مرحبا حياكم الله في محلكم الثاني :) snapchat.com/t/2oNY0hLc

من الموده والمحبه والحنين اعتب على نفسي واحملها ملام وقع المفارق ولله ان ماهوب زين ماقد عبر مع المعاليق بـ سلام اي ولله اني ضايق وصدري حزين وانه بعد ما باقيً عندي كلام عليّ لا مرت طيوف الراحلين صرت انجرح حتى من اصوات الحمام اللي ابي منّك يا عمري حاجتين وتصير اموري كلها تب وتمممام من الكلام اللي احبه كلمممتين والاهتماااام الاهتماااام الاهتمام .!

اسدل الليل جلبابه وساد الظلام والوله لاح براقه وحن رعده كل ذكرى لها بين الضلوع التطام ناتج امواجها ضيقه وصوت نهده الجفى حال من بيني وبين المنام لين جنبي تجافا من طرف مرقده اتقوى ، وانا ، ماني ، على ، مايرام لا اعترض طيفه وقفا الهجر بوعده اكره آرد واعوّد والمشاعر حيام واكره القلب لا من حن ولا نده ليت له لا خلج ولا عصاني خطام كان ما حرك الطاري جويد وتده يحيي الشوق دراس الجروح الجسام والشعر كل ماطاح الحزين اسنده يسمو المبدع بفكره حدود الغمام لا امتطى صهوة ابعاده ونال اسعده نظرته لـ النجوم وخطوته لـ الامام ولا بعد كلّت متونه وقل جهده اكتبه لا غدا سور المحاني حطام واتركه لا عبث فيه الغبي ونقده بين صمت الحليم وبين كثر الكلام يغترب نادر الافكار وسط بلده ان تكلم دخل في دايرة الاتهام ون سكت طمع فيه اللي بـ سن ولده يكره الانتقاد ويكره الانتقام ويكره اللي خياله مثل راحة يده )؛

" اسلم .. و سلم لي على كل رجال اليا نصوه الناس ؟.. راسه يكيّف ماهوب فـ ارض المجد نازل و رحال على عدود المجد " شتّى و صيّف " بشاشة الرجال !.. في كل الاحوال كرامة الضيفان .. عند المضيّف الطيب : وهبه كنها وهبت المال على ملاك الكفو !.. خل الضعيّف " اللاش " عمره راح ماعنده افعال و ان طاب غيره صاب كبده تليّف وجه الردي لا شاف وجه الزمن مال براده .. اقوى من ( براد المكيّف )

انا الذكي وانا الفطن وانا الذهين وبعد اختبارك صرت عكس وصوفها لمحّت لي لكن طبوع العاشقين كنها تغم عيونها بكفوفها اهل العقول بشارتك ماتستهين واهل القلوب تمرها وتطوفها وبعض الفرص تشبه وجيه العابرين لامرتك مره ماعاد تشوفها

يطول الوقت بـ غيابك بدون قياس يا ليت الوقت يقصر مثل تقصيرك على درب المحبه .. معلن الأفلاس و آخاف إن قل وصلك قل تقديرك تركت القلب عايش بين هم و ياس ولا تقدر !.. تبرّر لي ( معاذيرك ) ؟ لاتجبرني آشوفك مثل : كل الناس و أنا ماودي آشوفك .. مثل غيرك

.. انا الكتاب اللي ما تكفيه الرفوف عنوانه اللي ما بعد ليل ( ارقده ) الوقت ماجاني على حسب الشفوف الموت حتى صايرٍ .. ما استبعده طرحني الواقع : و انا احب الوقوف و المجتهد .. ما عاد ينفعه جهده ماعاد عندي شي احب وشي اعوف الا اني اشكر من خلقني !.. و اعبده صارت همومي لا اقبلت تقبل صفوف مافيه هم !!. الا معه هم بـ يده صدري مهوب من الضلوع من السيوف و لـ كل سيف مقطعه ( على حده ) اضيق لين الضيق جاني منه خوف لا آصير انا اول من يورّثه ( ولده ) الحب كلمه كلبوها .. اربع حروف فيها من الاحزان " قومه وقعده " حتى الحبيب يشوف ماكنه يشوف رغم اني اكثر من دعا ما يفقده ! لي مده وحالي تحت ضغط الظروف اللي يبي له ظرف " يبشر بسعده "

