحاد المصرى للإتحاد المغربى وهو بيدافع عن سمعة منتخب مصر فى البطولة الأفريقية . ربنا نصر حسام حسن اللى كان لازم يلعب فى مارس بشتى الطرق أمام منتخب أسبانيا حتى لو بعد 72 ساعة من مواجهة المنتخب السعودي وحتى لو الأحداث المحيطة منعت قيام البطولة هنلعب الماتش يعنى هنلعب الماتش . إمبارح حسام حسن بوضوح قال إن عقده مع جماهير الكرة المصريه وان عقده منتهي من فبراير ويعمل بدون عقد . محاولة انتظار الإخفاق فى بطولة الأمم لإقالته .. فشلت محاولة إنتظار نتيجة كارثية أمام منتخب أسبانيا لحرمانه من قيادة منتخب مصر فى كأس العالم .. فشلت وان شاء الله محاولة إنتظار إخفاق أو خروج من دور المجموعات ستفشل . سينتصر حسام حسن مع منتخب مصر إن شاء الله .. لإنه داخل مبنى إتحاد الكرة الأكثر إخلاصاً لعمله والأكثر سعياً لتحقيق النجاح . الجميع يعلم أن وجود حسام حسن لا منحه ولا هبه ، حسام حسن أخد الفرصة رغماً عن رغبات البعض ، فرصة عمرها الزمنى مرتبط بنجاحه فى كل محطة بل كل مباراة ، الواقع صعب يُقال لأن المنهجية البائسة ليس كل ما يُعرف يُقال سيطرت على المرحلة ، لكن الجماهير عارفه كويس أوى أن اتحاد كرة القدم يرغب فى مدير فنى أجنبى ، لكن حسام حسن لم يمنحهم الفرصة . منذ سنوات وأنا أُطالب بحسام حسن لمنتخب مصر ، تتفق أو تختلف على تقييمك لحسام حسن .. سيبقي علامة فارقة فى تاريخ كرة القدم المصرية .. ربنا يكملها على خير يارب ويقدر منتخبنا يقدم أهم نسخة لمنتخب مصر فى تاريخ مشاركاته فى كأس العالم

5 مشاهد هامة من مباراة منتخب مصر وبلجيكا.. تقرير أعددته وقدّمته للتلفزيون العربي القطري .. أشكركم دائماً على الدعم 🤲

"أتعجب" من "إندهاش" عدد من الأصدقاء بسبب غضب بعض "المختلطين" بسبب نجاح "منتخبنا الوطني" في التعادل مع منتخب "بلجيكا" فلو عرف السبب بطل العجب.. والسبب كلنا عارفين أن لديهم ولاء وانتماء لمؤسس ناديهم البلجيكي جورج مرزباخ. حتى أن بعض صفحاتهم تسمى "احفاد مرزباخ" و "المختلط".

إيه يا شباب خير مش شايف بوستات إشادة كتير بصلاح قد حجم بوستات الانتقاد اللي بياخدها لما بيكون وحش ؟ مش المفروض انتو بنتقدوا صلاح عشان مصلحة المنتخب برضو مش كرها فيه ؟ طيب ما هو قدم ماتش عالمي ضد بلجيكا اهو و كان شايل المنتخب! ايه هي مصلحة المنتخب بتظهر وقت ما يكون وحش و نخسر ؟ و بعيداً عن الموضوع ده لأن هو كده كده صلاح مش مستني إشادة من حد .. بجد ماتش من ريحة صلاح اللي كتير من الشعب شايفه بطل شعبي و عاوز يشوفه كده ديما وكانوا شايلين عليه آمال في مونديال روسيا لولا الإصابة . هو ده صلاح اللي عاوزين نشوفه، صلاح اللي من أول الماتش مبطلش جري ولا ضغط، و بيدافع بكل قوته، وبيحافظ على الكرة كأنها بنته، صلاح اللي كان بيحارب ع الكرات العالية و بيدخل في التحامات هوائية مع مدافعين بلجيكا صلاح اللي بـ لمسة وحدة و رؤية مظبوطة في لحظة بـيصنع اسيست براحه خالص و على الهادي أوي وبيقدم واحدة من أفضل مبارياته مع منتخب مصر .. صلاح اللي اللاعيبة كلها واثقة فيه والفرق بان لما خرج تحس أنه الملعب فك منا و محدش فاهم ايه اللي بيحصل . أصلا هي مش كيمياء صلاح هو اللي عامل لمنتخب مصر اسم حالياً و سوا انت بتحبه أو لا هيفضل محمد صلاح . مباراة كبيرة يا اسطورة ، و إن شاء الله لسه فيها و فيها كتير و تكمل وتقودنا لإنجاز تاريخي في البطولة .

اصلاح وتهذيب

مصر جميلة في المونديال .. يا رب يا ميسر الحال والساطور / امام عاشور يكتب اول حدوته مصرية في المونديال

_سيبَك من المُدرب والجهاز والمنظومة والإعلام واللاعيبة والأندية.. _ لحظة عزف السلام الوطني قبل ماتش منتخب مصر وبلجيكا في كاس العالم، مع منظر الجماهير المصرية في المدرجات، لقطة تسوى ملايين الملايين والله..❤🇪🇬 لحظة تُثير القشعريرة .. عزف النشيد الوطني لمنتخبنا في ملعب لومن فيلد.

