Энэ маш зөв ярьсан бн. Бас мөнгө л олдвол үл хөдлөх аваад эсвэл лизингдээд бдг хүмүүс их мөнгө олох боломжоо алдаж бдг даа. Сүүлийн 2 жил River Garden, River Plaza, Sky Garden, Mandala 365 зэрэг тансаг хотхонуудын 2 тэрбумын байрнууд, мөн Land Cruiser 300, LX600, G-Class зэрэг үнэтэй машинуудын заруудыг ажиглаж байна. Зарим нь сар биш, хэдэн жилээрээ гацжээ. Олон улсын жишгээр машин 30-45 хоногт, үл хөдлөх хөрөнгө 30-90 хоногт зарагдахгүй бол үнэ нь зах зээлээсээ зөрсөн байх магадлал өндөр гэж үздэг. Жишээ нь 2 тэрбум төгрөгийн байр 2 жил зарагдахгүй гацвал: 📉 Инфляцийн нөлөө Жилд 9.5%-ийн инфляцитай гэж үзвэл: - 1 жилд: 190 сая төгрөгийн худалдан авах чадвар алдана. - 2 жилд: нийтдээ ойролцоогоор 398 сая төгрөгийн үнэ цэнэ алдана. 📈 Алдагдсан хөрөнгө оруулалтын өгөөж Хэрэв тэр мөнгийг жилд 18%-ийн өгөөжтэй эргэлдүүлсэн бол: - 2 жилийн дараа 2 тэрбум төгрөг → 2.78 тэрбум төгрөг болно. - Өөрөөр хэлбэл 784 сая төгрөгийн боломжит өгөөж алдана. Тэгэхээр 2 жил "үнээ буулгахгүй" гэж гүрийснээс хямдруулаад зарвал илүү их өгөөж хүртэх магадлалтай: • Инфляцийн нөлөө: 398 сая төгрөг • Алдагдсан өгөөж: 784 сая төгрөг Нийтдээ 1.1 тэрбум төгрөг давсан алдагдал үүсэж байгаа гэсэн үг. Харин 2 тэрбумаар зарна гэж гүрийхийн оронд тухайн үедээ 200 сая төгрөгөөр хямдруулж 1.8 тэрбумд зарсан бол яах вэ? 1.8 тэрбум төгрөгөө мөн адил 18%-ийн өгөөжтэй эргэлдүүлсэн гэж үзвэл 2 жилийн дараа 2.506 тэрбум төгрөг болно. Өөрөөр хэлбэл анхны 200 сая төгрөгийн хямдрал нь алдагдал биш, 506 сая төгрөгийн ашиг авчрах болом юм. Би байр, машин авах гэж эдгээр заруудыг хараад байгаа юм биш. Харин хамгийн үнэтэй хөрөнгүүд хэр удаан зарагдахгүй байгааг ажигладаг. Учир нь энэ нь ямар ч статистикаас илүү мөнгөний эргэлт, зах зээлийн бодит байдлыг харуулдаг гэж боддог. Эдийн засаг сайн үед сүнстэй байр, онхолдсон машин ч олдохгүй болтлоо эргэлддэг. Харин өнөөдөр бол эсрэг дүр зураг харагдаж байна