ياوجه الرضى اللي بين حشمه وسلم وبين شعور مايقدر يفصح الرجل عن ذكره اداريك وانت اغلا بواجد من الغالين مثل من يداري بعد طول الصبر بكره يراقب خطاواته ويردف دعاه امين يشوف الرضى في حمد ربه وفي شكره آحبك واحس ان البشر كلهم دارين لا منه طغى احساسي على قاف ٍ ابتكره تقيدني الشيمه عن مواكب التالين وعن المنهج الي تلطم امواجه العكره ماني مستغل وصف غره ونظرة عين لاجل محتوى جمهور ولا لاجل فكره انا ادرى عليك من المناقيد والغاوين ولي شيمة لايمكن تحب ماتكره لك اللي ماتدري عن تفاصيله الباقين ولك الخافق اللي مثل طير على وكره )؛

يا صاحبي ترا الطناخة جبّله ماهيب سلعه لا بغوها خذوها من لامني في عزة النفس قلّه كرامتي ما خلقوا اللي شروها مال الدراهم فايدة بالمذلّه مفشّله حتى ولو جمّلوها يا حلوها حلواه لا جت من الله غصبٍ على خشوم البشر كلبوها

" جميع من مرك سلبتيه نفسّه "

خيالك اللي مر في بالي وحام ابلشني الله يبلشه "وش يبيبي "! أحاول أنسى العام واللي ورا العام يارب ياجعل الفرح ، من نصيبي اللي معاه أبني ،، طموحات وأحلام هو نفسه > اللي منه " أطر جييبي" بكره يدور الوقت وتدور الايام و يصير حبك مختلف ياحبيبي

لاشفت نور القمر خمتني اشواقي هو قرة الليل وانت لعيني القرّه يامنوة اللي من ايام العمر شاقي اللي يبّرك ياليتك مره تبرّه ! الحب مثل الزهر يحتاج للساقي لاتهمله وانت منتب ناوي تضرّه لاجيت عاشقك ماينشد عن الباقي يذوب في عينك وفي طلة الغرّه لو الفرح معك متفرق ومتلاقي دربً معك قابل فخيره وفي شرّه بالله في غيبتك لاغبت وش لاقي مافيك ذرة حنان ولطف بالمرّه ؟ غيابك المر تاثيره على اخلاقي منه اتجرع عذاب وغبنه وحرّه حتى لو انك تخيب هقوة الهاقي سامح لك تلحق الكره ورا الكرّه لاتلومني لو معك لخبطت فاوراقي جمالك الدري احلى من ١٠٠ درّه على المكان اللي تحبه ثنا ساقي مابين فتره وفتره لازم امرّه ) :

سولف علي من طيبين النوايا ومن صبره مهادي وكفه مهيدي عندي يقين ان الشدايد ، هدايا ومصايد الغرات ، ماهوب صيدي مانيب احب اللي يحب الزرايا ويكبر المشروه ويقول ميدي آداري ، الطيب حميد السجايا مثل مـ اداري ، محتواي وقصيدي واللي مافيهم طيب روس وحمايا مـا اعدهم ، ولا اعتبرهم رصيدي كشفتهم كشف التحالف ، قضايا هاني بريك و عيدروس الزبيدي حاولت فيهم من جميع الزوايا وطاحو من عيوني وطاحو من إيدي