حقنا رجع🤝😆

لو مش عايز تشجع اسكت!.. شوبير يوجه رسالة نـ ــارية للبعض بعد تعادل مصر مع بلجيكا 🔥🇪🇬 #هنا_المونديال2026

هذا الشبل من ذاك الأسد 🧤

فارس لضهر الأهلي : في شخص أقل من إن تدي قيمة لكلامه لانه كلام مش في المقص ✂️ لا ده في الالالاند . اللي قاله قبل وبعد المباراة بخصوص مصطفى شوبير وأنه يحط عليه ضغوط وربطه بحاجات برا الملعب وشوبير الأب في صورة انه مشفق عليه من الضغوط ده قمة التدني . وسبحان الله يجي حساب الفيفا وينزل صورة بتجمع بين كابتن شوبير ومصطفى وتقول هذا الشبل من ذاك الأسد . عشان تبقى رسالة إن الصغار مش محتاج ترد عليهم التاريخ هيثبت قد ايه هما صغار🤏

تقفشه أول ما يقولك أصل المنتخب كان محتاج مهاجم رقم ٩ كان هيفرق اوي مع المنتخب. دول شوية البقدونس 🌿اللي تحت الكفتة ، يا معلم دي الفرشة بتاعة انه يقولك بعد a few minutes later هو ليه مصطفى محمد مش موجود. والسؤال هنا مصطفى محمد كان هيفرق معانا في ايه . يا أبني بصلي كده ورد عليا ! . هيفرق بدنيا وتحركات ! . ده حمزة عبد الكريم جري في الربع ساعة اللي لعبها كمية جري مجرهاش مصطفى محمد اصلا اخر موسم كله على بعضه طيب هيفرق تهديف ! ، المهاجم اللي بيخلص يعني ؟ . طيب ده مصطفى محمد في تصفيات كأس امم أفريقيا ٤ مشاركات = صفر أهداف ، في تصفيات كأس العالم ٦ مشاركات = صفر أهداف ، في كأس الأمم ٦ مشاركات = صفر أهداف ، ده أجمالي دقائق لعب مصطفى محمد في الليلة دي ٥٢٤ دقيقة بدون أي مساهمة تهديفية زيه زي الشناوي وشوبير طيب كنت عايزه يروح المنتخب يعمل ايه فنيا وهو عمل ايه قبل كده فنيا مع حسام ؟ ما تكلمني كورة وأرقام ما دي الكورة والأرقام ! . هل كنت عايز حاجة يجيبهالك من أمريكا مثلا وهو راجع !!! . ما غير كده مفيش كلام تاني يستدعي انك تقوم تسجل فيديو وتضيع ربع باقة النت في كلام مضحك زي ده.

واحده من افضل المباريات لمحمد صلاح مع المنتخب

قيمة كبيرة جدًا داخل المنتخب. 👑🇪🇬❤️

بعض الناس حين تضيق بهم الحقائق يفرّون إلى الأوهام، وحين تتراكم فوق رؤوسهم الكوارث يبحثون عن أي ضجيج يلهيهم عن صوت الانهيار، لهذا لم يعد غريبًا أن نرى كارهي المنتخب والغاضبين من حسام حسن يتعاملون مع كل ما يخص منتخب مصر وكأنه معركة شخصية، بينما يتجنبون النظر إلى الكوارث التي تحاصر ناديهم من كل اتجاه، والأخطاء الإدارية التي جعلت اسمه يتردد في أروقة الفيفا أكثر مما يتردد في الملاعب.. المرارة صنعت لهم عالمًا موازيًا: عالمًا تسبب فيه حسام حسن في خسارة نقطتين كانتا، في خيالهم فقط – داخل خزينة المنتخب قبل مواجهة بلجيكا، وعالمًا كان فيه غياب مصطفى محمد سببًا في ضياع انتصار مضمون، وعالمًا آخر أصبح فيه تألق مصطفى شوبير إعلانًا رسميًا للسخرية من الشناوي، أما إمام عاشور، فبعد سنوات من السخرية والتحريض والتشويه، اكتشفوا فجأة أن تألقه مشكلة جديدة، ليس لأنه تألق، بل لأن نجاحه يفسد عليهم متعة الكراهية، فهربوا إلى رواية أخرى: الرجل سيبتز الأهلي ويرفع سقف مطالبه! وكأنهم أوكلوا لأنفسهم إدارة عقود اللاعبين بعد أن فشلوا في إدارة مشاعرهم، وزيزو لعب غاضبًا، وصلاح خرج غاضبًا، وحمزة عبد الكريم شارك مجاملة للأهلي، وحسام حسن لا يتخذ قرارًا فنيًا بل يدير مؤامرة كونية… روايات متلاحقة يكتبها عقل أنهكته المرارة حتى لم يعد قادرًا على التفرقة بين التحليل والهذيان. حالة تستحق الدراسة؛ فكلما ازدادت كوارثهم، ازداد غضبهم من المنتخب، وكلما تعمقت أزماتهم، ازداد انشغالهم بحسام حسن، وكأنهم وجدوا في كراهيته ملاذاً مؤقتًا من مواجهة الحقيقة، وفي مهاجمة المنتخب مسكنًا يخفف صداع الفشل الذي يطاردهم.. أكاديميًا، هذه واحدة من صور التعويض النفسي والإسقاط الجماعي؛ فكلما تضخمت الأزمات الداخلية، ازداد البحث عن عدو خارجي تُلقى عليه أسباب الفشل. ولذلك أصبح المنتخب وحسام حسن والأهلي بالنسبة لهم ليسوا خصومًا، بل وسيلة علاج مؤقتة للهروب من واقع لا يملكون شجاعة مواجهته..

مشجع بلجيكي .. ماشوفتش كدا والله