Хэрхэн амьдрах вэ гэдэгт Стойкын философи хүссэн хариултыг маань өгсөн гэж боддог. Бодит үнэнтэй нүүр тулж, хүлээн зөвшөөрнө. Ондоошилоо бусдад тулгахгүй бас шүүмжлэхгүй, зөв гэсэн зүйлдээ зоригтой хүчтэй зогсоно. Өнөөдөртөө аз жаргалтай, тайван оршино t.ly/GkqtE

ТӨК-ийн удирдах албан тушаалтны томилгоо: ТУЗ-ийн гишүүн, гүйцэтгэх удирдлага, чанар, бүтээмжийн менежерийн томилгоо - Бодлогын асуудал №56 forum.mn/product/602949 Судлаач @Davandai Д.Тэгшбаярын ярилцлагыг үзнэ үү. facebook.com/reel/1013219647…

ОХУ- аас агаарын тээврийн түлш тасралтгүй, тогтвортой хямд үнээр авах хэлэлцээрийг бид УИХ чуулганаар заавал соёрхон батлах ёстой гэв, МАН батлах ч юм шиг байна… Аливаа бүтээгдэхүүний үнийг хиймлээр тогтмол хямд байлгах оролдлого бүр хомсдол, хараат байдлаар дуусдаг. Аль улсаас авах нь сонин биш, гол нь хаанаас ч авах нь нээлттэй байх ёстой. 15 жилийн турш нэг хэлэлцээрээр нэг салбараа хамтарсан компани байгуулж хаах нь маш аюултай. Энэ бол дан ганц бүтээгдэхүүн худалдаж авах тухай биш. Хамгийн аюултай хэсэг нь хамтарсан компаниар дамжуулж Монголын зах зээл дээр хэнд түлш борлуулах вэ гэдэг шийдвэр гаргалт, үйл ажиллагаанд оролцуулах нь зөвшөөрч болохгүй зүйл.

С. Цэнгүүний "Өглөөний цэнэг" дээр -үнэ цэнийн тухай онол, -үнэ: мэдээлэл, мэдлэг, -хүний үйлдэл, -мөнгөний тухай онол, -мөнгөний нийлүүлэлт: инфляц, -зээлийн тэлэлт, хөнгөлөлттэй зээл, -нөөц хөрөнгийн алдаатай байршуулалт: хямралын гол шалтгаан ... сэдвээр ярив. @tsenguunnee

Энэ өдөр Монголын ТAXFREEDOM Day тохиож байх шиг. Энэ жилийн өчигдөр хүртэл та төрийн төлөө хөдөлмөрлөсөн, өнөөдрөөс эхэлж өөрийнхөө болон гэр бүлийнхээ төлөө ажиллана. Бодох амархан: -ДНБ: 88 ихнаяд ₮, -Төсвийн зардал: 33 ихнаяд. 33/88%=37.5 Жилийн 356 хоногт 37,5% гэвэл 134 өдөр гарна.

🔴Ж.Баярмаа: Орон нутаг ХХОАТ-аас санхүүждэггүй. Санхүүжсэн ч маш бага хувь. ХХОАТ-ыг 1 хувь болгох хуулийг зүүдэлж сэрээд л санаачилчихсан юм биш @bayarmaaju @Mendsaikhan29 @NyamUchral @BatKhulan

