શાબાશ ગુજરાત..! કચ્છના સરહદી હાજીપીર ખાતે કોમ્યુનિટી હેલ્થ ઓફિસર (CHO) તરીકે ફરજ બજાવતા મુળ કડીના વતની પિંકીબેન પટેલ દુર્ગમ-અગમ્ય રણ વિસ્તારમાં ચાલતા પહોંચીને જરૂરિયાતમંદ-ગરીબ-વંચિત લોકોને સરકારની આરોગ્યલક્ષી યોજનાઓની માહિતી અને લાભ પહોંચાડે છે. જનસેવાના ધ્યેય સાથે સતત કાર્યરત પિંકીબેન પટેલનું તાજેતરમાં નવી દિલ્હીના ભારત મંડપમ ખાતે આયોજિત સમારોહમાં કેન્દ્રીય આરોગ્ય મંત્રીશ્રીના વરદ્હસ્તે ‘સુશ્રુત એવોર્ડ’ દ્વારા સન્માન કરવામાં આવ્યું છે. ‘સેવા પરમો ધર્મ’ ના મંત્રને સાચા અર્થમાં આત્મસાત કરનાર પિંકીબેન જેવા આરોગ્ય પ્રહરીઓનું રાજ્યના છેવાડાના માનવી સુધી આરોગ્ય સેવાઓ સુનિશ્ચિત કરવામાં અમૂલ્ય યોગદાન છે. #શાબાશ_ગુજરાત