ابتدا المسرا .. و كن الهم قالط فـ الغماره فـ الصدر كلام يجرح كثر ما فـ النفس زمه المدارا ؟.. مايرجع لـ الغريب امان داره كان مايقدر فـ داره .. يظفر بـ فكره ملمه كنت اشوف ان التغاضي فـ العمر اكبر تجاره وصرت اشوف اشياء واجد فالعمر ماهي مهمه انثني دون المبادي .. و المروه و الصداره ولا لقيت الا القليل اللي يشابهني : بـ همه كل ماعانقت غايه ؟.. كني اللي رد ثاره ماني بـ طلاب ثار .. انا كذا طلاب قمه مستعد اكون لـ الطيّب تحت رهن الاشاره بس ماني مستعد اشوف دمعه فوق كمه من يمينه لاعطت تعطي .. ولاتدري يساره جعل يفداه البخيل اللي يشوف الضيف غمه الردي ؟.. ماياخذ الناموس لو بـ الاستعاره إن سعى خيره لـ نفسه وان حكى نقال نمه لبسوه ( عمامته ) ربعه عسى ترفع وقاره وشاف نفسه بـ المعمه افضل مْن عوال عمه مايوقف و إن وقف تقول طايح من عماره ! فـ المواقف تارك وقوفه و مستغني بـ فمه كل ماجيت امسك الخايب و ارده عن مساره يعترض طاري حبيبي .. و اتلقا له و اضمه من عرفته ليه افكر فـ الغناه وفـ الخساره ؟ بايعٍ .. من دون باب مواصله ( بيّاع ذمه ) اطرقٍ .. من يوم بشرني و انا اسوق البشاره قال احبك قلت احبك منك تجيب المطمه - عتيم

"ولا واحد كفو"

عذوبة سبيع '' '

سلام من دوسري ٍ فالخوي ما يبور والطيب سلم الدواسر دوسري دوسري لا شان وجه الليال الي رحاها يدور اشاوس خطوبها سفراني ومسعري قصيدة مدح في الصديق ورفيق الدرب بدر بن ناصر بن عبار ال سفران العجمي

الحاسد أكبر حلمه يشكّل مع الطيّب خصام و حنا نخلّي مثله و شرواه .. لـ الحلم درجه

لا اخنقتني ليه ما اقول اخنقتني ؟ ( عبرت ٍ ) رقتني الضلع المشرف يا بعيد الدار لو .. دارك .. جفتني ! جيت لك بـ العرف ماجيت اتعرف لا تقول .. ان الضغوطات ابعدتني لقّني وجهك وانا اللي .. بـ اتصرف استباحت عينك حماي .. و رمتني وانا !.. من حماية " الحد المطرف "

في حضور اللي خذلني على الضيق السلام وكل فرحه في غيابه عليها ما عليه مدريت ان البدايات هي مسك الختام ولادريت ان وجه حظي مثل بعض الوجيه ليه اكابر واستر الدمع واخاف الكلام وليه اخلي راحت البال في راحة يديه وليه يوم الشمس غطى سفايرها الظلام جالس لحالي وضايق واردد ليه ليه ليت كسرة غايتي تشبه لْكسر العظام كان بلقى حلها عند مستشفى الفقيه خاطري يرتابه الخوف من صوت الحمام ومن نسانيس الهوآء الشرقي الياء هب فيه لايمي من بعد فرقاه خفف فـ الملام ما يلوم اللي مفارق حبيب الا سفيه تسقط الدوله لياء جاء تهاون فـ النظام وهو نظام الدوله اللي ورا الصدر النزيه والمقال ان صار ماهوب في قد المقام هون اللي قايله في عيونن تهتويه من يبي لا نامو الناس يجفاه المنام يتعرض للمحبه وجاه اللي يبيه فراج بن عبيد

يالاوله فـ البشر ( زين وتبجاحه ) المعجزه معجزه يا فاتنة عصرك ! من يحصر المعضلات بـ خيط مسباحه اليا بغى يوصفك يعجز على حصرك فيك الحلا " مودعٍ " قفله ومفتاحه لله در القوام . . اللي كتب نصرك سوارتك ( ترهم وتركب ) . . " على الراحه " ان جات في معصمك وان جات في خصرك