Хөнгөлөлттэй зээл - Бизнесийн халамжийн бодлого Өчигдрийн засгийн шийдвэрүүдийг танилцуулсан 3 сайд нар: Номин сайд: Дотоодын хөрөнгө оруулагчдад дата центр барихад хөнгөлөлттэй зээлийн орчинг бий болгох шаардлагатай байна... Дамдинням сайд: Шатахууны нөөцийн сав барихад хувийн хэвшлийнхэнд зээлийн хүүгийн татаас өгөхөөр болсон. Идэрбат сайд: Тариаланчдад шатахууныг хөнгөлөлттэй үнээр хангах, хөнгөлөлттэй зээлийн эх үүсвэрийг шуурхай олгохоор ажиллаж байна. 1,100 орчим ААН, иргэд нийт ₮150 тэрбумын хөнгөлөлттэй зээл авахаар болж байгаа... Гэх мэтээр бид хөнгөлөлттэй зээлийн хөтөлбөрүүдэд бүрэн автжээ. Аялал жуулчлалын салбарын хөгжүүлэх стратегийг Бостон Кансалтингаар 2 жилийн өмнө хийлгэсэн ч явж, явж хөнгөлөлттэй зээл олгохоор болж билээ. Тэгээд энэ жил зарласан чинь 1053 ААН-с ₮2.3 их наядын хүсэлт ирсэн ч гэх шиг... Хөнгөлөлттэй зээлийн хөтөлбөрүүд манай бизнесийн орчныг ялзруулж байна гэж боддог: 1. Ямар нэг яам, төрийн байгууллагын шалгуураар орж авах учир бизнесүүд төрөөс шууд хамааралтай болно. Авилга гарч таарна. 2. Шударга бус өрсөлдөөн. Хөнгөлөлттэй зээл авсан, авч чадаагүй бизнесүүд өрсөлдөхөд хэцүү. Мөн шинэ тоглогч гарч ирэх бүр боломжгүй шахуу. 3. Эрүүл бус бизнесүүд. Компаниуд хөнгөлөлтэй зээлээр угжуулсаар сайн засаглалтай, эрсдэлд тэсвэртэй, инновацлаг байж чадахгүй байна. Цаашлаад манай төр, засгийн шийдвэр гаргагчид "хөнгөлөлттэй зээл" гэдэг улиг болсон романтик бодлогоо одоо эргэж харах цаг болсон. Яг үнэндээ бизнесүүдэд хөнгөлөлттэй зээлүүд биш тодорхой бодлогын орчин, зөв татварын систем, зөв төсөв, мөнгөний бодлого л хэрэгтэй байна шүү дээ. Орчин нь бүрдсэн байхад өөрсдөө мөнгөө олоод, санхүүжилтээ хийгээд явчихна. Бизнесүүдийн халамжийн бодлогоо зогсооё. Үе шаттайгаар.

Хэсгийн ахлагч нарын урамшууллыг нийслэлийн төсөвт суулгасан байдал

Удаан хугацаанд боловсруулж бэлдсэн чухал хуулиа Их хурлын чуулганаар хэлэлцүүлэхийг дэмжүүллээ! 🥳 Дэмжсэн бүх гишүүддээ баярлалаа🙂‍↕️ Монгол Улсын Их Хурлаас “БНМАУ-ын Засгийн газарт эрх олгох тухай хууль”-ыг хүчингүй болсонд тооцох тухай хуулийн төслийг хэлэлцэхийг дэмжлээ. Энэхүү хууль нь 1991 онд эдийн засгийн шилжилтийн хүнд үед батлагдаж, стратегийн үйлдвэрүүдийг хамгаалах, эдийн засгийг тогтворжуулах зорилготой байсан нь тодорхой хэмжээнд үр дүнд хүрсэн. Гэвч өнөөдөр зах зээлийн эдийн засгийн тогтолцоонд уг хууль хэвээр үйлчилж, Засгийн газарт компаниудыг шууд хяналтдаа авах, онцгой дэглэм тогтоох, удирдлагыг солих, хүний хөдөлмөрлөх болон үзэл бодлоо илэрхийлэх эрхийг хязгаарлах өргөн зохицуулалт олгож байна. Үүнээс улбаалан • Үндсэн хуульд заасан өмчийн халдашгүй байдал, хүний эрх, эрх чөлөөнд халдах; • Компанийн бие даасан байдал, зах зээлийн зарчим алдагдах; • Улстөрийн нөлөөлөл, ашиг сонирхлын зөрчил нэмэгдэх эрсдлийг ч дагуулж байна. 1991 оноос хойш уг хуулийг дахин амилуулж хэрэглэсэн нь хамгийн их орлоготой салбар болох уул уурхайн компаниудын авлига, хулгайтай ч холбоотой. ТӨК-уудад БЭТ томилсон нь зарим тохиолдолд богино хугацаанд орлого өссөн ч энэ нь тогтвортой өсөлтийг хангаж чадаагүй. Жишээлбэл, нүүрсний экспорт 2021 онд 15.7 сая тонн байсан бол 2024 онд 83.7 сая тонн болж өссөн. Гэвч 2022 онд нүүрсний үнэ 250–400 ам.долларт хүрсэн нь орлогын өсөлтийн гол хүчин зүйл байсан бол 2024–2025 онд үнэ 100–150 ам.доллар болж буурахад экспорт өндөр хэвээр байсан ч орлого буурч эхэлсэн. Дүгнэж хэлэхэд эдийн засгийн гадаад нөхцөл нэн таатай байдлыг тооцохгүйгээр онцгой дэглэм үр дүнтэй байсан гэж шууд дүгнэж болохгүй. Үүнээс гадна “Эрдэнэс Тавантолгой” ХК-ийн хувьд аудитын дүгнэлт гараагүй байхад 2024 оны 4 дүгээр сард 2023 оны ашгаас иргэн бүрд 256,000 төгрөг, нийт 760 гаруй тэрбум төгрөгийн ногдол ашиг олгосон нь сонгуулийн шинжтэй шийдвэр болсон. Иймд цаашид төрийн оролцоог бууруулж, шударга өрсөлдөөн, хувийн өмч, иргэдийн эрхийг хамгаалах тогтолцоогоо хамгаалах нь чухал байна. Засгийн газар нь ТӨК-уудад гүйцэтгэх удирдлага, ТУЗ, аудитын хяналт, хувьцаа эзэмшигчдээр дамжуулж хяналт тогтоох боломж байсаар байтал БЭТ томилох замаар бусад нийтлэг хуульд харшилсан шийдвэр гаргаж байгаа нь 1992 оны үндсэн хуулийн ололт, амжилтыг үгүйсгэж байгаа тогтолтолцооны ухралт гэж хэлж болно. Магадгүй энэ хууль хариуцлага алдсан албан тушаалтнуудад хариуцлагаас мултрах, БЭТ-ээр томилогдсон албан тушаалтнуудад авлига, албан тушаалын гэмт хэрэг үйлдэх, хэт эрх мэдэл төвлөрүүлэх орон зайг үүсгэх эрсдэлтэй. Иймд энэ зомби хуулийг хүчингүй болгож, хүний эрх эрх чөлөө, өмчийг хамгаалж, ТӨК-уудын хяналт, хариуцлагыг дээшлүүлэхэд чухал алхам болно. Чуулганаар хэлэлцэхийг дэмжиж санал өгсөн бүх гишүүддээ баярлалаа.

☺️🙏

Оройн мэнд, өчигдөр миний бие Нийслэлээс хэрэгжүүлж буй Туул голын хурдны замтай холбоотой асуудлын хүрээнд нээлттэй хэлэлцүүлэг зохион байгуулах замаар холбогдох бүх талуудыг оролцуулж, тал бүрийн байр суурийг сонсож, баримт нотолгоонд үндэслэн Монгол Улсын Их Хурлын тухай хуулийн 30 дугаар зүйлийн 30.1.1 дэх хэсэгт заасны дагуу Ардчилсан намын бүлэг бодлого, байр сууриа тодорхойлж санал, дүгнэлт гарган шаардлагатай бол зохих байнгын хорооны, эсхүл нэгдсэн хуралдаанаар хэлэлцүүлэх шаардлагатай талаар хүсэлтээ албан ёсоор хүргүүллээ. Угтаа энэ төслөөс гадна Туул голыг бохирдуулж буй УБ цэвэрлэх байгууламжтай холбоотой маш олон асуудлууд ч мөн бий…. Энэ олон их наяд төгрөгөөр хийх зүйл УБ хотод минь даанч их байна даа. Улаанбаатар хотын иргэний хувьд Туул голоо хамгаалах жагсаалд нэгдэж байна🌱🌊

“Иргэн баян бол улс баян” гэж хэлсэн С.Данзанг МАН нь өөрөө хурал дээрээсээ чирж гарган буудаж алаад эсрэгээрээ иргэн ядуу, төр баян байя гэдэг замыг сонгосон. Яагаав нөгөө Намрын халуун өдрүүд гээд кинонд гардаг даа, гадаадын гар хөл Данзан, Баваасан нарыг дарж хувьсгалт Үндсэн хуулиа баталсан тухай. Жил бүрийн 11 сарын 26-нд өнөө л МАН-ын дарга нар маань 1924 оны энэ өдөр манай нам анхдугаар Үндсэн хуулиа баталж, тусгаар тогтнолоо баталсым гээд шүлэг дуу болоод байдаг даа. Одоо манай нам бол Данзангийн л яг төрсөн нам нь юмаа, үндэслэгчийнхээ үзэл санааг одоо л хэрэгжүүлнэ гэх гэж байгаа бол 1924-1990 онд “Монголчуудыг бөөс, тэмбүүнээс нь салгаж социализмын материал техникийн бааз байгуулсан” гэх мэтээр 20-р зууны ололт биднийх гэж сурталчлахаа бас болих хэрэгтэй. Засагласан цаг үеийнхээ ямбыг нь эдэлмээр байвал ялыг нь бас үүрэх ёстой. Нэн шинэ түүхэнд ч энэ зарчим хамаатай. 2016-2026 онд төрийн дарга нар баян, иргэн ядуу хэвээрээ, авлига гаарч амьдрал дордсоны бурууг мөн л МАН түр эзгүй байлаа, одоо эргэн ирээд яг гоё чөлөөлөх минь гэж аашч болохгүй. Эрх баригч МАН гэдэг бол Учрал биш, Амарбаясгалан биш, Оюун-Эрдэнэ ч биш. Энэ бол төрийн эрхийг элдэв аргаар авч нийгмийг хянахад зориулагдсан пирамидын бүтэц, орой дээр нь хэн байхаас үл хамааран нэг л бизнес загвар… Миний Амвэй гоё, тэрний Амвэй муухай гэж юм байдаггүй шиг.

Дэд сайд нарын асуудал🔍 16 хүнд Засгийн газар цалинг нь өгч дийлэхгүй гэдгээс гадна бүтээмж, шийдвэр гаргалтын тухай асуудал нь илүү хүнд байгаа юм. Өнөөдөр 3,5сая хүн амтай улсад 20 сайд байна. 30 гариу хэрэгжүүлэгч агентлаг байна. Тийм хэр нь шийдвэр гаргах хүн олддоггүй. Дэд сайд нар нэмэгдээд хэний тушаалаар юу хийгдэх вэ гэдгээ дотроо ойлголцох гэж ахиад хэдэн сар болно. Доор нь ажиллаж буй төрийн албан хаагчид 2 өөр хүнээс, 2 өөр тушаал авна. Мэргэжилтэн байтугай газрын дарга нарт өөрөө шийдэх эрх мэдэл үгүй, бүх зүйлийг сайдын гарын үсгээр хийх ёстой гэдгээс үүдсэн шийдвэр гаргалтын процессын алдааг 1 сайдын ачаалал их гэж МАН дүгнээд байгаа. Үгүй дээ… Яам дээр байгаа хүмүүстээ шийдвэр гаргах эрхийг нь шат шатанд нь олгочих л доо. Төрд тушаал биелүүлдэг хүмүүс биш ухаалаг менежерүүд байвал төр цомхон, хурдтай ажилладаг болно. Эрчим хүчний хомсдол. Улаанбаатар хотод хэт их хүйтрэлгүй өвлийг даваасай билээ гэж л залбирах үлдлээ дээ. Дулааны шугамын 30% нь 30 жилээс дээш насжилттай, ачаалал нь хэтэрсэн. Цахилгааны хязгаарлалтыг оргил ачааллын үер 1-2 цагийн зайтаагаар хотод хийхээс өөр аргагүй. Гэр хороололд хамгийн их таслалтууд хийгдэнэ. Иргэд төлбөрөө төлсөн ч жилд 200 гаруй удаа цахилгаанаа таслуулж байгаа. Үнэ тарифт төр оролцдоггүй болж үнийг чөлөөлөх ёстой байтал зүгээр л үнэ нэмээд орхив. Өрсөлдөөнийг энэ салбарт оруулсангүй. Уг нь бүх бодлогын бичиг баримт дээрээ өрсөлдөөний зах зээлтэй болох ёстой гэдэг ч, хэрэгжүүлэхгүй байгаа хариуцлагыг хэн ч хүлээдэггүй. Хүчдэл тогтворгүйн улмаас олон цахилгаан бараа шатаж, ААН-үүд төрийн өмнөөс чанаргүй бараа зарсан буруутан болж хохирлыг нь барагдуулсаар. Үйлдвэрлэгч улс болж ажлын байр бий болгогч компаниудаа дэмжинэ гэж сайд нар нь ярьдаг ч ААН тариф дэлхийд байхгүй өндөр. Халаалтыг нь төрөөс өгч чадахгүй хэр нь өнөөх шахмал түлшээ заавал авахыг шаардана. Сүүлдээ ч бүр утааг арилгахгүй байх сонирхолтой хүмүүс байна гэж би боддог болсон. Өргөс авсан юм шиг энэ асуудлууд шийдэгдэхгүй ч ядаж Эрчим хүчний түгээх, хангах үйлчилгээг хувьчилж өөрсдөө хийж чадахгүй менежментийг хувийнханд боломж олгоод өгчихдөггүй. Эрчим хүчний яам өөрөө станц барих гээд 30 жил чадаагүй атлаа тархмал эх үүсвэр барих компаниудад зөвшөөрлийг нь өгдөггүй. Энэ хооронд шинэ жилийн баяр…. Олон хүнтэй том зааланд, амтат хоол идэж, сайхан хувцаслаад хамтлаг дуучидтай хамт нэг үдшийг өнгөрөөх сайхан уу гэвэл сайхан. Шинэ жилийн баярын арга хэмжээнд үйлчилгээ үзүүлдэг байгууллага, урлагийнхан нь орлого олж байгаа нь энэ том хөөс дотроос хамгийн гэгээтэй зүйл. Бусдаар бол ирэх онд Хятадын эдийн засаг хэцүү, манай нүүрсний үнэ базаахгүй, инфляц нь дийлдэхгүй төр хувийн хэвшил байтугай энгийн хувь хүнд ч хэцүү тусах жил ирж байгаа нь айдас төрүүлэм. Тэр утгаараа ч юм уу, энэ жил юу болж бүтэж байгаа гэж, сүрлэг том баяр хийхийг ойлгохгүй л сууна. Уламжлал болсон арга хэмжээ учраас тасалдуулахгүй гэж бүх удирдлагууд хэрэндээ хичээх аж. Гэхдээ юуны төлөө? Аливаа арга хэмжээ ямар нэг зорилготой байдаг. Байгууллагын шинэ жилийн арга хэмжээ хамт олны уур амьсгал сайжруулах үндсэн зорилготой байдаг. Одоогийн формат нь тэгвэл яг зорилгоо биелүүлдэг болов уу? Нэг үеэ бодоход бие биетэйгээ өрсөлдөж хэн хамгийн баян тансаг хүлээн авалт, гоё платье өмсөх гэдэг цаг үе дуусаж байгаа. Тойрог ширээнд чанга хөгжим дунд хоорондоо ч ярих боломжгүй суух биш ойр дотно ажилласан хүмүүстэйгээ хамт, тухтай хувцсаа өмсөөд халуун дулаан яриа өрнүүлж, хэлбэр биш агуулгаар нь шинэ жилийн баяраа тэмдэглэе гэхэд дургүйцэх хүн ховор л байх гэж боддог. Хаа хаанаа чамирхал биш, энгийн зүйлсэд Монголчууд дуртай болоод байгаа шүү дээ…🌱

Эрчим хүчний хомсдлыг хэрхэн шийдвэл зохих вэ гэнэ. Том сэдвийг энгийнээр хүмүүст хүргэдэг хөөрхөн нэвтрүүлэг байна лээ шүү. Бүтнээр нь: facebook.com/share/v/1JC2Jub…

Бодлогын мэтгэлцээн хэзээ хийдэг болох бол бид хэхэ. Мөнгөтэй болох гэж улстөрд орсон гэж гүтгэж сонгуулийн үед миний яриаг эвлүүлэг хийж харлуулж байсан. Фактчек байдаг болсон үед ийм аргаар хүн харлуулах нь явцгүй шүү дээ. Монтажлагдсан хэсгүүдийн тайлбар линк дээр бүр дэлгэрэнгүй оржээ: “Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно” гэжээ mfcc.mn/factcheck-991/?fbcli…

Томилолтуудтай холбоотой тайлан бас линк👇 Чуулгангүй үед хувийн зардлаар гадагшаа явахдаа мэдэгдэх хэрэгтэй гэсэн учраас тоо арай өндөр гарсан бололтой. Бусдаар бол тогтмол идэвхитэй чуулгандаа суудаг юмсан.

Хэдэн албан бичиг явуулж, утааны тухай ярив. Тэгтэл сонгуулийн үеийн монтаж хийгдсэн бичлэг гаргаж ирээд мөнгө авсан гэж Х дээр гэнэт дайрч эхлэв. Утаагаар баяждаг хүмүүсийн эсрэг хэдэн гишүүн үг хэлж чадаж байгааг тоолоод үзвэл яагаад хэн ч утааг ярьдаггүйг ойлгох байх…

Өглөөний мэнд. Саяхан УИХ-ын гишүүдийн гадаад томилолттой холбоотой асуудлыг хөндсөн учир дараах тайланг бэлтгэв. Сайтууд мэдээ нийтлэхдээ томилолтын зардлын эх үүсвэрийг тусгаагүй тул олон нийтэд улсын зардлаар гадаад явдаг юм шиг ойлголт өгч байгаа бололтой. Миний хувьд Монгол улсын парламентад хамгийн залуу гишүүнээр сонгогдсон билээ. Үүнээс шалтгаалаад ч тэр үү олон улсын байгууллагуудаас шууд холбогдож залуусын улстөрийн оролцоо, эмэгтэйчүүдийн манлайлал, эрчим хүчний реформтой холбоотой олон улсын уулзалтуудад урилгаар оролцох хүсэлтүүд маш олноор ирдэг бөгөөд эдгээрээс шаардлагатай, чухал уулзалтуудад тухайн байгууллагын зардлаар Монгол улсаа төлөөлөн оролцох боломжууд тохиосон билээ. Тиймээс олон нийтэд буруу ташаа мэдээлэл хүргэх, андуурах тохиолдол гаргахгүйн тулд ОУ-ын байгууллагуудын урилгаар, хүлээн авагч талын зардлаар гадаад явсан ажлуудаа нэгтгэн хүргэж байна. Миний бие УИХ-ын гишүүнээр сонгогдсон цагаас иргэд, олон нийтэд улирал бүр ажлаа тайлагнадаг бөгөөд уг тайлангууд тус бүрээс томилолттой холбоотой мэдээллийн дэлгэрэнгүй харах боломжтой. Хэдий ихэнхдээ ачаалал ихтэй байдаг ч Монголдоо идэвхтэй ажиллаж, УИХ-ын чуулган, байнгын хорооны хуралдаа сууж, өдөр тутмын ажлуудаа амжуулсаар байна. Мөн “Өглөөний цэнэг” нэртэй уулзалтыг сар бүр зохион байгуулж, иргэд, олон нийтэд ажлаа тайлагнаж, тэдний санаа бодол, санал, хүсэлтийг тусган ажиллаж байна. Үүнээс гадна Эрчим хүчний салбарын хувийн болон төрийн байгууллагуудын мэргэжилтнүүдтэй тогтмол уулзалтууд хийж, Ардчилсан Намын шинэ дүрэм, хөтөлбөр боловсруулах ажлын хэсэгт ажиллаж, Шагналын тухай хууль, БНМАУ-ын Засгийн газарт эрх олгох тухай хуулийг хүчингүй болсонд тооцох тухай хуулийн төсөл боловсруулж, Стандартчилалтай холбоотой хуулийн төслийг бизнес эрхлэгч нарт ээлтэй болгохоор шинэчилсэн найруулга дээр ажиллаж байна. УИХ-ын гишүүний хувьд УИХТГ-ын зардлаар 1 удаа гадаад томилолтоор явсан ба энэ нь Стандартчиллын ажлын хэсгийн хүрээнд Канад улс руу хийсэн туршлага судлах уулзалт байв. УИХ дээр одоо хэлэлцүүлэгдэж буй Стандартчиллын хууль эрхзүйн шинэчлэлийн ажлын хэсэгт орж стандарт нэрээр бизнес эрхлэгч нарт тээг учруулдаг, хүнд сурталыг цэгцлэх чиглэлд үндэслэн саналаа боловсруулж ажлын хэсэгт өгсөн билээ. УИХ-ын гишүүд ямар нэг шалтгаанаар гадагшаа явах тохиолдолд чуулгантай, чуулгангүй аль ч үед УИХ тамгын газарт мэдэгдэх хэрэгтэй гэж зөвлөсний дагуу би тухай бүр алгасалгүй мэдэгдэж байсан учраас миний гадаад томилолтын тоо илүү өндөр гарсан байх магадлалтай. Мөн эрүүл мэндийн шалтгаанаар чөлөө авсныг ажлын томилолтоор явсан гэж андуурсан бололтой. Х формат дээр олон зурагт тайлбар оруулах боломжгүй тул тайлангын дэлгэрэнгүйг ФБ хуудастаа оруулав. facebook.com/share/p/1ERYYWo… Түүнчлэн УИХ гишүүний улирлын тайлантай танилцах холбоос: 2024 оны 03-р улирлын тайлан: facebook.com/61560680995649/… 2024 оны 04-р улирлын тайлан: facebook.com/share/16JGEqCb8… 2025 оны 01-р улирлын тайлан: facebook.com/share/14FWoT1HQ… 2025 оны 02-р улирлын тайлан: facebook.com/share/p/1HHp1YB… 2025 оны 03-р улирлын тайлан: facebook.com/share/p/1BpLpYC…

Надаас санал асуулгүйгээр нэр оруулсан байсан учир хасч өгөхийг хүссэн байгаа. УИХ гишүүний хувьд Засгийн газрын үйл ажиллагаанд хяналт тавьж ажиллана.